spot_img
Homeຂ່າວພາຍ​ໃນລາວ ຖືກຈັດຢູ່ໃນອັນດັບທີ 4 ຂອງອາຊຽນ ທາງດ້ານການອໍານວຍຄວາມສະດວກທາງການຄ້າລະຫວ່າງປະເທດ

ລາວ ຖືກຈັດຢູ່ໃນອັນດັບທີ 4 ຂອງອາຊຽນ ທາງດ້ານການອໍານວຍຄວາມສະດວກທາງການຄ້າລະຫວ່າງປະເທດ

Published on

ເນື່ອງໃນໂອກາດເຂົ້າຮ່ວມເປັນປະທານກອງປະຊຸມ ຄະນະກໍາມະການຊີ້ນໍາລວມອໍານວຍຄວາມສະດວກທາງດ້ານການຄ້າ (ຄອຄສ) ຄົບຄະນະ ຄັ້ງທີ 4 ໃນວັນທີ 25 ມັງກອນ ຜ່ານມາ ທີ່ຈັດຂຶ້ນໃນຮູບແບບອອນລາຍ, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະມົນຕີກະຊວງແຜນການ ແລະ ການລົງທຶນ ຫົວໜ້າ ຄອຄສ ໄດ້ກ່າວໃຫ້ຮູ້ວ່າ: ໃນປີ 2018, ລັດຖະບານ ໄດ້ອອກຄໍາສັ່ງ ເລກທີ 02/ນຍ ວ່າດ້ວຍການປັບປຸງລະບຽບການ ແລະ ກົນໄກປະສານງານໃນການດໍາເນີນທຸລະກິດ ຢູ່ ສປປ ລາວ ເຊິ່ງໃນນັ້ນປະກອບມີ 10 ຕົວຊີ້ວັດ ທີ່ຕິດພັນກັບຫຼາຍຂະແໜງການທີ່ກ່ຽວຂ້ອງທີ່ຈະຕ້ອງໄດ້ປັບປຸງແກ້ໄຂ ໂດຍສະເພາະແມ່ນບັນດາຂັ້ນຂອດ ແລະ ເວລາໃນການອະນຸຍາດຕ່າງໆໃຫ້ມີຄວາມວ່ອງໄວຂຶ້ນ.

ເວົ້າສະເພາະການຈັດອັນດັບຕົວຊີ້ວັດທີ່ຕິດພັນກັບວຽກອໍານວຍຄວາມສະດວກທາງດ້ານການຄ້າ ແມ່ນຕົວຊີ້ວັດທີ 8 “ການຄ້າລະຫວ່າງປະເທດ” ຊຶ່ງຕາມບົດລາຍງານການສໍາຫຼວດການຈັດອັນດັບຄວາມງ່າຍດາຍໃນການດຳເນີນທຸລະກິດ ຂອງທະນາຄານໂລກ ຫຼື EDB ສຳລັບປີ 2020 ເຫັນວ່າ: ສໍາລັບການຈັດອັນດັບການອໍານວຍຄວາມສະດວກດ້ານການຄ້າລະຫວ່າງປະເທດ, ສປປ ລາວ ແມ່ນຢູ່ໃນອັນດັບທີ 78 ຂອງໂລກ ແລະ ຢູ່ໃນອັນດັບທີ 4 ໃນກຸ່ມປະເທດອາຊຽນຮອງຈາກສິງກະໂປ, ມາເລເຊຍ, ແລະ ໄທ.

ເຖິງຢ່າງໃດກໍຕາມ, ໃນວັນທີ 16 ກັນຍາ 2021 ກຸ່ມທະນາຄານໂລກໄດ້ປະກາດຢ່າງເປັນທາງການວ່າ ຈະບໍ່ສືບຕໍ່ການເຮັດບົດລາຍງານ EDB ແລະ ຈະປ່ຽນວິທີການປະເມີນສະພາບແວດລ້ອມດ້ານການລົງທຶນແບບໃໝ່ໃນຕໍ່ໜ້າ. ຕໍ່ກັບບັນຫາດັ່ງກ່າວນີ້, ທ່ານຮອງນາຍົກລັດຖະມົນຕີ ກໍໄດ້ຮຽກຮ້ອງໃຫ້ຂະແໜງການທີ່ກ່ຽວຂ້ອງສົມທົບກັນເພື່ອຄົ້ນຄວ້າ ແລະ ປຶກສາຫາລືກ່ຽວກັບວິທີການອື່ນ ໃນການປະເມີນ 10 ຕົວຊີ້ວັດ ເພື່ອປ່ຽນແທນບົດລາຍງານ EDB ໃນອະນາຄົດ. 

ແຫຼ່ງຂ່າວ: ປະຊາຊົນ

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...