spot_img
Homeຂ່າວຕ່າງປະເທດຈີນປະກາດຜ່ອນມາດຕະການໂຄວິດໃນຮອບ 3 ປີ

ຈີນປະກາດຜ່ອນມາດຕະການໂຄວິດໃນຮອບ 3 ປີ

Published on

ໃນວັນທີ່ 7 ທັນວາ 2022 ຕາມການລາຍງານຜ່ານສະຖານີໂທລະທັດ CCTV ຂອງລັດຖະບານຈີນ ເປີດເຜີຍວ່າ: ລັດຖະບານຈີນ ໄດ້ປະກາດນະໂຍບາຍແນວທາງໃໝ່ 10 ຂໍ້ ທີ່ຜ່ອນມາດຕະການຄວບຄຸມໂຄວິດ ໂດຍສະເພາະແມ່ນອະນຸຍາດໃຫ້ກັກໂຕຢູ່ບ້ານໄດ້ ແລະ ຍົກເລີກການສະແດງຜົນກວດໂຄວິດໃນສະຖານທີ່ສາທາລະນະເຊັ່ນ ສວນສາທາລະນະ ຮ່າງຮ້ານ ອາຄານສຳນັກງານ ແລະ ສະໜາມບິນ.

ຖືເປັນການປ່ຽນແປງຄັ້ງທຳອິດໃນມາດຕະການໂຄວິດ ທີ່ທາງການຈີນໄດ້ເລີ່ມຜ່ອນມາດຕະການຄວບຄຸມໂຄວິດ ທີ່ເຂັ້ມງວດທີ່ສຸດໃນໂລກ ແລະ ຈີນໃກ້ຈະກັບມາເປັນປົກກະຕິ ຫຼັງການລະບາດຄັ້ງໃຫຍ່ໃນຊ່ວງ 3 ປີທີ່ຜ່ານມາ, ການຜ່ອນມາດຕະການນີ້ ມີຂຶ້ນຫຼັງຈາກການປະທ້ວງໃຫຍ່ໃນຫຼາຍໆເມືອງທົ່ວປະເທດ.

ໃນນັ້ນ ນະໂຍບາຍ 10 ຂໍ້ ທີ່ຈີນໄດ້ປະກາດມີຄື:

  1. ຫ້າມມີການລັອກດາວ ປິດຕຶກອາຄານ ທີ່ພັກອາໄສແບບເໝົາລວມ ອະນຸຍາດໃຫ້ປິດແຕ່ເຂດທີ່ມີຄວາມສ່ຽງເທົ່ານັ້ນ.
  2. ຫຼຸດການກວດໂຄວິດແບບເໝົາລວມ ຈະບໍ່ມີການກວດແບບທຸກໆຄົນໃນເມືອງ ການເດີນທາງຂ້າມເມືອງບໍ່ຈຳເປັນຕ້ອງສະແດງຜົນກວດໂຄວິດ.
  3. ຜູ້ທີ່ມີອາການໜ້ອຍ ຫຼື ບໍ່ມີອາການ ບໍ່ຈຳເປັນຕ້ອງກັກໂຕໃນສະຖານທີ່ກັກໂຕ ບໍ່ຕ້ອງເຂົ້າຮັບການຮັກສາ ສາມາດກັກໂຕພາຍໃນບ້ານໄດ້ ໃນໄລຍະ 7 ມື້ ຖ້າວ່າຜົນກວດເປັນລົບ 2 ຄັ້ງ ສາມາດອອກຈາກບ້ານໄດ້.
  4. ການລັອກດາວ ຈະເປັນໄປໃນຮູບແບບ ລັອກ ແລະ ຍົກເລີກຢ່າງໄວ ເມື່ອບໍ່ມີຜູ້ຕິດເຊື້ອລາຍໃໝ່ໃນ 5 ມື້ ຈະຕ້ອງປົດລັອກທັັນທີ.
  5. ຮ້ານຂາຍຢາ ຕ້ອງເປີດຕາມປົກກະຕິ ແລະ ສາມາດຊື້ຢາດີຫວັດ ໄຂ້ ໄອ ໄດ້ໂດຍບໍ່ຕ້ອງອອກໃບຢັ້ງຢືນຈາກແພດ.
  6. ເລັ່ງການຊີດວັກຊີນໃຫ້ຜູ້ສູງອາຍຸ 60 ປີ ຂຶ້ນໄປ ໃຫ້ໄດ້ຫຼາຍທີ່ສຸດ ເລັ່ງເພີ່ມຊ່ອງທາງບໍລິການພິເສດຕ່າງໆ.
  7. ເບິ່ງແຍງຄົນທີ່ມີພະຍາດປະຈຳໂຕ ແລະ ຜູ້ສູງອາຍຸ ໃຫ້ໄດ້ຮັບການຮັກສາໄດ້ຢ່າງສະດວກວ່ອງໄວ.
  8. ຫຼຸດການຈຳກັດການເດີນທາງ ບໍ່ຢຸດການເຮັດວຽກ ການຜະລິດ ຫຼື ເຮັດໃຫ້ການດຳເນີນທຸລະກິດມີຄວາມຂັດຂ້ອງ.
  9. ຫ້າມປິດທາງອອກ ຫ້າມສ້າງການກີດຂວາງ ເຊັ່ນ ທາງໜີໄຟ ທາງເຂົ້າ-ອອກຕຶກ ທີ່ຢູ່ອາໄສ.
  10. ໂຮງຮຽນທີ່ບໍ່ມີການລະບາດ ຫ້າມສອນອອນລາຍ ໃຫ້ດຳເນີນທຸກຢ່າງປົກກະຕິເຊັ່ນ ຮ້ານຄ້າ ຫ້ອງສະໝຸດ ສະໜາມກິລາ ຕ້ອງເປີດເປັນປົກກະຕິ, ສ່ວນເຂດທີ່ລະບາດໃນໂຮງຮຽນ ໃຫ້ກຳນົດເຂດຢ່າງຖືກຕ້ອງ ຖ້າບໍ່ໄດ້ຢູ່ໃນເຂດສ່ຽງກໍໃຫ້ດຳເນີນຕາມປົກກະຕິ.

ແຫຼ່ງຂ່າວ CNN, Bloomberg

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...