spot_img
Homeຂ່າວພາຍ​ໃນລາວ-ເຢຍລະມັນ ຮ່ວມມືໂຄງການປົກປັກຮັກສາໜັງສືໃບລານລາວ

ລາວ-ເຢຍລະມັນ ຮ່ວມມືໂຄງການປົກປັກຮັກສາໜັງສືໃບລານລາວ

Published on

ລາວ-ເຢຍລະມັນ ຮ່ວມມືໂຄງການປົກປັກຮັກສາໜັງສືໃບລານລາວຂອງຫໍສະໝຸດແຫ່ງຊາດ ເພື່ອອະນຸລັກໃຫ້ຄົງຢູ່ໄດ້ດົນນານ.

ໃນວັນທີ 12 ມິຖຸນາ ຜ່ານມາ ໄດ້ຈັດກອງປະຊຸມສຳມະນາຄວາມສຳຄັນຂອງໜັງສືໃບລານ ແລະ ການປົກປັກຮັກສາໃຫ້ຍືນຍົງ ທີ່ວັດປ່າຜາໂອ ນະຄອນຫຼວງພະບາງ ແຂວງຫຼວງພະບາງ ໂດຍ ສາທຸ ອ່ອນແກ້ວ ກິດຕິພັດໂທ ໄດ້ກ່າວເປີດກອງປະຊຸມວ່າ: ໜັງສືຜູກໃບລານເປັນເອກະສານສຳຄັນ ເປັນມູນມໍລະດົກທາງພູມປັນຍາອັນຊົງຄຸນຄ່າທີ່ບັນພະບູລຸດ ຂອງເຮົາໄດ້ສັນສ້າງໄວ້ຕັ້ງແຕ່ສະຕະວັດທີ 16 ໃນໄລຍະປີ 1992 ເຖິງ 2002. ໜັງສືຜູກໃບລານຢູ່ບັນດາວັດ ໃນແຂວງຫຼວງພະບາງ ໄດ້ຮັບການສໍາຫຼວດ, ຂຶ້ນທະບຽນ, ທຳຄວາມສະອາດ, ປ່ຽນສາຍໜອງ ແລະ ປ່ຽນຜ້າໂດຍໂຄງການປົກປັກຮັກສາໜັງສືໃບລານລາວຂອງຫໍສະໝຸດແຫ່ງຊາດ ພາຍໃຕ້ການຮ່ວມມືທາງດ້ານວັດທະນະທຳ ລາວ-ເຢຍລະມັນ ໂດຍໄດ້ຮັບທຶນສະໜັບສະໜູນ ຈາກລັດຖະບານເຢຍລະມັນ. ປັດຈຸບັນ ເຫັນວ່າ ໜັງສືໃບລານເຖິງວ່າຈະເກັບໄວ້ໃນຕູ້, ໃນຫີບ ແຕ່ກໍຖືກປ່ອຍປະລະເລີຍ ຂາດການເອົາໃຈໃສ່ເບິ່ງແຍງຢ່າງເປັນປົກກະຕິ ເຮັດໃຫ້ໜັງສືໃບລານຕົກຢູ່ໃນອັນຕະລາຍ ເຊັ່ນ: ຖືກນໍ້າ, ຖືກໜູກັດ, ຖືກປວກກິນ ແລະ ອື່ນໆ.

ໜັງສືໃບລານທີ່ຢູ່ໃນບາງວັດ ຖືກນໍ້າແຕ່ບໍ່ໄດ້ຮັບການເບິ່ງແຍງ ເຮັດໃຫ້ໃບລານຕິດກັນຈົນໃຊ້ການບໍ່ໄດ້, ຢູ່ບາງວັດ ໜັງສືໃບລານຖືກນ້ຳແລ້ວປ່ອຍໃຫ້ເນົ່າ ແລ້ວນໍາເອົາໄປຖິ້ມ.

ກອງປະຊຸມຄັ້ງນີ້, ໄດ້ຮັບທຶນສະໜັບສະໜູນຈາກຫໍສະໝຸດອັງກິດ ຊຶ່ງຜູ້ເຂົ້າຮ່ວມໄດ້ຮຽນຮູ້ລັກສະນະສະເພາະຕົວ ຂອງວັດທະນະທຳ, ເອກະສານຕົວຂຽນຂອງລາວ ແລະ ໄທ. ການອະນຸລັກ ແລະ ການອັດສຳເນົາໜັງສືໃບລານ, ການອະນຸລັກໜັງສືໃບລານແບບຊຸມຊົນມີສ່ວນຮ່ວມ ທີ່ວັດສູງເມ້ນ ແຂວງແພຣ່ ປະເທດໄທ, ຄວາມສຳຄັນ ແລະ ການນຳໃຊ້ເອກະສານໜັງສືໃບລານ, ສະພາບໜັງສືໃບລານໃນປະເທດລາວປັດຈຸບັນ ແລະ ແນວທາງການອະນຸລັກ-ປົກປັກຮັກສາ, ການອະນຸລັກ ແລະ ຟື້ນຟູໜັງສືຄຳພີໃບລານ ທີ່ແຂວງນ່ານປະເທດໄທ ແລະ ສິ່ງທີ່ຄວນປົກປັກ-ຮັກສາ ໜັງສືໃບລານອັນຊົງຄຸນຄ່າຈາກບັນພະຊົນ, ໂດຍມີວິທະຍາກອນຈາກສະຖາບັນອາຊີ-ອາຟຣິກາ, ມະຫາວິທະຍາໄລຮຳບວກ ປະເທດເຢຍລະມັນ ພ້ອມດ້ວຍພາກສ່ວນກ່ຽວຂ້ອງຈາກປະເທດໄທ ແລະ ລາວ ເປັນຜູ້ຂຶ້ນບັນຍາຍ ທັງມີການສົນທະນາ ແລກປ່ຽນບົດຮຽນຮ່ວມກັນເພື່ອເຮັດໃຫ້ການອະນຸລັກໜັງສືໃບລານໄດ້ຮັບຜົນດີໃນຕໍ່ໜ້າ.

ແຫຼ່ງຂ່າວ ປະຊາຊົນ

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...