spot_img
Homeຂ່າວພາຍ​ໃນປກສ ແຂວງຄຳມ່ວນມ້າງເປົ້າຫມາຍຄ້າຢາເສບຕິດໄດ້ 3 ຄົນ ພ້ອມຢາບ້າເກືອບ 6.000 ເມັດ

ປກສ ແຂວງຄຳມ່ວນມ້າງເປົ້າຫມາຍຄ້າຢາເສບຕິດໄດ້ 3 ຄົນ ພ້ອມຢາບ້າເກືອບ 6.000 ເມັດ

Published on

ເຈົ້າຫນ້າທີ່ວິຊາສະເພາະ ປກສ ເມືອງທ່າແຂກ ແຂວງຄຳມ່ວນ ໄດ້ມ້າງເປົ້າຫມາຍຄ້າຂາຍຢາເສບຕິດໄດ້ 3 ຄົນ ພ້ອມຂອງກາງຢາບ້າເກືອບ 6.000 ເມັດ ໃນເວລາ 15:00 ໂມງ ຂອງວັນທີ 13 ກໍລະກົດ 2022 ຜ່ານມາ, ເຊິ່ງຈັບໄດ້ໃນຂະນະທີ່ກໍາລັງນັດສົ່ງຢາເສບຕິດ ຢູ່ເສັ້ນທາງເຂດບ້ານສຸກສະຫວັນ ເມືອງທ່າແຂກ.

ເຈົ້າຫນ້າທີ່ວິຊາສະເພາະ ເປີດເຜີຍວ່າ: ພາຍຫຼັງສືບຮູ້ວ່າເປົ້າຫມາຍ ຈະມີການຈັດສົ່ງຢາເສບຕິດ, ຈາກນັ້ນ ກໍໄດ້ນໍາກໍາລັງເຈົ້າຫນ້າທີ່ເຂົ້າສະກັດ ແລະ ຈັບຕົວເປົ້າຫມາຍຄ້າຂາຍຢາເສບຕິດໄດ້ 1 ຄົນ ຊື່ ທ້າວ ໂຕ່ງ (ຈອນ) ອາຍຸ 59 ປີ ຢູ່ ບ້ານສຸກສະຫວັນ ເມືອງທ່າແຂກ ພ້ອມທັງກວດຄົ້ນພົບເຫັນຂອງກາງຢາບ້າ ຈໍານວນ 1.988 ເມັດ.

ຈາກການສອບສວນ ຜູ້ກ່ຽວຮັບສາລະພາບຕື່ມອີກວ່າ ຢາບ້າຈໍານວນດັ່ງກ່າວ ແມ່ນຊື້ມາຈາກ ນາງ ແດງ ອາຍຸ 29 ປີ ພັກເຊົາຢູ່ບ້ານສຸກສະຫວັນ. ດັ່ງນັ້ນ ໃນເວລາ 16:20 ໂມງ ຂອງວັນດຽວກັນ ເຈົ້າຫນ້າທີ່ວິຊາສະເພາະ ປກສ ເມືອງທ່າແຂກ ຈຶ່ງໄດ້ເຂົ້າກັກຕົວ ພ້ອມກວດຄົ້ນເຮືອນທີ່ພັກເຊົາ ພົບເຫັນຂອງກາງຢາບ້າທີ່ລຸກເຊື່ອງໄວ້ໃນກະເປົາເຄື່ອງ ຈໍານວນ 2 ມັດ ເທົ່າກັບ 4.000 ເມັດ.

ຕໍ່ມາໃນເວລາ 9:00 ໂມງ ຂອງວັນທີ 14 ກໍລະກົດ 2022, ເຈົ້າຫນ້າທີ່ວິຊາສະເພາະ ຈຶ່ງໄດ້ຂະຫຍາຍ ຜົນເຂົ້າກັກຕົວ ທ້າວ ອ້ວນ ອາຍຸ 29 ປີ ຢູ່ບ້ານຫາດຊາຍສູງ ເມືອງໄຊບູລີ ແຂວງສະຫວັນນະເຂດ ທີ່ຮ່ວມໃນຂະບວນການດຽວກັນ ມາດໍາເນີນຄະດີຕາມກົດຫມາຍ.

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...