ໂຮງງານຜະລິດຫົວອາຫານສັດຕັ້ງຢູ່ບ້ານຫ້ວຍຊຸມເມືອງໄຊ ແຂວງອຸດົມໄຊ ທີ່ມີກຳລັງການຜະລິດ 60 ພັນໂຕນຕໍ່ປີ
ໄດ້ມີພິທີເປີດ ແລະ ເລີ່ມທຳການຜະລິດເປັນທາງການນັບແຕ່ວັນທີ 11 ທັນວາເປັນຕົ້ນມາ.
ໃຫ້ກຽດເຂົ້າຮ່ວມໃນພິທີຂອງທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ ຜູ້ຊີ້ນຳວຽກງານເສດຖະກິດ
ຂົງເຂດການຜະລິດ ແລະ ການຈໍລະຈອນ, ທ່ານ ຄຳຫຼ້າ ລິ້ງນະສອນ ເຈົ້າແຂວງໆອຸດົມໄຊ, ທ່ານລັດຖະມົນຕີວ່າການ
ກະຊວງກະສິກຳ ແລະ ປ່າໄມ້, ທ່ານ ວູຈຽນຫຸຍ ປະທານກຸ່ມບໍລິສັດຢູນນານວັດສະດຸຂາເຂົ້າ-ຂາອອກ ຈຳກັດ (YNPC),
ມີບັນດາການນຳແຂວງ, ພະນັກງານທີ່ກ່ຽວຂ້ອງເຂົ້າຮ່ວມ.
ທ່ານ ວູຈຽນຫຸຍ ລາຍງານວ່າ:ໂຮງງານຫຼັງນີ້ໄດ້ເລີ່ມລົງມືກໍ່ສ້າງມາແຕ່ທ້າຍປີ 2012 ໃນມູນຄ່າການກໍ່ສ້າງທັງໝົດ
ເກືອບ 5,3 ລ້ານໂດລາສະຫະລັດ ຊຶ່ງມີກຳລັງການຜະລິດ 60 ໂຕນຕໍ່ປີ, ໂຮງງານຜະລິດຫົວອາຫານສັດແຫ່ງນີ້ ໄດ້ຮັບ
ການຊ່ວຍເຫຼືອຈາກທ່ານ ຊິນກວາງຢົງ ເລຂາພັກແຂວງຢູນນານ ສປ ຈີນ ມອບໃຫ້ເປັນຂອງຂວັນແກ່ລັດຖະບານ
ລາວ ເພື່ອເປັນການຊ່ວຍພັດທະນາຂະແໜງການປູກຝັງ, ລ້ຽງສັດຢູ່ເຂດພາກເໜືອຂອງລາວ ແລະ ທັງເປັນສັນຍະ
ລັກແຫ່ງການຮ່ວມມືລະຫວ່າງ ສປປ ລາວ- ສປ ຈີນ.
ໂອກາດນີ້, ທ່ານ ສົມສະຫວາດ ເລັ່ງສະຫວັດ ໄດ້ມີຄຳເຫັນ ແລະ ຊີ້ນຳບາງບັນຫາເປັນຕົ້ນ: ແມ່ນສະເໜີໃຫ້ແຕ່ລະພາກ
ສ່ວນທີ່ກ່ຽວຂ້ອງຈົ່ງເອົາໃຈໃສ່ໃນການ ດຳເນີນງານລວມທັງກວດກາຄືນຄວາມເຂົ້າໃຈກ່ຽວກັບບົດໂຄງການ, ກຳລັງ
ການຜະລິດ ແລະ ວັດຖຸດິບທີ່ຈະນຳໃຊ້ເຂົ້າໃນການຜະລິດໃຫ້ລະອຽດຂຶ້ນຕື່ມ, ຂະນະດຽວກັນທ່ານ ຄຳຫຼ້າ ລິ້ງນະສອນ
ເຈົ້າແຂວງໆອຸດົມໄຊ ກໍໄດ້ ກ່າວສະແດງຄວາມຂອບໃຈ ແລະ ຍິນດີ ທີ່ຈະຊ່ວຍເຫຼືອ, ອຳນວຍຄວາມສະດວກທຸກດ້ານ
ຂອງການຜະລິດຂອງໂຮງງານແຫ່ງນີ້.
ແຫລ່ງຂ່າວ: ເສດຖະກິດ – ສັງຄົມ