spot_img
Homeຂ່າວການສຶກສາການສອບເສັງເຂົ້າ ມຊ ສົກສຶກສາ 2023-2024 ທຽບໃສ່ປີທີ່ຜ່ານມາແມ່ນມີທ່າອ່ຽງຫຼຸດລົງ

ການສອບເສັງເຂົ້າ ມຊ ສົກສຶກສາ 2023-2024 ທຽບໃສ່ປີທີ່ຜ່ານມາແມ່ນມີທ່າອ່ຽງຫຼຸດລົງ

Published on

ການສອບເສັງເຂົ້າມະຫາຍວິທະຍາໄລແຫ່ງຊາດ(ມຊ) ສົກສຶກສາ 2023-2024 ຫາກໍ່ສຳເລັດໃນທ້າຍອາທິດຜ່ານມາເຊິ່ງເຫັນໄດ້ວ່າ ຄວາມສົນໃຈຂອງນັກຮຽນທີ່ຮຽນຈົບ ມ7 ໃນການເຂົ້າສຶກສາຢູ່ມະຫາວິທະຍາໄລແຫ່ງຊາດ ມີທ່າອ່ຽງຫລຸດລົງ ສະແດງອອກຈຳນວນນັກຮຽນທີ່ມາລົງທະ ບຽນສອບເສັງໃນໄລຍະຫລັງມານີ້ ມີທ່າອ່ຽງຫລຸດດລົງຫລາຍ ເມື່ອທຽບໃສ່ຫລາຍປີກ່ອນໜ້ານີ້.

ສຳລັບການສອບເສັງໄດ້ອີງຕາມສະຖິຕິ, ໃນສົກສຶກສາ 2022-2023 ມີຜູ້ສະໝັກລົງທະບຽນເຂົ້າສອບເສັງທັງໝົດ 11.976 ຄົນ, ມີໜ້າເຂົ້າສອບເສັງຕົວຈິງ 10.100 ກວ່າຄົນ, ໃນນັ້ນຕົວເລກຂອງ ມຊ ຮັບເອົານັກສຶກສາເຂົ້າຮຽນ 6.990 ຄົນ. ສ່ວນສົກຮຽນ 2023-2024 ທີ່ມີການສອບເສັງໃນວັນທີ 12 ສິງຫາ ຜ່ານມາ, ມີນັກຮຽນໃຫ້ຄວາມສົນໃຈມາລົງທະບຽນສອບເສັງທັງໝົດ 7.441 ຄົນ, ໃນນີ້ ຈະຄັດເລືອກເອົາ 6.688 ຄົນ.

ທ່ານ ຮຸ່ງເພັດ ຈັນທະວົງ ຮອງອະທິການບໍດີ ມຊ, ຜູ້ຊີ້ນໍາວຽກງານວິຊາການ ໄດ້ໃຫ້ສໍາພາດຕໍ່ສື່ມວນຊົນເມື່ອບໍ່ດົນນີ້ວ່າ: ປັດຈຸບັນ, ສັງຄົມມີຄວາມສົນໃຈຫລາຍກ່ຽວກັບຈຳນວນນັກຮຽນ, ນັກສຶກສາຂອງ ມຊ ມີຈຳນວນຫລຸດລົງໃນແຕ່ລະປີ ຊຶ່ງເກີດຈາກຫລາຍສາເຫດສຳຄັນ ເປັນຕົ້ນ ຈຳນວນປະຊາກອນພາຍໃນປະເທດລາວບໍ່ຫລາຍ, ຕະຫລາດການຈ້າງງານພາຍໃນປະເທດມີຈຳນວນຈຳກັດ, ການເປີດກວ້າງການຮ່ວມມືກັບພາກພື້ນ ແລະ ສາກົນມີຫລາຍຂຶ້ນ, ນັກຮຽນຫລາຍຄົນມີລະດັບການສຶກສາເກັ່ງ ເຮັດໃຫ້ນັກຮຽນຈຳນວນໜຶ່ງສາມາດເສັງເອົາທຶນຂອງອົງການຈັດຕັ້ງສາກົນຕ່າງໆ ເພື່ອໄປສຶກສາຕໍ່ຢູ່ຕ່າງປະເທດ ແລະ ອື່ນໆ. ດັ່ງນັ້ນ, ຈຶ່ງເຮັດໃຫ້ຄວາມສົນໃຈຂອງນັກຮຽນ ໃນການເຂົ້າມາສຶກສາຢູ່ ມຊ ມີຈຳນວນຫລຸດລົງຫລາຍເມື່ອທຽບໃສ່ຫລາຍປີຜ່ານມາ.

ທີ່ມາ: ປະເທດລາວ

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...