spot_img
Homeຂ່າວຕ່າງປະເທດສານໂລກສັ່ງໃຫ້ຣັດເຊຍຍຸດຕິການເຄື່ອນ​ໄຫວ​ທາງ​ທະຫານ

ສານໂລກສັ່ງໃຫ້ຣັດເຊຍຍຸດຕິການເຄື່ອນ​ໄຫວ​ທາງ​ທະຫານ

Published on

ສານຍຸດຕິທໍາລະຫວ່າງປະເທດ (ICJ) ຫຼື ສານໂລກ ມີມະຕິດ້ວຍຄະແນນສຽງ 13-2 ໃຫ້ຣັດເຊຍຍຸດຕິການເຄື່ອນໄຫວທາງທະຫານໃນຢູເຄຣນໂດຍທັນທີ. ນອກຈາກນີ້ ສານຍັງກ່າວວ່າ ຣັດເຊຍຕ້ອງສັ່ງໃຫ້ກອງກໍາລັງອື່ນໆພາຍໃຕ້ການນໍາພາຂອງຣັດເຊຍ ໃຫ້ຍຸດຕິການດໍາເນີນການເຄື່ອນໄຫວທາງທະຫານເຊັ່ນກັນ.

ກ່ອນໜ້ານີ້ ຢູເຄຣນຮຽກຮ້ອງໃຫ້ສານຕີຄວາມສົນທິສັນຍາປີ 1948 ວ່າດ້ວຍການປ້ອງກັນການທໍາລາຍລ້າງເຜົ່າພັນ ໂດຍຄໍາຟ້ອງຂອງຢູເຄຣນລະບຸວ່າ ຣັດເຊຍໄດ້ຕີຄວາມສົນທິສັນຍາດັ່ງກ່າວຜິດ.
ປະທານນາທິບໍດີຣັດເຊຍ ທ່ານ ວະລາດິເມຍ ປູຕິນ ຜູ້ນໍາຣັດເຊຍ ກ່າວວ່າ ການທີ່ຣັດເຊຍໃຊ້ປະຕິບັດການພິເສດທາງການທະຫານຕໍ່ຢູເຄຣນເປັນໄປຕາມຄວາມຊອບທໍາ ເພື່ອປ້ອງກັນປະຊາຊົນໃນຢູເຄຣນຕາເວັນອອກຈາກການກົດຂີ່ ແລະ ທໍາລາຍລ້າງເຜົ່າພັນຍາວນານເຖິງ 8 ປີ.

ຢູເຄຣນກ່າວວ່າ ບໍ່ມີຫຼັກຖານທີ່ສະແດງວ່າ ມີການທໍາລາຍລ້າງເຜົ່າພັນເກີດຂຶ້ນໃນຢູເຄຣນຕາເວັນອອກ ແລະ ຢູເຄຣນຮຽກຮ້ອງຕໍ່ສານ ເພື່ອໃຫ້ມີຄໍາພິພາກສາວ່າ ຣັດເຊຍບໍ່ມີອໍານາດຕາມກົດໝາຍທີ່ຈະເຮັດການໂຈມຕີຢູເຄຣນໂດຍໃຫ້ເຫດຜົນວ່າ ເພື່ອປ້ອງກັນການທໍາລາຍລ້າງເຜົ່າພັນ. ເຖິງແມ່ນວ່າທີ່ຜ່ານມາ ສານໂລກມັກໃຊ້ເວລາຫຼາຍປີກ່ອນທີ່ຈະມີການຕັດສິນຄະດີເຖິງທີ່ສຸດລະຫວ່າງລັດທີ່ເປັນຄູ່ຂັດແຍ່ງ ແຕ່ສານໂລກກໍ່ມີຂະບວນການເລັ່ງລັດພິຈາລະນາຄະດີ ແລະ ມີອໍານາດໃນການອອກຄໍາສັ່ງຄຸ້ມຄອງຊົ່ວຄາວ ເພື່ອປ້ອງກັນບໍ່ໃຫ້ສະຖານະການໂຫດຮ້າຍຂຶ້ນ ກ່ອນທີ່ຈະເຮັດການພິພາກສາໃນປະເດັນພື້ນຖານອື່ນໆ. ຄໍາຕັດສິນຂອງສານແມ່ນ ມີພັນທະທາງກົດໝາຍທີ່ປະເທດຕ່າງໆຕ້ອງປະຕິບັດຕາມ.

ເຖິງຢ່າງໃດກໍ່ຕາມ ສານໂລກບໍ່ມີອໍານາດບັງຄັບໃຊ້ໂດຍກົງ ແລະ ຜ່ານມາກໍ່ມີບາງປະເທດທີ່ບໍ່ປະຕິບັດຕາມຄໍາຕັດສິນຂອງສານ ເຊິ່ງຖ້າເກີດກໍລະນີດັ່ງກ່າວ ສານໂລກກໍ່ຈະສົ່ງເລື່ອງເຂົ້າສູ່ການພິຈາລະນາຂອງຄະນະສະພາຄວາມໝັ້ນຄົງແຫ່ງສະຫະປະຊາຊາດ (UNSC) ໂດຍໃນກໍລະນີຂອງຢູເຄຣນ, ຣັດເຊຍເຊິ່ງເປັນຄູ່ຂັດແຍ່ງສາມາດໃຊ້ອໍານາດໃນຖານະຊະມາຊິກຖາວອນ ໃຊ້ສິດທິຕອບໂຕ້ຕໍ່ມະຕິຂອງ UNSC ເຮັດໃຫ້ຄໍາຕັດສິນຂອງສານໂລກບໍ່ມີຜົນກະທົບໃດໆຕໍ່ຣັດເຊຍ ຖ້າຫາກຣັດເຊຍເມີນເສີຍຕໍ່ຄໍາສັ່ງດັ່ງກ່າວ.

ບົດຄວາມຫຼ້າສຸດ

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...

ສປປ ລາວ ສົ່ງອອກໝາກມ່ວງສົດ ຂະບວນທໍາອິດ ໄປສູ່ ສປ ຈີນ ຈຳນວນ 90 ໂຕນ

ສົ່ງອອກສູ່ຕະຫຼາດສາກົນ ສປປ ລາວ ສົ່ງອອກໝາກມ່ວງສົດຂະບວນທຳອິດ ໄປສູ່ ສປ ຈີນ ຈຳນວນ 90 ໂຕນ ວັນທີ 30 ພຶດສະພາ 2025 ໄດ້ມີພິທີເປີດຂະບວນສົ່ງຫມາກມ່ວງສົດຂະບວນທຳອິດຈາກສປປ...

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...