spot_img
Homeຂ່າວຕ່າງປະເທດຣັດເຊຍໄດ້ຮັບໜ້າທີ່ເປັນປະທານສະພາຄວາມໝັ້ນຄົງຂອງຢູເອັນ

ຣັດເຊຍໄດ້ຮັບໜ້າທີ່ເປັນປະທານສະພາຄວາມໝັ້ນຄົງຂອງຢູເອັນ

Published on

ຣັດເຊຍດຳລົງຕຳແໜ່ງປະທານສະພາຄວາມໝັ້ນຄົງແຫ່ງສະຫະປະຊາຊາດ ຫຼື UN ເຖິງວ່າຢູເຄຣນຈະຮຽກຮ້ອງໃຫ້ສະມາຊິກຂັດຄ້ານການເຄື່ອນໄຫວດັ່ງກ່າວ.

ທັ້ງນີ້ ສະມາຊິກ 15 ປະເທດຂອງຢູເອັນເອສຊີ ຈະຕ້ອງຜັນປ່ຽນໝູນວຽນກັນດຳລົງຕຳແໜ່ງເປັນເວລາ 1 ເດືອນ ໂດຍເທື່ອສຸດທ້າຍທີ່ຣັດເຊຍດຳລົງຕຳແໜ່ງປະທານແມ່ນເດືອນກຸມພາ 2022 ເຊິ່ງເປັນໄລຍະທີ່ຣັດເຊຍໄດ້ເລີ່ມສົ່ງຄາມທີ່ຢູເຄຣນ ການເຄື່ອນໄຫວເທື່ອນີ້ຈຶ່ງໝາຍຄວາມວ່າ ຄະນະມົນຕີຄວາມໝັ້ນຄົງກຳລັງຖືກນຳພາໂດຍປະເທດທີ່ມີປະທານາທິບໍດີອາດຈະຖືກຈັບໃນຂໍ້ຫາອາຊະຍາກຳສົງຄາມ ພາຍຫຼັງທີ່ສານອາຍາລະຫວ່າງປະເທດເຊິ່ງບໍ່ແມ່ນໜ່ວຍງານຂອງສະຫະປະຊາຊາດ ອອກໝາຍຈັບ ວະລາດິເມຍ ປູຕິນ ໃນເດືອນທີ່ຜ່ານມານີ້.

ເຖິງຈະມີການຮ້ອງຮຽນຈາກຢູເຄຣນ ແຕ່ອາເມຣິກາກໍບອກວ່າ ບໍ່ສາມາດກີດຂວາງຣັດເຊຍ ທີ່ເປັນສະມາຊິກຖາວອນບໍ່ໃຫ້ດຳລົງຕຳແໜ່ງປະທານຢູເອັນເອສຊີໄດ້.

ບົດບາດສ່ວນຫຼາຍຂອງປະທານ ຈະກ່ຽວຂ້ອງກັບການເບິ່ງແຍງດູແລການອະພິປາຍ ແຕ່ວ່າ ຊິລີ ເນເບນເຊຍ ​ເອກ​ອັກຄະ​ລັດຖະທູດຣັດເຊຍປະຈຳສະຫະປະຊາຊາດ ບອກກັບສຳນັກຂ່າວຣັດເຊຍວ່າ ລາວໄດ້ວາງແຜນທີ່ຈະເບິ່ງແຍງການອະພິປາຍ ລວມເຖິງການຄວບຄຸມອາວຸດ ແລະ ກຽມຫາລືກ່ຽວກັບ “ລະບຽບໂລກໃໝ່”.

ທັ້ງນີ້ ມິໂທຣ ຄູເລບາ ລັດຖະມົນຕີຕ່າງປະເທດຂອງຢູເຄຣນ ບໍ່ພໍໃຈກັບການເຄື່ອນໄຫວໃນຄັ້ງນີ້ ພ້ອມກັບບອກວ່າ “ເປັນການຕົບໜ້າປະຊາຄົມລະຫວ່າງປະເທດ”.

ທີ່ປຶກສາປະທານາທິບໍດີຢູເຄຣນ ກ່າວວ່າ ການເຄື່ອນໄຫວດັ່ງກ່າວເປັນການລະເມີດກົດໝາຍລະຫວ່າງປະເທດອີກຮູບແບບໜຶ່ງ ເພາະເປັນປະເທດທີ່ເຮັດສົງຄາມ ລະເມີດກົດໝາຍມະນຸດສະທຳ ແລະ ກົດໝາຍອາຍາ ໄດ້ທຳລາຍສິດທິບັດສະຫະປະຊາຊາດ ບໍ່ສົນຕໍ່ຄວາມປອດໄພທາງນິວເຄຣຍ ບໍ່ສາມາດເຮັດໜ້າທີ່ເປັນປະທານຂອງໜ່ວຍງານຫຼັກ ທີ່ຮັກສາຄວາມປອດໄພຂອງໂລກໄດ້.

ທີ່ມາ Reuters

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...