spot_img
Homeຂ່າວຕ່າງປະເທດອຸທາຫອນ! ຍິງສາວຊາວອິນໂດເນເຊຍ ລົ້ມຈາກເຄື່ອງແລ່ນຕົກລົງປ່ອງຢ້ຽມຢູ່ຊັ້ນສາມ ເຮັດໃຫ້ເສຍຊີວິດ

ອຸທາຫອນ! ຍິງສາວຊາວອິນໂດເນເຊຍ ລົ້ມຈາກເຄື່ອງແລ່ນຕົກລົງປ່ອງຢ້ຽມຢູ່ຊັ້ນສາມ ເຮັດໃຫ້ເສຍຊີວິດ

Published on

ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2024 ນີ້ກ່ຽວກັບເຫດການບໍ່ຄາດຄິດເມື່ອຍິງສາວຊາວອິນໂດເນເຊຍ ອາຍຸ 22 ປີ ໃຊ້ເຄື່ອງແລ່ນຢູ່ດີໆກໍເກີດລົ້ມ ແລ້ວພັດຕົກລົງຈາກປ່ອງຢ້ຽມທາງຫຼັງ ເຮັດໃຫ້ຕົກມາຈາກຊັ້ນ 3 ລົງໃສ່ພຶ້ນຢ່າງຮຸນແຮງຈົນເຮັດໃຫ້ເສຍຊີວິດ.

ຕາມການລາຍງານ ຍິງສາວຄົນນີ້ໄດ້ເດີນທາງໄປອອກກຳລັງກາຍກັບແຟນ ແລະ ນ້ອງ ໂດຍເບື້ອງຕົ້ນແຟນໜຸ່ມໄດ້ຊວນຍິງຄົນດັ່ງກ່າວອອກກຳລັງກາຍນຳກັນໃນຊັ້ນ 2 ແຕ່ນາງຢາກໃຊ້ເຄື່ອງແລ່ນໄຟຟ້າທີ່ຢູ່ຊັ້ນ 3 ເຊິ່ງເປັນບໍລິເວນທີ່ເກີດເຫດເຊິ່ງເຄື່ອງແລ່ນໄຟຟ້າໄດ້ຫັນທາງຫຼັງໃສ່ກັບປ່ອງຢ້ຽມ ຈາກນັ້ນນາງຈຶ່ງໄດ້ຂຶ້ນໄປໃຊ້ງານແຕ່ພາຍຫຼັງທີ່ໃຊ້ງານໄດ້ພຽງ 30 ນາທີກໍໄດ້ປັບເຄື່ອງຈາກໃຫ້ຊ້າລົງກ່ອນທີ່ຕົນເອງຈະລົ້ມຫງາຍຫຼັງ ແລ້ວຕົກລົງຈາກປ່ອງຢ້ຽມຂະນາດໃຫຍ່ທີ່ເປີດຢູ່ ເຮັດໃຫ້ຕົກລົງໄປຢູ່ລຸ່ມທ່າມກາງຄວາມແຕກຕື່ນຂອງຜູ້ທີ່ມາອອກກຳລັງກາຍຄົນອື່ນໆ.

ຫຼັງຈາກເກີດເຫດການນີ້ຂຶ້ນ ສູນອອກກຳລັງກາຍແຫ່ງນີ້ຕ້ອງໄດ້ປິດໃຫ້ບໍລິການ 3 ມື້ ຂະນະທີ່ການສືບສວນຂອງເຈົ້າໜ້າທີ່ພົບວ່າໄລຍະຫ່າງລະຫວ່າງປ່ອງຢ້ຽມ ກັບເຄື່ອງແລ່ນພຽງແຕ່ 60 ຊັງຕີແມັດ ແລະ ຂອບປ່ອງຢ້ຽມຢູ່ສູງຈາດລລລກພື້ນຊັ້ນສາມພຽງ 30 ຊັງຕີແມັດ ແຕ່ປ່ອງຢ້ຽມມີຄວາມກວ້າງ 90 ຊັງຕີແມັດ.

ເຊິ່ງຕອນນີ້ເຈົ້າໜ້າທີ່ຕຳຫຼວດກຳລັງສືບສວນວ່າສູນອອກກຳລັງກາຍແຫ່ງນີ້ມີການປ່ອຍປະລະເລີຍຈົນເກີດອຸບັດຕິເຫດ ແລະ ມີໃບອະນຸຍາດໃນການເປີດກິດຈະການຫຼືບໍ່ ແລະ ຍັງສອບສວນຜູ້ຢູ່ໃນເຫດການຫຼາຍຄົນອີກດ້ວຍ.

ແຫຼ່ງຂ່າວ: ໄທລັດ

ບົດຄວາມຫຼ້າສຸດ

ຮອງລັດຖະມົນຕີ ກະຊວງສາທາລະນະສຸກ ສປປ ລາວ ຮ່ວມກອງປະຊຸມລະດັບສູງສະຫະປະຊາຊາດ

ດຣ. ໄພວັນ ແກ້ວປະເສີດ ຮອງລັດຖະມົນຕີ ກະຊວງ ສາທາລະນະສຸກ ໄດ້ເຂົ້້າຮ່ວມກອງປະຊຸມລະດັບສູງສະຫະ ປະຊາຊາດ ຈັດຂຶ້ນຢູ່ນະຄອນນີວຢອກ, ສະຫາລັດອາເມລິກາ, ກອງປະຊຸມດັ່ງກ່າວ ມີການນໍາຂັ້ນສູງຈາກບັນດາປະເທດສະ ມາຊິກສະຫະປະຊາຊາດ ພ້ອມທັງອົງການຈັດຕັ້ງສາກົນເຂົ້າຮ່ວມ,...

ແຈ້ງເຕືອນສະພາບລະດັບນໍ້າສາຂາ ປະຈໍາວັນທີ 26 ກັນຍາ 2024. ເວລາ 12 ໂມງ 00

ບໍລິເວນຄວາມກົດດັນສູງຂອງອາກາດເຢັນ ໄດ້ປົກຄຸມຢູ່ທົ່ວທຸກພາກຂອງປະເທດລາວ, ສົມທົບກັບລົມຕາເວັນອອກສ່ຽງໃຕ້ພັດປົກຄຸມ. ຊຶ່ງຈະເຮັດໃຫ້ ຍັງຈະມີຝົນຕົກຟ້າຮ້ອງ ຟ້າເຫຼື້ອມໃນລະດັບຄ່ອຍຢູ່ໃນແຕ່ລະພາກ ແລະ ຈະໃນລະດັບປານກາງຢູ່ບາງທ້ອງຖິ່ນພ້ອມມີລົມ ພັດແຮງເປັນບາງໂອກາດ. ພ້ອມດຽວກັນນີ້, ໃນເວລາ 7:00 ໂມງ ສະພາບລະດັບນໍ້າສາຂາ ເຊັ່ນ:...

ກັກຕົວແກ້ງໄວລຸ້ນ ດັດແປງສະພາບເຕັກນິກລົດຈັກ ມາສຶກສາອົບຮົມ

ວັນທີ 19 ກັນຍາ 2024, ກອງບັນຊາການ ປກສ ເມືອວຽງພູຄາ ແຂວງຫຼວງນໍ້າທາ ໄດ້ອອກກວດກາເຄື່ອນໄຫວຕາມເທດບານ ເມືອງວຽງພູຄາ ພົບເຫັນຜູ້ລະເມີດການສັນຈອນ ໂດຍການດັດແປງສະພາບເຕັກນິກລົດຈັກ ຈຳນວນ 11...

ມອບ-ຮັບເຂົ້າສານຈ້າວ 100 ກວ່າໂຕນ ໃຫ້ແກ່ຜູ້ປະສົບໄພນໍ້າຖ້ວມ ແຂວງຫຼວງນໍ້າທາ

ໃນຕອນເຊົ້າວັນທີ 26 ກັນຍາ 2024, ອົງການກາແດງແຫ່ງຊາດລາວ,ອົງການອາຫານໂລກ, ກະຊວງແຮງງານ ແລະ ສະຫວັດດີການສັງຄົມ, ຄະນະນຳແຂວງຫຼວງນໍ້າທາ ແລະ ອົງການກາແດງແຂວງ ໄດ້ລົງແຈກຢາຍເຂົ້າສານຈ້າວໃຫ້ປະຊາຊົນທີ່ປະສົບໄພນໍ້າຖ້ວມ ໂດຍການເຂົ້າຮ່ວມຂອງທ່ານ ຄຳລາວັນ...