spot_img
Homeຂ່າວພາຍ​ໃນລາຍງານສະພາບລວມ ຂອງພະຍາດໂຄວິດ-19 ວັນທີ 17 ມັງກອນ 2022

ລາຍງານສະພາບລວມ ຂອງພະຍາດໂຄວິດ-19 ວັນທີ 17 ມັງກອນ 2022

Published on

ຕາມການລາຍງານຂອງທ່ານ ດຣ. ຣັດຕະນະໄຊ ເພັດສຸວັນ ຕອນເຊົ້າວັນທີ 17 ມັງກອນ 2022 ໄດ້ລາຍງານກ່ຽວກັບໂຄວິດ-19 ດັ່ງນີ້:

• ການລະບາດຂອງພະຍາດໂຄວິດ-19 ໃນທົ່ວໂລກ ແລະ ບັນດາປະເທດອ້ອມຂ້າງຂອງພວກເຮົາ ຍັງບໍ່ທັນມີທ່າອ່ຽງທີ່ຈະຢຸດຕິລົງເທື່ອ ກົງກັນຂ້າມ ການລະບາດແມ່ນແຜ່ລາມຢ່າງໄວວາ ໃນຫຼາຍປະເທດ. ຕໍ່ກັບສະພາບການດັ່ງກ່າວ ພວກເຮົາທຸກຄົນບໍ່ຄວນປະໝາດ ເພາະ ທ່ານ ຫຼື ຄົນໃນຄອບຄົວຂອງທ່ານ ອາດກາຍເປັນຜູ້ຕິດເຊື້ອ, ແຜ່ເຊື້ອສູ່ຄົນອ້ອມຂ້າງ ແລະ ຊຸມຊົນຂອງທ່ານໄດ້. ສະນັ້ນ, ພວກເຮົາຕ້ອງຮູ້ຈັກການປ້ອງກັນຕົນເອງຢ່າງຮອບດ້ານຈາກພະຍາດໂຄວິດ-19. ດັ່ງນັ້ນ, ມື້ນີ້ ຂ້າພະເຈົ້າ ຈະມາອະທິບາຍໃຫ້ບັນດາທ່ານ ເຂົ້າໃຈ ກ່ຽວກັບ ການປ້ອງກັນຕົນເອງຢ່າງຮອບດ້ານ ວ່າ ຄວນປະຕິບັດໂຕຄືແນວໃດ.
• ການປ້ອງກັນການຕິດເຊື້ອພະຍາດໂຄວິດ-19 ຢ່າງຮອບດ້ານ ໝາຍເຖິງ ການມີສະຕິລະວັງຕົວ ປ້ອງກັນຕົນເອງຢ່າງເຂັ້ມງວດ ເພື່ອໃຫ້ປອດໄພຈາກການຕິດເຊື້ອພະຍາດໂຄວິດ-19, ຂໍໃຫ້ບັນດາທ່ານ ຄິດວ່າ ພວກເຮົາທຸກຄົນ ສາມາດຕິດເຊື້ອໄດ້ໂດຍບໍ່ຮູ້ສຶກຕົວ ແລະ ບໍ່ມີອາການ, ສະນັ້ນ ການປ້ອງກັນຕົນເອງຢ່າງຮອບດ້ານ ຈຶ່ງມີຄວາມສຳຄັນ ແລະ ຈຳເປັນ ແລະ ປະຕິບັດດັ່ງນີ້:
1) ອອກຈາກບ້ານ ເມື່ອມີຄວາມຈຳເປັນ
2) ຮັກສາໄລຍະຫ່າງ ຢ່າງໜ້ອຍ 1-2 ແມັດ (ຈາກບຸກຄົນອື່ນ, ທຸກສະຖານທີ່, ທຸກກິດຈະກຳ)
3) ໃສ່ຜ້າປິດປາກ-ດັງ ໃຫ້ຖືກຕ້ອງ ແລະ ຕະຫຼອດເວລາ
4) ລ້າງມືເລື້ອຍໆ ດ້ວຍນ້ຳສະອາດໃສ່ສະບູ່ ຫຼື ເຈວລ້າງມືຂ້າເຊື້ອທີ່ມີສ່ວນຜະສົມທາດເຫຼົ້າ
ຫຼັງສຳຜັດວັດຖຸສິ່ງຂອງຮ່ວມກັນ
5) ໃນໄລຍະທີ່ໃສ່ຜ້າປິດ-ດັງ ບໍ່ໃຫ້ເອົາມືສຳຜັດ ຜ້າປິດປາກ-ດັງ ລວມທັງ ໃບໜ້າ, ຕາ,
ປາກ ແລະ ດັງ ໂດຍບໍ່ຈຳເປັນ
6) ສຳລັບ ຜູ້ທີ່ນອນຢູ່ໃນກຸ່ມສ່ຽງ ເຊັ່ນ: ຜູ້ສູງອາຍຸ ແລະ ຜູ້ທີ່ມີພະຍາດປະຈຳໂຕ ຄວນຫຼີກ
ລ້ຽງການອອກຈາກບ້ານ, ຫາກມີຄວາມຈຳເປັນ ຕ້ອງອອກຈາກບ້ານ ຄວນອອກໃຫ້ໜ້ອຍ
ທີ່ສຸດ ແລະ ໃຊ້ເວລາໃຫ້ສັ້ນທີ່ສຸດ
7) ເຮັດຄວາມສະອາດ ແລະ ຂ້າເຊື້ອບໍລິເວນທີ່ສຳຜັດເລື້ອຍໆ ບໍ່ວ່າຈະເປັນເຄື່ອງໃຊ້ ຫຼື
ສິ່ງແວດລ້ອມທີ່ຢູ່ອ້ອມຂ້າງ
8) ແຍກເຄື່ອງໃຊ້ສ່ວນຕົວທຸກຢ່າງ ບໍ່ຄວນໃຊ້ຮ່ວມກັບບຸກຄົນອື່ນ
9) ເລືອກຮັບປະທານອາຫານທີ່ປຸງແຕ່ງສຸກໃໝ່ໆ, ບໍ່ກິນເຂົ້າຮ່ວມກັນ, ຫາກມີຄວາມຈຳເປັນ
ຕ້ອງກິນເຂົ້າຮ່ວມກັບສະມາຊິກໃນຄອບຄົວ ໃຫ້ໃຊ້ບ່ວງກາງເທົ່ານັ້ນ.
10) ຖ້າຫາກທ່ານມີຄວາມສ່ຽງຕໍ່ການຕິດເຊື້ອ ຄວນແຍກໂຕອອກຈາກບຸກຄົນອື່ນ 14 ວັນ
ແລະ ກວດຫາເຊື້ອເບື້ອງຕົ້ນ ດ້ວຍຊຸດເຄື່ອງກວດແບບໄວ ພາຍຫຼັງການສຳຜັດກັບກຸ່ມສ່ຽງ
ຫຼື ສຳຜັດເຊື້ອ ປະມານ 3-5 ວັນ ຖ້າຫາກບໍ່ພົບເຊື້ອ ຄວນກວດຄືນອີກ ຫຼື ກວດເມື່ອມີ
ອາການສະແດງອອກ.
• ມາຮອດມື້ນີ້ ທົ່ວປະເທດ ສັກວັກຊີນສະສົມທັງໝົດ:
– ເຂັມ1 ໄດ້ 4,650,702 ຄົນ (ກວມເອົາ 63.38 %)
– ທຸກເຂັມທີ່ແນະນໍາ 3,815,811 ຄົນ (ກວມເອົາ 52 %)
– ອາຍຸ 12-17 ປີ ໄດ້ 500,365 ຄົນ (ເຂັ້ມ 1 ມີ 57.8%)
• ຜົນຂ້າງຄຽງຂອງການສັກວັກຊີນໂຄວິດ-19 ຄືດັ່ງນີ້:
– ມີໄຂ້ ຫຼື ເມື່ອຍ ຫຼື ເຈັບຫົວ
– ອາດຈະມີອາການປວດ ແລະ ມີຮອຍແດງຢູ່ບໍລິເວນສັກ
ເຊິ່ງທັງໝົດ ເປັນຜົນຂ້າງຄຽງໄລຍະສັ້ນ ແລະ ບໍ່ຮຸນແຮງ ອາການດັ່ງກ່າວ ຈະຫາຍໄປເອງ ພາຍໃນ 72 ຊົ່ວໂມງ. ສ່ວນໃຫຍ່ແລ້ວ ເຮົາສາມາດບັນເທົາຜົນຂ້າງຄຽງເຫຼົ່ານີ້ ໄດ້ໂດຍການພັກຜ່ອນໃຫ້ພຽງພໍ, ດື່ມນ້ຳຫຼາຍໆ, ກິນອາຫານໃຫ້ຄົບ 5 ໝູ່, ກິນຢາລົດໄຂ້ ແລະ ອາການປວດ. ຖ້າຫາກອາການບໍ່ດີຂຶ້ນ, ຮູ້ສຶກຫາຍໃຈລຳບາກ, ແໜ້ນໜ້າເອິກ ໃຫ້ໄປພົບແພດທັນທີ ເພື່ອເຂົ້າຮັບການປິ່ນປົວຢ່າງທັນການ.

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...