spot_img
Homeຂ່າວສະພາບອາກາດຫຼວງພະບາງອອກແຈ້ງການກຽມຮັບມືໄພພິບັດທີ່ອາດຈະເກີດຂື້ນ ໃນລະຫວ່າງ ວັນທີ 1-4 ສິງຫາ

ຫຼວງພະບາງອອກແຈ້ງການກຽມຮັບມືໄພພິບັດທີ່ອາດຈະເກີດຂື້ນ ໃນລະຫວ່າງ ວັນທີ 1-4 ສິງຫາ

Published on

ແຂວງຫຼວງພະບາງອອກແຈ້ງການກ່ຽວກັບການກະກຽມຮັບມືໄພພິບັດທີ່ອາດຈະເກີດຂື້ນ ໃນລະຫວ່າງ ວັນທີ 1 ຫາ 4 ສິງຫາ 2024.

ອີງຕາມ ຂໍ້ຕົກລົງ ວ່າກ້ວຍການຈັດຕັ້ງ ແລະ ເຄື່ອນໄຫວ ຂອງ ພະແນກຊັບພະຍາກອນທໍາມະຊາດ ແລະ ສິ່ງ ແວດລ້ອມ ແຂວງຫຼວງພະບາງ ສະບັບເລກທີ 239/ຈຂ.ຫຼຸບ, ລົງວັນທີ 20 ເມສາ 2022;
ອິງຕາມບົດສະຫຼຸບສະພາບອາກາດ ແລະ ລະດັບນໍ້າ ຂອງກົມອຸຕຸນິຍົມ ແລະ ອຸທົກກະສາດ ກະຊວງ ຊສ ໃນໄລຍະວັນທີ 22 ຫາ 28 ກໍລະກົດ 2024 ແລະ ຄາດຄະເນສະພາບອາກາດ ແຕ່ 29 ກໍລະກົດ ຫາ 4 ສິງຫາ 2024, ສະບັບເລກທີ 0745 /ກອຕທ, ລົງວັນທີ 29 ກໍລະກົດ 2024.
ອິງຕາມ ແຈ້ງເຕືອນ ນໍ້າຖ້ວມຊູ ແລະ ດິນເຈື່ອນ ໃນລະຫວ່າງວັນທີ 30 ກໍລະກົດ ຫາ 1 ສິງຫາ 2024, ສະບັບເລກທີ 0754 /ກອຕທ, ລົງວັນທີ 30 ກໍລະກົດ 2024 (ສະບັບທີ 1)

ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ ຂໍຖືເປັນກຽດແຈ້ງມາຍັງ ຫ້ອງການຊັບ ພະຍາກອນທໍາມະຊາດ ແລະ ສິ່ງແວດລ້ອມ 11 ເມືອງ ແລະ ນະຄອນ ຫຼວງພະບາງ ຊາບວ່າ: ຕາມຂໍ້ມູນຜົນຄາດ ຄະເນສະພາບອາກາດ ແຕ່ວັນທີ 29 ກໍລະກົດ ຫາ 4 ສິງຫາ 2024, ຮ່ອງຄວາມກົດດັນອາກາດຕໍ່າຈະພາດຜ່ານ ຢູ່ແຂວງພາກເຫນືອຂອງປະເທດລາວ ປ່ອງເຂົ້າໃສ່ຍ່ອມຄວາມກົດດັນອາກາດຕໍ່າທີ່ປົກຄຸມບໍລິເວນພາກເຫນືອຂອງ ສສ ຫວຽດນາມ ສົມທົບກັບລົມມໍລະສຸມຕາເວັນຕົກສ່ຽງໃຕ້ທີ່ມີກໍາລັງແຮງປົກຄຸມເປັນສ່ວນໃຫ່ຍ. ຈິ່ງຈະເຮັດໃຫ້ ຈະມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ ຫາປານກາງ ຢູ່ໃນແຕ່ລະເມືອງ ແລະ ຈະຕົກຫນັກ ຫາ ຫນັກຫຼາຍ ພ້ອມມີລົມພັດແຮງຢູ່ບາງທ້ອງຖິ່ນ. ອຸນນະພູມຢູ່ລະຫວ່າງ 23-34 ອົງສາ.

ດັ່ງນັ້ນ, ຈິ່ງແຈ້ງມາຍັງບັນດາທ່ານ ຫົວຫນ້າຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມ 11 ເມືອງ ແລະ ນະຄອນ ຫຼວງພະບາງ ຈົ່ງແຈ້ງເຕືອນເຖິງພໍ່ແມ່ປະຊາຊົນ ແລະ ອົງການຈັດຕັ້ງທຸກພາກສ່ວນ ຈົ່ງເພີ່ມ ສະຕິລະວັງຕົວ ແລະ ກຽມພ້ອມຮັບມືກັບສະພາບອາກາດຮ້າຍແຮງດັ່ງກ່າວ ໂດຍສະເພາະສະພາບຝົນຕົກຫນັກຕິດ ຕໍ່ກັນຫຼາຍວັນ ທີ່ຈະເຮັດໃຫ້ເກີດມີນໍ້າຖ້ວມຊູ, ດິນເຈື່ອນ ແລະ ນໍ້າຖ້ວມອັ່ງ. ພ້ອມກັນນີ້ຂໍໃຫ້ຕິດຕາມຂ່າວພະ ຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ກະຊວງ ຊສ ຢ່າງເປັນປະຈໍາ.

ບົດຄວາມຫຼ້າສຸດ

ປະກາດການແຕ່ງຕັ້ງ ຮອງເລຂາພັກ ແຂວງ-ຮອງເຈົ້າແຂວງ ສາລະວັນ

ໃນວັນທີ 18 ກັນຍາ 2024 ແຂວງສາລະວັນ ໄດ້ຈັດພິທີປະກາດ ແຕ່ງຕັ້ງຮອງເລຂາພັກແຂວງ, ຮອງເຈົ້າແຂວງໆສາລະວັນ, ທີ່ສະໂມສອນແຂວງ, ໃຫ້ກຽດເຂົ້າຮ່ວມເປັນປະທານຂອງ ສະຫາຍ ພົນເອກ ຈັນສະໝອນ ຈັນຍາລາດ...

ເປີດຢ່າງເປັນທາງການ ກອງປະຊຸມເຈົ້າຄອງນະຄອນຫຼວງອາຊຽນ ປີ 2024

ກອງປະຊຸມເຈົ້າຄອງນະຄອນຫຼວງອາຊຽນ (MGMAC) ແລະ ກອງປະຊຸມເວທີເຈົ້ານະຄອນອາຊຽນ (AMF) ປີ 2024  ເປີດຂຶ້ນຢ່າງເປັນທາງການໃນວັນທີ 18 ກັນຍານີ້ ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ສປປ ລາວ,...

ພິຈາລະນາ ສະເໜີຂໍໃຫ້ອະໄພຍະໂທດ ແກ່ນັກໂທດ ປະຈໍາປີ 2024

ໃນຕອນເຊົ້າວັນທີ 18 ກັນຍາ 2024 ນີ້ ຢູ່ທີ່ຫ້ອງປະຊຸມຂອງອົງການໄອຍະການປະຊາຊົນສູງສຸດ ໄດ້ຈັດກອງປະຊຸມຄະນະກໍາມະການອະໄພຍະໂທດ ລະດັບຊາດ ເພື່ອຄົ້ນຄວ້າພິຈາລະນາການສະເໜີຂໍໃຫ້ອະໄພຍະໂທດ ແກ່ນັກໂທດປະຈໍາປີ 2024 ໂດຍການເປັນປະທານຂອງ ພົນເອກ ວິໄລ...

ແຈ້ງເຕືອນໄພສະບັບທີ 2 ພາຍຸຫນູນເຂດຮ້ອນ ໃນລະຫວ່າງວັນທີ 18 – 22 ກັນຍາ 2024

ພາຍຸດີເປຣຊັນ ກາລັງເຄື່ອນທີຢູ່ເຂດທະເລຈີນໃຕ້ ຕອນກາງ ດ້ວຍຄວາມໄວ 25 ກິໂລແມັດຕໍ່ ຊົ່ວໂມງ ຊຶ່ງໃນເວລາ 8 ໂມງ 25 ນາທີ ມີຈຸດສູນ ກາງ...