ໜັງສືພິມທ້ອງຖິ່ນຂອງຫວຽດ Vietnam News ລາຍງານການຄາດໝາຍຂອງນັກວິເຄາະລະບຸວ່າ ເສດຖະກິດວຽດນາມກຳລົງຕົກຕ່ຳ ແຕ່ຍັງບໍ່ຕົກຕ່ຳທີ່ສຸດ ເຖິງວ່າຈະມີມາດຕະການອອກມາກະຕຸ້ນເພື່ອຍຸກຊູ້ຄວາມເຊື່ອໝັ້ນໃນທາງທຸລະກິດກໍຕາມ.
ອີງຕາມສຳນັກງານສະຖິຕິແຫ່ງຊາດຫວຽດນາມ ໄດ້ລະບຸວ່າ: ມູນຄ່າມາສົ່ງອອກຫວຽດນາມ ໃນເດືອນພຶດສະພາ 2023 ເມື່ອປຽບທຽບເປັນປີ ຫຼຸດລົງ 5,86% ແລະ ເມື່ອທຽບກັບເດືອນເມສາ 2023 ຫຼຸດລົງ 17,2% ນີ້ແມ່ນການສົ່ງອອກຂອງຫວຽດນາມທີ່ຫຼຸດລົງເປັນເດືອນທີ 4 ແລ້ວໃນປີນີ້ ເຮັດໃຫ້ມີຄວາມສ່ຽງເພີ່ມຂຶ້ນທີ່ເສດຖະກິດຫວຽດນາມຈະຂະຫຍາຍຊ້າລົງ ໃນຂະນະທີ່ຫວຽດນາມກຳລັງຕໍ່ສູ້ກັບວິກິດໃນພາກອະສັງຫາລິມະຊັບທ້ອງຖິ່ນ.
ທັ້ງນີ້ ມູນຄ່າການສົ່ງອອກຂອງຫວຽດນາມໃນທີ່ຫຼຸດລົງໃນເດືອນພຶດສະພາ ມູນຄ່າການນຳເຂົ້າກໍຫຼຸດລົງ 18,4% ໃນເດືອນດຽວ.
ການຄ້າໂລກທີ່ຢູ່ໃນຂາລົງ ກຳລັງສົ່ງຜົນກະທົບຕໍ່ປະເທດທີ່ມີເສດຖະກິດອາໄສໃນການສົ່ງອອກທົ່ວອາຊີ ບໍ່ວ່າຈະແມ່ນຫວຽດນາມ ສິງກະໂປ ຫຼື ໄຕ້ຫວັນ ຢູ່ໃນພາວະເສດຖະກິດຖອຍລົງ ແລະ ກຳໄລໜ້ອຍກວ່າທີ່ຄາດການໄວ້ ເນື່ອງຈາກຈີນກັບມາເປີດເສດຖະກິດອີກຄັ້ງ.
ນອກນີ້ ຍັງມີລາຍງານລະບຸວ່າ ຕົ້ນທຶນການຜະລິດຫວຽດນາມຍັງສູງຂຶ້ນເຊິ່ງເປັນຜົນຈາກອັດຕາເງິນເຟີ້ ແລະ ອຸປະສົງທີ່ຫຼຸດລົງ.