spot_img
Homeຂ່າວຕ່າງປະເທດໂຮງງານບັ້ງພຸລະເບີດ ຫຼ້າສຸດເສຍຊີວິດ 25 ຄົນ

ໂຮງງານບັ້ງພຸລະເບີດ ຫຼ້າສຸດເສຍຊີວິດ 25 ຄົນ

Published on

ເມື່ອເວລາປະມານ 15.30 ນາທີຂອງວັນທີ 17 ມັງກອນທີ່ຜ່ານມາ, ເກີດເຫດໂຮງງານຜະລິດບັ້ງພຸລະເບີດ ທີ່ບ້ານສາລາຂາວ, ເມືອງສຸພັນບຸລີ, ແຂວງສຸພັນບຸລີ, ແຮງລະເບີດຈາກເຫດການດັ່ງກ່າວມີຄວາມແຮງເປັນ ລັດສະໝີແຜ່ວົງກວ້າງເຖິງ 50 ຫາ 100 ແມັດ ,ໂຊກດີທີ່ຈຸດຕັ້ງຂອງໂຮງງານຢູ່ກາງທົ່ງນາຈຶ່ງບໍ່ເຮັດໃຫ້ບ້ານເຮືອນຂອງປະຊາຊົນໄດ້ຮັບຄວາມເສຍຫາຍ ,ແຕ່ລູກຈ້າງທີ່ເຂົ້າໄປເຮັດວຽກໃນໂຮງງານມີຍອດຜູ້ເສຍຊີວິດ ຫຼ້າສຸດແມ່ນ 25 ຄົນ.

ผวจ.สุพรรณ เผย โรงงานพลุระเบิด คนข้างในเกือบ 20 คน ไม่มีใครออกมาได้

ທ່ານ ນັດຖະພັດ ສຸວັນປະທີບ ເຈົ້າແຂວງສຸພັນບຸລີໄດ້ໃຫ້ຮູ້ວ່າ: ພາຍຫຼັງທີ່ເກີດເຫດການຂຶ້ນ ທາງເຈົ້າໜ້າທີ່ EOD, ເຈົ້າໜ້າທີ່ທ້ອງຖິ່ນທີ່ກ່ຽວຂ້ອງໄດ້ທຳການເຂົ້າໄປຍັງພື້ນທີ່ເພື່ອລະງັບເຫດ ແລະ ໄດ້ມີການປິດພື້ນທີ່ ບໍ່ໃຫ້ຜູ້ທີ່ບໍ່ມີສ່ວນກ່ຽວຂ້ອງເຂົ້າໃກ້ພື້ນທີ່ດັ່ງກ່າວ, ເນື່ອງຈາກບໍລິເວນຈຸດເກີດເຫດອາດຈະມີວັດຖຸທີ່ກໍ່ໃຫ້ເກີດການລະເບີດຂຶ້ນມາອີກຄັ້ງ, ເຊິ່ງຕອນນີ້ເຈົ້າໜ້າທີ່ຍັງຄົງທຳການເຂົ້າສຳຫຼວດພື້ນທີ່, ຕໍ່ກັບຈຳນວນລູກຈ້າງ ທີ່ເຂົ້າໄປເຮັດວຽກພາຍໃນໂຮງງານຂອງມື້ທີ່ເກີດເຫດແມ່ນຍັງບໍ່ທັນຮູ້ຈຳນວນທີ່ແນ່ຊັດ ເພາະຈຳນວນລູກຈ້າງທີ່ເຂົ້າໄປເຮັດວຽກໃນແຕ່ລະມື້ບໍ່ເທົ່າກັນ, ບາງມື້ໜ້ອຍ, ບາງມື້ຫຼາຍ, ປັດຈຸບັນນີ້ຍອດຜູ້ເສຍຊີວິດແມ່ນ 23 ຄົນ, ເຊິ່ງຍັງບໍ່ທັນພົບຜູ້ລອດຊີວິດຈາກເຫດການນີ້ແຕ່ຢ່າງໃດ, ເຊິ່ງທາງການກໍຈະໄດ້ຫາແນວທາງເພື່ອທຳການຟື້ນຟູສະພາບຈິດໃຈຂອງຜູ້ໄດ້ຮັບຄວາມສູນເສຍຈາກເຫດການຄັ້ງນີ້.ຈາກການກວດສອບເລື່ອງໃບຂໍອະນຸຍາດເປີດໂຮງງານ ເຫັນວ່າໂຮງງານດັ່ງກ່າວໄດ້ລົງທະບຽນຢ່າງຖືກຕ້ອງ,ເປັນໃບທະບຽນແບບປີຕໍ່ປີ, ການຂໍອະນຸຍາດຂອງຜູ້ປະກອບການແມ່ນເຮັດເປັນແບບເຄືອຍາດຄື: ປີນີ້ລູກມາຂໍຂຶ້ນທະບຽນ ແລະ ປີຕໍ່ໄປແມ່ມາຂໍຂຶ້ນທະບຽນ, ຕໍ່ກັບ ກໍລະນີແບບນີ້ເຈົ້າໜ້າທີ່ທີ່ກ່ຽວຂ້ອງຈະໄດ້ທຳການພິຈາລະນາ ແລະ ຕ້ອງມີການກວດສອບເອກະສານໃນການຂໍໃບອະນຸຍາດອີກໃນຄັ້ງຕໍ່ໄປຢ່າງເຂັ້ມຫງວດຕື່ມອີກ.

ໂຮງງານແຫ່ງນີ້ໄດ້ທຳການຜະລິດບັ້ງພຸຕັ້ງແຕ່ເດືອນພະຈິກ ປີ 2022 ເປັນຕົ້ນມາ ແລະ ໂຮງງານນີ້ເຄີຍເກີດເຫດການລະເບີດມາແລ້ວຄັ້ງໜຶ່ງ, ເຊິ່ງຕອນນັ້ນມີລູກຈ້າງເສຍຊີວິດ 1 ຄົນ, ບາດເຈັບສາຫັດ 3 ຄົນ.

ບົດຄວາມຫຼ້າສຸດ

ພໍ່ເດັກອາຍຸ 14 ທີ່ກໍ່ເຫດກາດຍິງໃນໂຮງຮຽນ ທີ່ລັດຈໍເຈຍຖືກເຈົ້າໜ້າທີ່ຈັບເນື່ອງຈາກຊື້ປືນໃຫ້ລູກ

ອີງຕາມສຳນັກຂ່າວ TNN ລາຍງານໃນວັນທີ 6 ກັນຍາ 2024, ເຈົ້າໜ້າທີ່ຕຳຫຼວດຈັບພໍ່ຂອງເດັກຊາຍອາຍຸ 14 ປີ ທີ່ກໍ່ເຫດການຍິງໃນໂຮງຮຽນທີ່ລັດຈໍເຈຍ ຫຼັງພົບວ່າປືນທີ່ໃຊ້ກໍ່ເຫດເປັນຂອງຂວັນວັນຄິດສະມາສທີ່ພໍ່ຊື້ໃຫ້ເມື່ອປີທີ່ແລ້ວ ແລະ ອີກໜຶ່ງສາເຫດອາດເປັນເພາະບັນຫາຄອບຄົບທີ່ເປັນຕົ້ນຕໍໃນການກໍ່ຄວາມຮຸນແຮງໃນຄັ້ງນີ້ິ. ເຈົ້າໜ້າທີ່ຕຳຫຼວດທ້ອງຖິ່ນໄດ້ຖະແຫຼງວ່າ: ໄດ້ຈັບຕົວ...

ປະທານປະເທດ ແລະ ນາຍົກລັດຖະມົນຕີ ແຫ່ງ ສປປ ລາວ ຕ້ອນຮັບວ່າທີ່ ປະທານາທິບໍດີ ສ ອິນໂດເນເຊຍ ຄົນໃໝ່

ໃນຕອນເຊົ້າວັນທີ 6 ກັນຍາ 2024, ທີ່ສະພາແຫ່ງຊາດ ແຫ່ງ ສປປ ລາວ, ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ...

ແຕ່ງຕັ້ງປະທານ ຮອງປະທານ ແລະ ກຳມະການ ຄະນະກຳມະການ ປກຊ-ປກສ ແຂວງບໍ່ແກ້ວ

ວັນທີ 5 ກັນຍາ 2024 ແຂວງບໍ່ແກ້ວ ໄດ້ຈັດພິທີປະກາດແຕ່ງຕັ້ງປະທານ ຮອງປະທານ ແລະ ກຳມະການ ຄະນະກຳມະການ ປ້ອງກັນຊາດ-ປ້ອງກັນຄວາມສະຫງົບ ແຂວງບໍ່ແກ້ວ ໂດຍການເຂົ້າຮ່ວມເປັນປະທານຂອງ ພົນເອກ...

ສະຫຼົດ! ເດັກຊາຍຊາວຈໍເຈຍກາດຍິງໃນໂຮງຮຽນ ເຮັດໃຫ້ມີຄົນເສຍຊີວິດ 4 ຄົນ ແລະ ບາດເຈັບ 9 ຄົນ

ສຳນັກຂ່າວຕ່າງປະເທດລາຍງານໃນວັນທີ 5 ກັນຍາ 2024 ຜ່ານມາ, ເກີດເຫດການສະຫຼົດຂຶ້ນເມື່ອເດັກຊາຍອາຍຸ 14 ປີກາດຍິງທີ່ໂຮງຮຽນມັດທະຍົມປາຍ ອາປາລາຊີ ໃນເມືອງວິນເດີ ລັດຈໍເຈຍ ໃນວັນພຸດ ທີ 4...