spot_img
Homeຂ່າວພາຍ​ໃນຜົນເສຍຫາຍເບື້ອງຕົ້ນນໍ້າຖ້ວມ ເມືອງຄູນຄຳ ແຂວງຄຳມ່ວນ

ຜົນເສຍຫາຍເບື້ອງຕົ້ນນໍ້າຖ້ວມ ເມືອງຄູນຄຳ ແຂວງຄຳມ່ວນ

Published on

ວັນທີ 27 ກໍລະກົດ 2024 ນີ້ໄດ້ມີກອງປະຊຸມສ່ອງແສງລາຍງານສະພາບນໍ້າຖ້ວມພາຍໃນເມືອງຄູນຄໍາ ຂື້ນຢ່າງເປັນທາງການໂດຍການເປັນປະທານຂອງ ທ່ານ ແກ້ວວິໄລ ໄຊຍະບຸດ ເຈົ້າເມືອງຄູນຄໍາ ແຂວງ ຄຳມ່ວນ, ເຊິ່ງໄດ້ລາຍງານໃຫ້ຮູ້ວ່າ:

May be an image of 1 person and dais

ເມືອງ ຄູນຄໍາ ໄດ້ຮັບຜົນກະທົບຈາກພະຍຸໝຸນເຂດຮ້ອນ ພຣະພິຣຸນ ແລະ ພະຍຸດິເຟຣຊັນ ເຮັດໃຫ້ຝົນຕົກໜັກຕິດຕໍ່ກັນຫຼາຍວັນ, ເຊິ່ງໄດ້ເຮັດໃຫ້ຫຼາຍຈຸດຂອງເມືອງຄູນຄໍາ ຖືກນໍ້າຖ້ວມຂັງ ແລະ ໄຫຼເຂົ້າຖ້ວມເນື້ອທີ່ທຳການຜະລິດຂອງປະຊາຊົນໃນແຕ່ລະເຂດເປັນຕົ້ນ: ເຂດບ້ານພູຊາດ-ນາພວກເກົ່າ ຫາ ບ້ານມ່ວງນໍ້າສາງ ນໍ້າໄດ້ໄຫຼເຂົ້າຖ້ວມເນື້ອທີ່ນາປີ ຈຳນວນ 162 ເຮັດຕາ, ສວນມັນຕົ້ນ 48 ເຮັກຕາ, ເຂດບ້ານມ່ວງນໍ້າສາງ ຫາ ບ້ານຄູນມະນີ (ຄຸ້ມນາຊ້າງຂ້າມເກົ່າ) ນໍ້າຖ້ວມເນື້ອທີ່ນາປີ ຈຳນວນ 496 ເຮັກຕາ, ສວນມັນຕົ້ນ 20 ເຮັກຕ່າ, ເຂດບ້ານນາຄໍາ ນາກາງ ຫາ ບ້ານໂພນແຍງ ນໍ້າຖ້ວມນາປີ ຈຳນວນ 347 ເຮັກຕາ, ສວນມັນຕົ້ນ 20 ເຮັກຕາ ແລະ ພືດຜັກອື່ນໆຈຳນວນ 40 ເຮັກຕາ.

No photo description available.

ເຂດບ້ານພູໝາແໜ່ງ, ບ້ານຜາຊ້າງມີນໍ້າຖ້ວມນາປີ ຈຳນວນ 117,5 ເຮັກຕາ, ສວນມັນຕົ້ນ 6,5 ເຮັກຕາ ແລະ ສວນຢາງພາລາ ຈໍານວນ 7,5 ເຮັກຕາ, ສຳລັບການສັນຈອນເສັ້ນທາງຄູນຄໍາ ຫາ ກອງລໍ ຈຸດບ້ານນາຄຳ ຫາ ນາກາງ ຈຳນວນ 4 ກິໂລແມັດ ລົດກະບະ 4 ລໍ້ ບໍ່ສາມາດທຽວໄດ້, ການສັນຈອນປະຈຸບັນແມ່ນນຳໃຊ້ເຮືອຫາງຍາວ, ເສັ້ນທາງເລກ 8 A ຈຸດເທິງພູໄຮ ດິນສະໄລ້ມາຖົມທາງຈຸດພູເຈື່ອນເກົ່າ ແລະ ຈຸດໄຫມ່ ກິໂລແມັດທີ 46+350 ແລະ ກິໂລແມັດທີ 48+700 ປະຈຸບັນລົດສາມາດທຽວໄດ້ປົກກະຕິ.

No photo description available.

ປະຈຸບັນ ລະດັບນໍ້າຫີນບູນຕອນເທິງແມ່ນໄດ້ຄ່ອຍໆຫຼຸດລົງ, ຖ້າຝົນຫາກຕົກຄ່ອຍ ແລະ ຢຸດຕົກເຂດທີ່ນໍ້າຖ້ວມຂັງ ອາດຈະຫຼຸດລົງເຊັ່ນກັນ, ຜ່ານການລົງຕິດຕາມກວດກາ ແລະ ໄດ້ປະເມີນເບື້ອງຕົ້ນ ເຫັນວ່າທົ່ວເມືອງຄູນຄໍາ ຖືກນໍ້າຖ້ວມນາປີ ທັງໝົດ ຈຳນວນ 1,097 ເຮັກຕາ, ສວນມັນຕົ້ນ 88 ເຮັກຕາ ແລະ ສວນພືດອື່ນໆ 40 ເຮັກຕາ, ພ້ອມນັ້ນຍັງໄດ້ຮັບຟັງການລາຍງານສະພາບນໍ້າຖ້ວມໃນ 4 ເຂດພັດທະນາທົ່ວເມືອງ ແລະ ການກຽມຄວາມພ້ອມຮັບມືຈາກຂະແໜງການກ່ຽວຂ້ອງດ້ວຍຄວາມຮັບຜິດຊອບສູງ.

ຂ່າວ: ລັດສະໝີ ຈູມໂພຄໍາ, ຫ້ອງການ ຖວທ ເມືອງຄູນຄຳ ຂ່າວເມືອງຄູນຄຳ
ພາບ:ວັນລະຄານ ໄຊຍະລາດ.

ບົດຄວາມຫຼ້າສຸດ

ສະມາຄົມສິລະປະ ແລະ ແລກປ່ຽນວັດທະນະທຳ ສ.ເກົາຫຼີ ມອບພາຫະນະ ແລະ ເຄື່ອງຮັບໃຊ້ ໃຫ້ກະຊວງ ປກສ ລາວ

ວັນທີ 20 ກັນຍາ 2024, ພົອ ວິໄລ ຫຼ້າຄຳຟອງ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນຄວາມສະຫງົບ ໄດ້ຕ້ອນຮັບຄະນະສະມາຄົມສິລະປະ ແລະ ແລກປ່ຽນວັດທະນະທຳ ສາທາລະນະລັດເກົາຫຼີ...

ຈະປ່ອຍນ້ຳ ເຂື່ອນໄຟຟ້ານ້ຳງື່ມ 2 ແຕ່ວັນທີ 21 ກັນຍາ 2024 ເປັນຕົ້ນໄປ

ອີງຕາມແຈ້ງການຂອງບໍລິສັດໄຟຟ້ານໍ້າງື່ມ 2 ຈຳກັດ ລົງເມື່ອວັນທີ 19 ກັນຍາ 2024 ກ່ຽວກັບແຈ້ງສະຖານະການຂອງປະລິມານນໍ້າໃນອ່າງເກັບນໍ້າງື່ມ 2 ຄາດຄະເນການເປີດປະຕູລະບາຍນໍ້າ. (ອ່ານລາຍລະອຽດລຸ່ມນີ້)

ພາຍຸ ບໍຣິສ ພັດຖະຫຼົ່ມອິຕາລີ ນ້ຳຖ້ວມຕິດ 2 ປີ ຫຼ້າສຸດເສຍຊີວິດ 23 ຄົນ

ສຳນັກຂ່າວຕ່າງປະເທດລາຍງານໃນວັນທີ 20 ກັນຍາ 2024 ນີ້ວ່າ: ພາຍຸບໍຣິສ ພັດຖະຫຼົ່ມພາກຕາເວັນອອກສ່ຽງເໜືອ ແລະ ພາກກາງຂອງປະເທດອິຕາລີ ໃນວັນທີ 19 ກັນຍາ 2024 ຜ່ານມາ,...

ເຕືອນ 9 ເມືອງ ສ່ຽງນໍ້າຖ້ວມຈາກການລະບາຍນໍ້າ ເຂື່ອນເຊລະນອງ 1 ແຂວງສະຫວັນນະເຂດ

ອີງຕາມແຈ້ງການຂອງຫ້ອງວ່າການແຂວງສະຫວັນນະເຂດ ລົງເມື່ອວັນທີ 19 ກັນຍາ 2024 ກ່ຽວກັບການປ່ອຍປະຕູລະບາຍນໍ້າເພື່ອບໍລິຫານຈັດການນໍ້າຂອງເຂື່ອນໄຟຟ້າເຊລະນອງ 1 (ອ່ານລາຍລະອຽດແຈ້ງການລຸ່ມນີ້)