spot_img
Homeຂ່າວທ້ອງຖິ່ນຫ້ອງການ ທວຖ ເມືອງຫຼາ ແຂວງອຸດົມໄຊ ອອກແຈ້ງການແລ້ວ!

ຫ້ອງການ ທວຖ ເມືອງຫຼາ ແຂວງອຸດົມໄຊ ອອກແຈ້ງການແລ້ວ!

Published on

ອີງຕາມເນື້ອໃນການຊີ້ແຈງໃນນາມຕ່າງໜ້າພາກສ່ວນທີ່ກ່ຽວຂ້ອງ ຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງຫຼາ ໄດ້ລົງເກັບກຳຂໍ້ມູນນຳພວກກ່ຽວ ແລະ ຂໍຊີ້ແຈງຄືນຕໍ່ກັບ ທ້າວ ສີແກ້ວ ອາຍຸ 29 ປີ, ສັນຊາດ ລາວ, ຊົນເຜົ່າ ອາຄາ, ອາຊີບ ປະຊາຊົນ, ປັດຈຸບັນຢູ່ບ້ານ ກົກໄມ້ໃຫຍ່, ເມືອງຫຼາ, ແຂວງອຸດົມໄຊ ຂໍແກ້ຂ່າວກ່ຽວກັບການລົງຮູບພາບ Pre-wedding( ພີເວດດິງ ) ກ່ອນການແຕ່ງດອງ ເຊີ່ງໄດ້ເຮັດໃຫ້ການຈັດຕັ້ງ ແລະ ສັງຄົມແຕກຕື່ນ. ຕໍ່ກັບບັນຫານີ້ ຈຶ່ງໄດ້ອະນຸຍາດຊີແຈ້ງຄືນຕໍ່ການຈັດຕັ້ງ-ສັງຄົມຮັບຮູ້ເຖິງເຫດຜົນ ແລະ ຄວາມເປັນຈິງ.

ໃນເບື້ອງຕົ້ນຜູ້ກ່ຽວໄດ້ແຕ່ງດອງກັບນາງ ອີກຸງ ໂດຍຖືກຕ້ອງຕາມກົດໝາຍໃນປີ 2010 ມາຮອດປັດຈຸບັນເປັນ ເວລາ 12 ປີກວ່າ ແຕ່ຜູ້ເປັນເມຍບໍ່ສາມາດມີລູກໄດ້ເນື່ອງຈາກວ່າ: ນາງ ອີກຸງ ( ເມຍ ) ມີສຸຂະພາບບໍ່ແຂງແຮງ ມາຮອດຕົ້ນເດືອນ ເມສາ ປີ 2023 ຜູ້ເປັນເມຍ ພ້ອມດ້ວຍຍາດຕິພີ່ນ້ອງທັງສອງຝ່າຍ ຈຶ່ງໄດ້ປຶກສາຫາລື ແລະເອກະພາບກັນໂດຍໃຫ້ ທ້າວ ສີແກ້ວ ເອົາເມຍເພີ່ມຕື່ມອີກໜຶ່ງຄົນ ຕາມຮີດຄອງປະເພນີຂອງຊົນເຜົ່າອາຄາ.

ໂດຍພື້ນຖານແລ້ວ ການກະທໍາໃນຄັ້ງນີ້ອາດບໍ່ເໝາະສົມ ແລະ ບໍ່ຖືກຕ້ອງສອດຄ່ອງຕາມຮີດຄອງປະເພນີອັນດີງາມຂອງຊາດລາວ, ທັງເປັນການລະເມີດລະບຽບກົດໝາຍຂອງບ້ານເມືອງ.

ໂດຍອີງໃສ່ຮີດຄອງປະເພນີຂອງຊົນເຜົ່າອາຄາທີ່ເຄີຍປະຕິບັດກັນມາຫຼາຍເຊັ່ນຄົນ ໂດຍສະເພາະແມ່ນຮີດຄອງປະເພນີຜູ້ຊາຍສາມາດມີເມຍຫຼາຍຄົນໄດ້ແມ່ນຍ້ອນເຫດຜົນຕົ້ນຕໍ່ດັ່ງລຸ່ມນີ້:

  1. ຜູ້ເປັນເມຍມີສຸຂະພາບບໍ່ແຂງແຮງ;
  2. ໄດ້ຮັບການເຫັນດີ ແລະ ອະນຸຍາດຈາກຜູ້ເປັນເມຍຜູ້ທີ່ໜຶ່ງ ແລະ ຍາດຕິພີ່ນ້ອງທັງສອງຝ່າຍ;
  3. ໄດ້ຮັບການເຫັນດີຂອງຜູ້ທີ່ຈະເປັນເມຍໃໝ່ ໂດຍປາສະຈາກການບັງຄັບນາບຂູ່ແຕ່ຢ່າງໃດ.
    ຕໍ່ກັບບັນຫາດັ່ງກ່າວນີ້, ຜູ້ກ່ຽວຈຶ່ງມີຄວາມຈຳເປັນຕ້ອງເອົາເມຍເພີ່ມອີກໜຶ່ງຄົນ ເພື່ອມາສ້າງສາພັດທພະນາຄອບຄົວ ແລະ ເບິ່ງແຍງສຸຂະພາບຂອງເມຍຜູ້ທີ່ໜຶ່ງ.
ດັ່ງນັ້ນ, ອົງການຈັດຕັ້ງທີ່ກ່ຽວຂ້ອງຈຶ່ງໄດ້ຊີ້ແຈ້ງຄືນຕໍ່ການຈັດຕັ້ງ-ສັງຄົມໃຫ້ເຂົ້າໃຈ ຕໍ່ສະພາບຄວາມເປັນຈິງ. ຫວັງວ່າການຈັດຕັ້ງ -ສັງຄົມຈະໃຫ້ອາໄພຕໍ່ການກະທໍາຂອງຜູ້ກ່ຽວດ້ວຍ.

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...