ສຳນັກຂ່າວຕ່າງປະເທດລາຍງານວ່າ: ເມື່ອບໍ່ດົນມານີ້, ເຈົ້າໜ້າທີ່ຕຳຫຼວດໃນເມືອງຄອມເມີດຊີຕີ, ລັດໂຄໂລລາໂດ, ສະຫະລັດອາເມລິກາໄດ້ໃຫ້ຮູ້ວ່າ ມີເຫດການສຸດປະຕິຫານຂອງຊາຍຄົນໜຶ່ງທີ່ຖືກຄູ່ກໍລະນີໄລ່ຍິງ, ແຕ່ລາວບໍ່ໄດ້ຮັບບາດເຈັບຈາກລູກປືນເລີຍ, ເພາະລູກປືນໄດ້ຖືກສາຍຄໍຂອງລາວ ແລະ ເຮັດໃຫ້ລອດຊີວິດຢ່າງປະຕິຫານ.
ເຊິ່ງລັກສະນະຂອງສາຍຄໍເປັນສະແຕນເລດ, ມີຄວາມໜາປະມານ 10 ມິລີແມັດ (mm), ໂດຍລູກປືນໄດ້ຖືກສາຍຄໍພໍດີ ເລີຍເຮັດໃຫ້ຄວາມແຮງຂອງກະສູນຫຼຸດລົງ. ດັ່ງນັ້ນ, ຈຶ່ງເຮັດໃຫ້ລາວລອດຊີວິດຢ່າງປະຕິຫານ, ເມື່ອມີກະແສຂ່າວອອກໄປ ຕ່າງກໍເຮັດໃຫ້ຄົນໃນສັງຄົມສົງໄສວ່າ: ສາຍຄໍທີ່ລາວສວມໃສ່ນັ້ນຊື້ມາຈາກໃສ?
ສຳລັບຄະດີດັ່ງກ່າວ, ເຈົ້າໜ້າທີ່ສາມາດຈັບກຸມຜູ້ກໍ່ເຫດໄດ້ແລ້ວ, ພ້ອມທັງໃສ່ໂທດຂໍ້ຫາພະຍາຍາມຂ້າ.
ທີ່ມາ: CNN