spot_img
Homeຂ່າວພາຍ​ໃນຮອງປະທານປະເທດ ລົງມອບເຄື່ອງໃຫ້ປະຊາຊົນ ເມືອງຫລາ ແຂວງອຸດົມໄຊ

ຮອງປະທານປະເທດ ລົງມອບເຄື່ອງໃຫ້ປະຊາຊົນ ເມືອງຫລາ ແຂວງອຸດົມໄຊ

Published on

ໃນໂອກາດເດີນທາງຢ້ຽມຢາມ ແຂວງ ອຸດົມໄຊ ໃນລະຫວ່າງວັນທີ 31 ມັງກອນ ຫາ 2 ກຸມພາ 2024 ຜ່ານມາ, ທ່ານ ນາງ ປານີ ຢາທໍ່ຕູ້ ຮອງປະທານປະເທດ ພ້ອມຄະນະໄດ້ລົງພົບປະຢ້ຽມຢາມ ແລະ ມອບເຄື່ອງຕ້ານໄພໜາວ ໃຫ້ພໍ່ແມ່ປະຊາຊົນ ແລະ ລຸກຫລານ ຢູ່ເຂດພູດອຍ ຫ່າງໄກສອກລີກ ເມືອງຫລາ ແຂວງອຸດົມໄຊ ໂດຍສະເພາະແມ່ນມອບ ເຄື່ອງນຸ່ງຫົ່ມ, ອຸປະກອນການສຶກສາ ແລະ ທຶນການສຶກສາ ໃຫ້ປະຊາຊົນກຸ່ມອາໂນ, ບ້ານປາງປໍ.

ໃນໂອກາດນີ້, ທ່ານ ນາງ ປານີ ຢາທໍ່ຕູ້ ໄດ້ຮັບຟັງການລາຍງານສະພາບໂດຍຫຍໍ້ຂອງເມືອງຫລາ ເຊິ່ງ ໄລຍະທີ່ຜ່ານມາ ເມືອງຫລາ ໄດ້ຮັບພັດທະນາພື້ນຖານໂຄງລ່າງເຊັ່ນ: ເສັ້ນທາງລົດ, ໂຮງຮຽນ, ໂຮງໝໍນ້ອຍ, ຕາຂ່າຍໄຟຟ້າ ແລະ ເຄືອຂ່າຍໂທລະສັບ (ລະບົບອິນເຕີເນັດ). ແຕ່ເຖິງຢ່າງໃດກໍຕາມເມືອງຫລາ ຍັງມີຄວາມຫຍຸ້ງຍາກຫລາຍດ້ານ ໂດຍສະເພາະ ທີ່ຕັ້ງພູມສັນຖານ ງມີພື້ຍັນທີ່ຄ້ອຍຊັນ, ມີພູດອຍກວມ 99% ພື້ນທີ່ການຜະລິດກະແຈກກະຈາຍ. ນອກນີ້, ຄວາມຮູ້, ຄວາມສາມາດໃນການນໍາພາ-ຊີ້ນໍາ ຂອງຄະນະພັກອົງການປົກຄອງບ້ານ ຍັງບໍ່ທັນເຂັ້ມແຂງເທົ່າທີ່ຄວນ; ການຜະລິດສ່ວນຫລາຍຍັງແມ່ນອີງໃສ່ທຳມະຊາດແບບດັ້ງເດີມ, ການຜະລິດເປັນສິນຄ້າຍັງບໍ່ທັນເປັນຂະບວນຟົດຟື້ນ, ປະຊາຊົນບ້ານກະແຈກກະຈາຍ ເຮັດໃຫ້ໃນການຄຸ້ມຄອງພົນລະເມືອງມີຄວາມຊັບສົນ, ນໍ້າລິນສະອາດບໍ່ພຽງພໍ. ສະນັ້ນ, ສະເໜີຂໍໃຫ້ສະໜອງເສົາໄຟຟ້າ, ຊອກແຫລ່ງທຶນເພື່ອພັດທະນາພື້ນຖານໂຄງລ່າງ ເພື່ອຫັນປ່ຽນຈາກອາຊີບການເຮັດໄຮ່-ເຮັດສວນແບບເລື່ອນລອຍ ເປັນອາຊີບຄົງທີ່, ປັບແຜນຜັງຂອງບ້ານ ແລະ ນ້ຳລິນສະອາດໃຫ້ພຽງພໍ.

ທ່ານຮອງປະທານປະເທດ ໄດ້ສະແດງຄວາມຊົມເຊີຍຕໍ່ອໍານາດການປົກຄອງເມືອງ ກໍຄື ກຸ່ມບ້ານ ທີ່ໄດ້ເອົາໃຈໃສ່ເຂົ້າໃນການນໍາພາ-ຊີ້ນໍາ ພໍ່ແມ່ປະຊາຊົນ ສະແດງອອກເຫັນໄດ້ຢ່າງເດັ່ນຊັດຄື: ໃນກ່ອນຊີວີດ ການເປັນຢູ່ຂອງປະຊາຊົນພົບຄວາມຫຍຸ້ງງຍາກ, ເຮືອນຢູ່ຂອງປະຊາຊົນແບບປະຖົມປະຖານ. ແຕ່ມາຮອດປັດຈຸບັນພື້ນຖານໂຄງລ່າງຂອງບ້ານ ໄດ້ຮັບການພັດທະນາ, ປະຊາຊົນມີເຮືອນຢູ່ແບບຖາວອນ, ຄອບຄົວທຸກຍາກໄດ້ຫລຸດລົງ, ປະຊາຊົນມີຊີວິດການເປັນຢູ່ນັບມື້ດີຂຶ້ນ. ພ້ອມກັນນີ້, ທ່ານຍັງໄດ້ຊີ້ນໍາບາງດ້ານແກ່ອໍານາດການປົກຄອງ ໂດຍເນັ້ນໃຫ້ອໍານາດການປົກຄອງຈົ່ງເອົາໃຈໃສ່ ໃນການນຳພາ-ຊີ້ນໍາ ເປັນຕົ້ນ ການສຶກສາອົບຮົມດ້ານວຽກງານການເມືອງແນວຄິດ, ນໍາພາປະຊາຊົນເອົາໃຈໃສ່ເຂົ້າໃນການປຸກຝັງ-ລຽ້ງສັດ ໃຫ້ຫລາຍກາຍເປັນສິນຄ້າ ເພື່ອສ້າງລາຍຮັບໃຫ້ແກ່ຄອບຄົວ ເພາະພູມສັນຖານຂອງບ້ານແມ່ນເປັນເຂດພູດອຍ. ສະນັ້ນ, ຈຶ່ງເໜາະແກ່ການລຽ້ງສັດ; ໃຫ້ອໍານາດການປົກຄອງທຸກຂັ້ນ ໃຫ້ຄວາມຮູ້ດ້ານວິຊາການໃນການປຸກ-ການລ້ຽງ ແກ່ປະຊາຊົນ ເພື່ອເຮັດໃຫ້ໄດ້ຮັບປະສິດທິຜົນສູງ ແລະ ດ້ານອື່ນໆ. ທ່ານຮອງປະທານປະເທດຍັງໄດ້ສະແດງຄວາມເຊື່ອໝັ້ນວ່າ ພາຍໃຕ້ການນໍາພາ-ຊີ້ນໍາຂອງອົງຄະນະພັກແຕ່ລະຂັ້ນ ຈະເຮັດໃຫ້ພື້ນຖານໂຄງລ່າງດ້ານເສດຖະກິດພາຍໃນກຸ່ມ ກໍຄື ບ້ານ ຈະໄດ້ຮັບການພັດທະນາ, ຊີວິດການເປັນຢູ່ຂອງປະຊາຊົນພາຍໃນບ້ານນັບມື້ດີຂື້ນ ໂດຍສະເພາະແມ່ນ ຄວາມທຸກຍາກຂອງປະຊາຊົນຈະຫລຸດລົງເທື່ອລະກ້າວ ເພາະປະຊາຊົນມີມູນເຊື້ອຄວາມດຸໜັ້ນຢູ່ແລ້ວ.

ຈາກນັ້ນ, ທ່ານຮອງປະທານປະເທດ ໄດ້ສືບຕໍ່ລົງຢ້ຽມຢາມ ການປຸກໝາກຖົ່ວເປັນສິນຄ້າ ຂອງປະຊາຊົນຢູ່ພາຍໃນເຂເທດສະບານເມືອງຫລາ ແລະ ຢ້ຽມຊົມເຮືອນຊົນເຜົ່າຕ່າງໆຢູ່ເຂດສະໜາມກິລາຂອງແຂວງ ຕື່ມອີກ.

ຈາກ: ຄວາມສະຫງົບ

ບົດຄວາມຫຼ້າສຸດ

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...