spot_img
Homeຂ່າວກິລາມະຫາກຳກິລານັກຮຽນອາຊຽນ ຄັ້ງທີ 13 ທີ່ນະຄອນດານັງ ສສ ຫວຽດນາມ

ມະຫາກຳກິລານັກຮຽນອາຊຽນ ຄັ້ງທີ 13 ທີ່ນະຄອນດານັງ ສສ ຫວຽດນາມ

Published on

ງານມະຫາກຳກິລານັກຮຽນອາຊຽນ ຄັ້ງທີ 13 ໄດ້ຖືກໄຂຂຶ້ນຢ່າງເປັນທາງການ ໃນຕອນຄໍ່າວັນທີ 1 ມິຖຸນາ 2024 ທີ່ນະຄອນດານັງ ສສ ຫວຽດນາມ ໂດຍມີບັນດາການນຳຂັ້ນສູງພັກ-ລັດ ຂອງປະເທດເຈົ້າພາບ ແລະ ປະເທດອາຊຽນ ເຂົ້າຮ່ວມ ເຊິ່ງ ສປປ ລາວ ເຮົາ ໃຫ້ກຽດເຂົ້າຮ່ວມໂດຍທ່ານ ກິ່ງມະໂນ ພົມມະຫາໄຊ ຮອງລັດຖະມົນຕີ ກະຊວງສຶກສາທິການ ແລະ ກິລາ, ທ່ານ ສຸພັນ ຫາດາວເຮືອງ ຫົວໜ້າກົງສູນລາວ ປະຈຳນະຄອນດານັງ ແລະ ທ່ານ ວິລະວັນ ບຸນສຸກໄທ ຫົວໜ້າກົມກິລາມວນຊົນ, ພະລະ ແລະ ສິລະປະສຶກສາ ກະຊວງສຶກສາທິການ ແລະ ກິລາ.

ທ່ານ ຫງວຽນ​ກິມ​ເຊີນ ລັດຖະມົນຕີ​ກະຊວງ​ສສຶກສາ ແລະ ກໍ່ສ້າງ ສສ ຫວຽດນາມ, ປະທານ ຄະນະກຳມະການຈັດງານ ໄດ້​ກ່າວວ່າ: “ງານ​ມະຫາ​ກຳ​ກິລາ​ນັກຮຽນ​ອາຊີ​ຕາ​ເວັນ​ອອກ​ສຽງ​ໃຕ້ ​ແມ່ນ​ງານ​ມະຫາ​ກຳ​ກິລາ​ໃຫຍ່​ທີ່​ສຸດ ​ຂອງ​ບັນດາ​ນັກຮຽນ​ມັດທະຍົມ​ໃນ​ບັນດາ​ປະ​ເທດ​ອາຊີ​ຕາ​ເວັນ​ອອກ​ສຽງ​ໃຕ້ ຊຸກຍູ້​ຄວາມ​ສາມັກຄີ, ມິດຕະພາບ​ສາກົນ, ​ເຄົາລົບ​ນັບຖື ​ແລະ ຄວາມ​ເຂົ້າ​ອົກ​ເຂົ້າ​ໃຈ​ລະຫວ່າງ​ບັນດາ​ປະ​ເທດ ​ເພື່ອ​ການ​ພັດທະນາ​ທາງ​ດ້ານ​ຮ່າງກາຍ ​ແລະ ຈິດ​ໃຈ​ຂອງ​ນັກ​ສຶກສາ, ​ເພື່ອ​ໃຫ້​ຊາວ​ໜຸ່ມ​ອາຊີ​ຕາ​ເວັນ​ອອກສຽງ​ໃຕ້​ເຊື່ອມ​ໂຍງ ​ແລະ ພັດທະນາ. ບໍ່​ພຽງ​ແຕ່​ແມ່ນ​ສະຖານ​ທີ່​ເພື່ອແຂ່ງຂັນ​ກິລາ​ເທົ່າ​ນັ້ນ, ງານ​ມະຫາ​ກຳ​ກິລາ​ນັກຮຽນ​ອາຊີ​ຕາ​ເວັນ​ອອກສຽງ​ໃຕ້​ຄັ້ງ​ທີ 13 ​ຍັງແມ່ນ​ໂອກາດ​ເພື່ອ​ແລກປ່ຽນ, ຮຽນ​ຮູ້ ​ແລະ ​ເຊື່ອມ​ໂຍງ​ເຂົ້າ​ກັບ​ບັນດາ​ນັກ​ສຶກສາ​ທີ່​ມາ​ຈາກ 10 ປະ​ເທດ​ອາ​ຊຽນ, ດ້ວຍ​ຈິດໃຈ “​ເຊື່ອມ​ໂຍງ​ເຂົ້າກັນ”.

ພິທີເປີດ ເລີ່ມຕົ້ນດ້ວຍການສະແດງສິລະປະວັນນະຄະດີ ຫຼາຍລາຍການ ທີ່ສ່ອງແສງໃຫ້ເຫັນເຖິງມູນເຊື້ອວັດທະນະທຳອັນດີງາມຂອງປະເທດຫວຽດນາມ ເວົ້າລວມ ແລະ ເວົ້າສະເພາະຂອງນະຄອນດານັງ ທີ່ປະສົມກົມກືນລະຫວ່າງຍຸກເກົ່າ ກັບຄົນຍຸກສະໄໝໃໝ່ ກ່ອນຈະຕິດຕາມມາດ້ວຍຂະບວນສວນສະໜາມຂອງຂະບວນນັກກິລານັກຮຽນທັງ 10 ຊາດອາຊຽນ ເຊິ່ງທີມນັກກິລາທີມຊາດນັກຮຽນ ສປປ ລາວພວກເຮົາ ຖືທຸງຊາດນຳຂະບວນແມ່ນ ທ້າວ ຊະນະ ສີລິລັກ ນັກກິລາດອກປີກໄກ່ ຜົນງານຫຼຽນເງິນ ປະເພດທີມຄູ່ປະສົມ ຮຸ່ນ ຢູ-17 ຊີງແຊ໋ມອາຊີ ຕາເວັນອອກສຽງໃຕ້.
ສຳລັບທັບນັກກິລາລາວທີ່ເດີນທາງມາຄັ້ງນີ້ ລວມທັງຄະນະນຳ, ຜູ້ຮັບຜິດຊອບທີມ ແລະ ຄູຝຶກ ທັງໝົດ 80 ກວ່າຄົນ ສົ່ງເຂົ້າຮ່ວມຄົບທັງ 6 ປະເພດ ໄດ້ແກ່: ແລ່ນ-ລານ, ລອຍນໍ້າ, ດອກປີກໄກ່, ບານບ້ວງ, ປັນຈັກສີລັດ ແລະ ໂວວີນາມ.

ແຫຼ່ງຂ່າວ: ຄົນຂ້າງສະໜາມ ຮູບພາບ: ASEAN Schools Games 2024

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...