spot_img
Homeຂ່າວພາຍ​ໃນລາວກຳລັງປະເຊີນໜ້າກັບພາວະການຂາດດຸນເງິນຕາຕ່າງປະເທດ

ລາວກຳລັງປະເຊີນໜ້າກັບພາວະການຂາດດຸນເງິນຕາຕ່າງປະເທດ

Published on

ອີງຕາມການລາຍງານຈາກສຳນັກຂ່າວ VienTiane Times ໄດ້ລາຍງານ: ສະພາບຄວາມດຸ່ນດ່ຽງດ້ານການຊຳລະເງິນຂອງ ສປປ ລາວ ແມ່ນຕິດລົບ ເຖິງແມ່ນວ່າການຄ້າຈະໄດ້ເກີນດຸນ 1,32 ຕື້ໂດລາສະຫະລັດໃນປີ 2021 ເນື່ອງຈາກວ່າ ເງິນຕາຕ່າງປະເທດມີພຽງ 26,45% ຂອງມູນຄ່າການສົ່ງອອກທັງໝົດ.

ລາວມີຍອດມູນຄ່າການສົ່ງອອກສຸດທິແມ່ນ 548 ລ້ານໂດລາສະຫະລັດ ຫຼື ປະມານ 45,7 ລ້ານໂດລາສະຫະລັດຕໍ່ເດືອນ ໃນປີ 2021 ຊຶ່ງສູງກວ່າຕົວເລກໃນປີ 2020 ສຳລັບສະພາບການຂາດດຸນການບໍລິການລະຫວ່າງປະເທດແມ່ນ 86.46 ລ້ານໂດລາສະຫະລັດ, ເຊິ່ງນອກຈາກການຂາດດຸນການໂອນລາຍຮັບ ເປັນຜົນມາຈາກການຈ່າຍອັດຕາດອກເບ້ຍທີ່ສູງຂອງພາກລັດ ແລະ ເອກະຊົນ ແລະ ການຊໍາລະເງິນປັນຜົນການໄຫຼເຂົ້າມາຂອງການລົງທຶນຈາກຕ່າງປະເທດຕົວຈິງ ຜ່ານລະບົບທະນາຄານ ແມ່ນຕໍ່າກວ່າມູນຄ່າການລົງທຶນທີ່ຕົກລົງກັນຫຼາຍ ຄຽງຄູ່ກັນນັ້ນ ແລະ ການຜະລິດພາຍໃນກໍ່ໄດ້ຮັບຜົນກະທົບຈາກໄພທຳມະຊາດ ແລະ ການລະບາດຂອງພະຍາດໂຄວິດ-19, ລາຄາສິນຄ້ານຳເຂົ້າກໍ່ເພີ່ມຂຶ້ນ ໃນຂະນະທີ່ອັດຕາເງິນເຟີ້ກໍ່ເພີ່ມຂຶ້ນຢ່າງຫຼວງຫຼາຍ.

ທ່ານ ນາງ ຂັນແກ້ວ ຫົວໜ້າກົມນະໂຍບາຍເງິນຕາ, ທະນາຄານ ແຫ່ງ ສປປ ລາວ ໄດ້ຍົກໃຫ້ເຫັນສາເຫດຕົ້ນຕໍທີ່ເຮັດໃຫ້ ການຕອບສະໜອງ ແລະ ຄວາມຕ້ອງການ ບໍ່ສອດຄ່ອງກັບເງິນຕາຕ່າງປະເທດໃນ ສປປ ລາວ ໂດຍສະເພາະແມ່ນເງິນບາດໄທ ແລະ ເງິນໂດລາສະຫະລັດ. ໜຶ່ງໃນສິ່ງທ້າທາຍຕົ້ນຕໍຂອງ ສປປ ລາວ ແມ່ນຄວາມຕ້ອງການດ້ານການບໍລິການໜີ້ສິນພາຍນອກທີ່ເພີ່ມຂຶ້ນ ແລະ ຄວາມຕ້ອງການເງິນຕາຕ່າງປະເທດທີ່ຈຳເປັນໃນການນໍາເຂົ້າສິນຄ້າ ໄດ້ສົ່ງຜົນໃຫ້ເກີດຄວາມກົດດັນໃນການແລກປ່ຽນເງິນຕາຕ່າງປະເທດໃນປັດຈຸບັນ. ການຫຼຸດຄ່າຂອງເງິນກີບຂອງລາວ ສົ່ງຜົນກະທົບຕໍ່ອັດຕາເງິນເຟີ້ໃນປະເທດ ເນື່ອງຈາກວ່າບັນດາທຸລະກິດຕ້ອງໄດ້ຈ່າຍເງິນເພີ່ມ ເພື່ອຊື້ເງິນຕາຕ່າງປະເທດ ໃນການນໍາເຂົ້າສິນຄ້າ.

ເພື່ອບັນລຸໄດ້ບັນດາຄາດໝາຍເງິນຕາທີ່ສະພາແຫ່ງຊາດຮັບຮອງເອົາ, ຄະນະກຳມະການນະໂຍບາຍເງິນຕາ ໄດ້ສຸມໃສ່ຈັດຕັ້ງປະຕິບັດນະໂຍບາຍເງິນຕາ, ປັບປຸງກົນໄກຄຸ້ມຄອງການແລກປ່ຽນເງິນຕາຕ່າງປະເທດ ເພື່ອໜູນຊ່ວຍນະໂຍບາຍຂອງລັດຖະບານໃນການຟື້ນຟູເສດຖະກິດ; ຈັດຕັ້ງປະຕິບັດນະໂຍບາຍອັດຕາແລກປ່ຽນເງິນຕາຕ່າງປະເທດ ໂດຍນຳໃຊ້ລະບົບແລກປ່ຽນເງິນຕາຕ່າງປະເທດຕາມກົນໄກຕະຫຼາດ ທີ່ລັດຖະບານເປັນຜູ້ຄຸ້ມຄອງແບບຍືດຢຸ່ນ, ແລະ ແທດເໝາະກັບພື້ນຖານເສດຖະກິດຕົວຈິງຂອງປະເທດ.

ອີງຕາມຄະນະກຳມະການນະໂຍບາຍເງິນຕາ, ການດັດປັບອັດຕາແລກປ່ຽນເງິນຕາຕ່າງປະເທດ ແມ່ນໜຶ່ງໃນບັນດາຜົນສຳເລັດທີ່ພົ້ນເດັ່ນ, ເນື່ອງຈາກວ່າ ມັນໄດ້ຊ່ວຍຫຼຸດຊ່ອງຫວ່າງລະຫວ່າງ ອັດຕາທາງການ ແລະ ອັດຕາຄູ່ຂະໜານ ຈາກ 22,12% ໃນກາງເດືອນກໍລະກົດ 2021 ລົງເຫຼືອພຽງ 4,51% ໃນທ້າຍປີ 2021.

ຄວາມແຕກຕ່າງທີ່ແຄບລົງ ໄດ້ຊ່ວຍໃຫ້ທະນາຄານທີ່ເຮັດການຄ້າ ສາມາດຊື້ເງິນຕາຕ່າງປະເທດຈາກຕະຫຼາດໄດ້ຫຼາຍຂຶ້ນ ແລະ ສະໜອງເງິນຕາຕ່າງປະເທດໄດ້ຫຼາຍຂຶ້ນ ສໍາລັບການນໍາເຂົ້າສິນຄ້າບູລິມະສິດ, ໂດຍສະເພາະແມ່ນນໍ້າມັນ.
ໃນໄລຍະ 2 ປີຜ່ານມາ, ລາຍຮັບຈາກເງິນຕາຕ່າງປະເທດຂອງລາວໄດ້ຫຼຸດລົງຍ້ອນການແຜ່ລະບາດຂອງພະຍາດ. ຂະແໜງການທ່ອງທ່ຽວ, ການລົງທຶນ ແລະ ການບໍລິການ (ເຊິ່ງເປັນລາຍຮັບຫຼັກ) ໄດ້ຮັບຜົນກະທົບຢ່າງໜັກໜ່ວງຈາກພະຍາດລະບາດ.

ບົດຄວາມຫຼ້າສຸດ

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...

ການສຳຫຼວດ-ອອກແບບ ເສັ້ນທາງວົງແຫວນອ້ອມຮອບນະຄອນ ຫຼວງພະບາງ ແລະ ເມືອງຈອມເພັດ ພ້ອມຂົວຂ້າມນໍ້າຂອງ 1 ແຫ່ງ

ສຳຫຼວດ-ອອກແບບ ເສັ້ນທາງວົງແຫວນອ້ອມຮອບນະຄອນ ຫຼວງພະບາງ ແລະ ເມືອງຈອມເພັດ ແຫຼ່ງຂ່າວຈາກ ແຂວງຫຼວພະບາງ ໃຫ້ຮູ້ວ່າ: ພິທີເຊັນສັນຍາໃນການສຳຫຼວດ-ອອກແບບ, ຄິດໄລ່ປະເມີນມູນຄ່າໂຄງການ, ຂຽນບົດວິພາກເສດຖະກິດ-ເຕັກນິກ, ສຶກສາຜົນກະທົບສິ່ງແວດລ້ອມ-ສັງຄົມ ເສັ້ນທາງວົງແຫວນອ້ອມຮອບນະຄອນ ຫຼວງພະບາງ ແລະ...

ຝູງສິງໂຕລຸມກັດກິນເຈົ້າໜ້າທີ່ສວນສັດຈົນເສຍຊີວິດ ຂະນະທີ່ເພື່ອນຮ່ວມງານເປີດເຜີຍຜູ້ເສຍຊີວິດບໍ່ເຄີຍລະເມີດກົດລະບຽບມາກ່ອນ

ສະຫຼົດ! ຝູງໂຕສິງລຸມກັດກິນເຈົ້າໜ້າທີ່ສວນສັດຈົນເສຍຊີວິດ ທີ່ສວນສັດແຫ່ງໜຶ່ງໃນກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານ ວັນທີ 10 ກັນຍາ 2025 ຜ່ານມາ, ກ່ຽວກັບເຫດການສຸດສະຫຼົດ ເມື່ອເຈົ້າທີ່ດູແລສວນສັດ ຖືກຝູງໂຕສິງລຸມກັດກິນ ຢູ່ສວນສັດຊາຟາລີເວີດ ໃນກຸງເທບມະຫານະຄອນ...

ສະຫະລັດເດືອດ! ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ

ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ ໃນຂະນະຮ່ວມງານໃນມະຫາວິທະຍາໄລ ຍູທາ. ສຳນັກຂ່າວ ບີບີຊີ ລາຍງານ ໃນວັນທີ 11 ກັນຍາ 2025...