Homeຂ່າວພາຍ​ໃນເປີດພິພິຕະພັນ ຊີວະນາໆພັນ ນໍ້າກັດຢໍລະປາ

ເປີດພິພິຕະພັນ ຊີວະນາໆພັນ ນໍ້າກັດຢໍລະປາ

Published on

ວັນທີ 24 ກຸມພາທີ່ຜ່ານມາ ທີ່ນໍ້າກັດຢໍລະປາ ແຂວງອຸດົມໄຊ, ໄດ້ມີພິທີເປີດພິພິຕະພັນຊີວະນາໆພັນ ນໍ້າກັດຢໍລະປາ ໂດຍການເຂົ້າຮ່ວມຂອງທ່ານ ນາງ ບຸນຄຳ ວໍລະຈິດ ລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ທ່ານ ບຸນຄົງ ຫຼ້າຈຽມພອນ ເຈົ້າແຂວງອຸດົມໄຊ, ມີແຂກຖືກເຊີນຈາກສູນກາງ ແລະ ທ້ອງຖິ່ນເຂົ້າຮ່ວມ. ໃນພິທີດັ່ງກ່າວຜູ້ເຂົ້າຮ່ວມໄດ້ຮັບຟັງປະຫວັດຄວາມເປັນມາຂອງພິພິຕະພັນຊີວະນາໆພັນ ນໍ້າກັດຢໍລະປາ ຈາກທ່ານ ສົມເພັດ ມ້າວປະເສີດ ປະທານບໍລິສັດ ແຟເຊັດ ພັດທະນາແຫຼ່ງທ່ອງທ່ຽວທຳມະຊາດ, ຮັບຟັງຄວາມເປັນມາຂອງວຽກງານຄົ້ນຄວ້າກ່ຽວກັບ ງູ-ສັດເລືອຄານ ແລະ ຄວາມເປັນມາຂອງວຽກງານຄົ້ນຄວ້າກ່ຽວກັບພັນດອກໄມ້ຈາກ ຊ່ຽວຊານ.

May be an image of 7 people and text

ພິພິຕະພັນຊີວະນາໆພັນ ນໍ້າກັດຢໍລະປາ ສ້າງຂຶ້ນເພື່ອເປັນບ່ອນອະນຸລັກຟື້ນຟູທຳມະຊາດ ແລະ ສຶກສາຄົ້ນຄວ້າ, ຮວບຮວມເອົາຊີວະນາໆພັນຢູ່ໃນເຂດອານຸລັກສາຍນໍ້າຕິດພັນກັບການທ່ອງທ່ຽວທາງທຳມະຊາດ ໃນອະນາຄົດ, ເພື່ອບັນລຸ 3 ເປົ້າໝາຍຕາມແຜນການພັດທະນາຄື: ວຽກງານອະນຸລັກ, ຟື້ນຟູຊັບພະຍາກອນທຳມະຊາດ ແລະ ສິ່ງແວດລ້ອມ, ສຶກສາຄົ້ນຄວ້າຊີວະນາໆພັນ, ທັງເປັນການສ້າງວຽກເຮັດງານທໍາ, ສ້າງສີມືແຮງງານໃຫ້ຄົນໃນທ້ອງຖິ່ນຕິດພັນກັບການອະນຸລັກວັດທະນາທຳ, ຮີດຄອງປະເພນີຂອງຊົນເຜົ່າ ແລະ ວຽກງານສ້າງຜະລິດຕະພັນ(ກິດຈະກໍາທ່ອງທ່ຽວທຳມະຊາດ ສະຖານທີ່ພັກແຮມ ແລະ ອົງປະກອບການບໍລິການຕ່າງໆທີ່ປິ່ນອ້ອມ, ກິດຈະກຳທ່ອງທ່ຽວວັດທະນາທຳ, ຮີດຄອງ ຂອງຊົນເຜົ່າ, ກິດຈະກຳທ່ອງທ່ຽວໃນຮູບແບບສຶກສາຄົ້ນຄວ້າຊີວະນາໆພັນ).

No photo description available.

ໂອກາດນີ້, ທ່ານ ນາງ ບຸນຄໍາ ວໍລະຈິດ ໄດ້ມີຄຳເຫັນຍ້ອງຍໍຊົມເຊີນຕໍ່ຜູ້ພັດທະນາໂຄງການ ແລະ ຊ່ຽວຊານຄົ້ນຄວ້າຊີວະນາໆພັນ, ຄວາມອຸດົມສົມບູນຂອງຊີວະນາໆພັນໃນປ່າແມ່ນມໍລະດົກທາງຊັບພະຍາກອນທຳມະຊາດ ແລະ ສິ່ງແວດລ້ອມອັນລຳ້ຄ່າຂອງແຂວງອຸດົມໄຊກໍຄືຂອງປະເທດເຮົາ ແລະ ຫວັງວ່າການລິເລີ່ມສຶກສາຄົ້ນຄວ້າ ແລະ ສ້າງພິພິຕະພັນນໍ້າກັດຢໍລະປາແຫ່ງນີ້ ຈະເປັນໜໍ່ແໜງທີ່ເປັນໂຕແບບໃຫ້ແກ່ການອານຸລັກ ແລະ ຮັກສາມໍລະດົກທາງທຳມະຊາດຂອງປະເທດຊາດເຮົາຕໍ່ໄປໃຫ້ອະນາຄົດ.

May be an image of text

ໂຄງການພັດທະນາ ພິພິຕະພັນຊີວະນາໆພັນ ນໍ້າກັດຢໍລະປາ ໄດ້ເລີ່ມສຶກສາຄົ້ນຄວ້າແຕ່ປີ 2016, ເປົ້າ ໝາຍການສຶກສາຄົ້ນຄວ້າ ເພື່ອສັງລວມເອົາຊີວະນາໆພັນ ທີ່ມີຢູ່ໃນເຂດອານຸລັກອ່າງໂຕ່ງຂອງສາຍນໍ້າກັດຕິດພັນກັບການສ້າງຜະລິດຕະພັນການທ່ອງທ່ຽວ ທາງທຳມະຊາດ. ປັດຈຸບັນສາມາດດຳເນີນການສຶກສາຄົ້ນຄວ້າຊີວະນາໆພັນໄດ້ແລ້ວ 4 ກຸ່ມຄື: ກຸ່ມງູ ແລະ ສັດເລືອຄານ ຈຳນວນ 60 ຊະນິດ, ກຸ່ມແມງກະເບື້ອ ແລະ ແມງໄມ້ມີ 260 ຊະນິດ, ກຸ່ມນົກ 114 ຊະນິດ ແລະ ກຸ່ມດອກໄມ້ປ່າມີ 68 ສາຍພັນ.

ຂ່າວ: ແສງອາທິດ

ບົດຄວາມຫຼ້າສຸດ

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...

ຕິດຕາມ ກວດກາ ແລະ ຄຸ້ມຄອງຢ່າງເຂັ້ມງວດ ຕໍ່ບັນດາໂຄງການຂຸດຄົ້ນ ແລະ ປຸງແຕ່ງແຮ່ທາດ-ເງິນ

ໃນໄລຍະ 9 ເດືອນຜ່ານມາ ຂອງປີ 2026, ນະຄອນຫຼວງວຽງຈັນ ສາມາດຈັດຕັ້ງປະຕິບັດການສົ່ງອອກຜະລິດຕະພັນແຮ່ທາດ ບັນລຸໄດ້ 146,878.81 ໂຕນ, ຄິດເປັນ 41.91% ຂອງແຜນການປີ. ຂໍ້ມູນດັ່ງກ່າວ...