spot_img
Homeຂ່າວພາຍ​ໃນແຂວງຫຼວງນໍ້າທາທໍາລາຍຢາເສບຕິດ

ແຂວງຫຼວງນໍ້າທາທໍາລາຍຢາເສບຕິດ

Published on

ເພື່ອເປັນການຈັດຕັ້ງຜັນຂະຫຍາຍມະຕິກອງປະຊຸມໃຫ່ຍຄັ້ງທີ XI ຂອງສູນກາງພັກ ແລະ ມະຕິກອງປະຊຸມໃຫ່ຍຄັ້ງທີ VIII ຂອງອົງຄະນະພັກແຂວງຫຼວງນໍ້າທາ ໃຫ້ເປັນຂະບວນຟົດຟື້ນ, ເຊີ່ງວັນທີ 12 ຕຸລາ ແມ່ນວັນແຫ່ງຊາດຕ້ານຢາເສບຕິດ ທີ່ໄດ້ໝູນວຽນມາຄົບຮອບອີກວາລະໜຶ່ງ ມາໃນວັນທີ 14 ຕຸລາ 2022 ຢູ່ທີ່ເດີນກິລາແຂວງ ໄດ້ມີພິທີທໍາລາຍຢາເສບຕິດຂື້ນ ໂດຍການເປັນປະທານຂອງ ທ່ານ ຄໍາຟອງ ອິນມານີ ຮອງເລຂາພັກແຂວງ,ປະທານຄະນະກໍາມະການກວດກາ ແລະ ຄວບຄຸມຢາເສບຕິດ ຂັ້ນແຂວງ, ທ່ານ ພົນຈັດຕະວາ ອິນສົມ ທໍາລະສີນ ຫົວໜ້າກອງບັນຊາການ ປກສ ແຂວງ, ມີຫົວໜ້າພະແນກການ,ອົງການທຽບເທົ່າ,ສອງກອງບັນຊາການ,ພະນັກງານ,ນັກຮຽນ,ນັກສືກສາ,ບັນດາບໍລິສັດ,ພັກລັດ ແລະ ເອກະຊົນ ເຂົ້າຮ່ວມ.

ທ່ານ ຄໍາຟອງ ອິນມານີ ຮອງເລຂາພັກແຂວງ,ປະທານຄະນະກໍາມະການກວດກາ ແລະ ຄວບຄຸມຢາເສບຕິດ ຂັ້ນແຂວງໄດ້ຜ່ານບົດລາຍງານການເຄື່ອນໄຫວແກ້ໄຂສະກັດກັ້ນ ແລະ ຕ້ານຢາເສບຕິດໃນໄລຍະ 1 ປີຜ່ານມາ ເຊີ່ງມີຄະດີຄ້າງ 104 ເລື່ອງ, ຜູ້ຖືກຫາ 147 ຄົນ, ຍິງ 17 ຄົນ, ຕ່າງປະເທດ 2 ຄົນ ມາຮອດປີ 2022 ໄດ້ມ້າງຄະດີກ່ຽວກັບຢາເສບຕິດໄດ້ທັງໝົດ 138 ເລື່ອງ, ຜູ້ຖືກຫາ 187 ຄົນ, ຍິງ 16 ຄົນ, ຕ່າງປະເທດ 3 ຄົນ, ຜ່ານມາຄະນະພັກ, ອົງການປົກຄອງແຕ່ລະຂັ້ນ, ຂະແໜງການກ່ຽວຂ້ອງທຸກພາກສ່ວນ ກໍໄດ້ຖືເອົາວຽກງານການສະກັດກັ້ນຕ້ານ ແລະ ແກ້ໄຂບັນຫາຢາເສບຕິດ ເປັນວຽກງານໜຶ່ງທີ່ສໍາຄັນຕາມແຜນຍຸດທະສາດແຫ່ງຊາດ ແລະ ໄດ້ຮັບຮູ້ຢາເສບຕິດເປັນໄພອັນຕະລາຍຕໍ່ຊິວິດ, ຊັບສິນ ແລະ ເປັນໜໍ່ແໜງທີ່ພາໃຫ້ເກີດປະກົດການຫຍໍ້ທໍ້ ເກີດຄວາມບໍ່ສະຫງົບຂຶ້ນໃນສັງຄົມຍ້ອນເຫັນໄດ້ຜົນຮ້າຍຄືດັ່ງກ່າວ, ຄະນະພັກ, ອົງການປົກຄອງຂອງແຂວງ ຈຶ່ງໄດ້ຊີ້ນໍາບັນດາຂະແໜງການ, ເຈົ້າໜ້າທີ່ ກໍຄືຄະນະກໍາມະການກວດກາ ແລະ ຄວບຄຸມຢາເສບຕິດ ຂັ້ນແຂວງ, ເມືອງ ແລະ ອົງການປົກຄອງບ້ານ ດໍາເນີນການເຄື່ອນໄຫວກວດກາ, ສະກັດກັ້ນ, ການຜະລິດ, ການຂົ່ນສົ່ງ, ຊື້-ຂາຍ ແລະ ເສບ ຢ່າງແຂງແຮງເຂັ້ມງວດ ຕາມສິດໜ້າທີ່ ແລະ ພາລະບົດບາດຂອງແຕ່ລະຂະແໜງການຢ່າງຕັ້ງໜ້າ,ກວດກາຊອກຮູ້ແຫຼ່ງຜະລິດ, ການເຄື່ອນຍ້າຍ, ການຊື້-ຂາຍ ແລະ ການເສບ ເພື່ອນໍາມາປະຕິບັດມາດຕະການທາງດ້ານກົດໝາຍຕໍ່ຜູ້ລະເມີດຢ່າງເໝາະສົມ.

ພິທີທໍາລາຍຢາເສບຕິດໃນຄັ້ງນີ້ຄະນະຮັບຜິດຊອບ ໄດ້ນໍາເອົາຂອງກາງປະເພດຢາເສບຕິດມາຈູດທໍາລາຍ ມີຢາເສບຕິດປະເພດຢາບ້າ ຈໍານວນ 1 ແສນ 6 ພັນ 783 ເມັດ,ມີນໍ້າໜັກເທົ່າກັບ 10 ກິໂລ 678 ກະກຣາມ ,ຢາເສບຕິດປະເພດ ເຮໂຣອິນ ຈໍານວນ 10 ແທ່ງ ມີນໍ້າໜັກເທົ່າກັບ 3,5 ກິໂລກະກຣາມ, ຢາເສບຕິດປະເພດ ຢາຝີ່ນ ມີນໍ້າໜັກ 5 ກິໂລ 228 ກະກຣາມ, ຢາເສບຕິດທີ່ນໍາມາທໍາລາຍໃນຄັ້ງນີ້ແມ່ນໄດ້ຜ່ານການກວດກາຂອງເຈົ້າໜ້າທີ່ສະກັດກັ້ນ ແລະ ຕ້ານຢາເສບຕິດ,ພາກສ່ວນກ່ຽວຂ້ອງ ເຊີ່ງໄດ້ດໍາເນີນການແກ້ໄຂຄະດີຕາມຂັ້ນຕອນຂອງກົດໝາຍ ແລະ ຕາມການຕັກສິນຂອງສານທີ່ໃຊ້ໄດ້ຢ່າງເດັດຂາດ.
ໂອກາດນີ້ຍັງໄດ້ມອບອຸປະກອນກິລາໃຫ້ກັບ 3 ໂຮງຮຽນຕົວແບບປອດສີ່ງເສບ
ຕິດຄື: ໂຮງຮຽນ ມໍ ຕົ້ນ ທົ່ງອົ້ມ, ມໍ ຕົ້ນ ທົ່ງໄຈ້ເໜືອ ແລະ ໂຮງຮຽນມໍ ຕົ້ນ ນໍ້າແງ້ນ .

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...