spot_img
Homeຂ່າວເຫດການເມືອງ​ຫລວງ​ພະ​ບາງ​ ໄດ້​ຮັບ​ລາງ​ວັນ​ມີ​ຄວາມ​ຍືນຍົງ​ ດ້ານ​ສິ່ງ​ແວດ​ລ້ອມ​ອາ​ຊຽນ

ເມືອງ​ຫລວງ​ພະ​ບາງ​ ໄດ້​ຮັບ​ລາງ​ວັນ​ມີ​ຄວາມ​ຍືນຍົງ​ ດ້ານ​ສິ່ງ​ແວດ​ລ້ອມ​ອາ​ຊຽນ

Published on

Asean award

 

ຄືນ​ວັນ​ທີ 30 ຕຸລາ​ນີ້ ຢູ່​ຫໍ​ປະ​ຊຸມ​ແຫ່ງ​ຊາດ ນະຄອນຫລວງ​ວຽງຈັນ ໄດ້​ມີ​ການມອບລາງວັນໃຫ້ບັນດາຕົວເມືອງຂອງ

ຫລາຍປະເທດໃນອາຊຽນ, ທີ່ມີຄວາມຍືນຍົງດ້ານສິ່ງແວດລ້ອມຄັ້ງທີ 3 ຂຶ້ນ ແລະ ສຳລັບລາວເຮົາແມ່ນເມືອງຫລວງ

ພະບາງ ໄດ້ຮັບລາງວັນອັນຊົງກຽດດັ່ງກ່າວ.

 

ທ່ານ ຫນູລິນ ສິນບັນດິດ ລັດຖະມົນຕີວ່າການກະຊວງຊັບພະຍາກອນທຳມະຊາດ ແລະ ສິ່ງແວດລ້ອມປະທານຈັດ

ກອງປະຊຸມລັດຖະມົນຕີອາຊຽນດ້ານສິ່ງແວດລ້ອມບໍ່ເປັນທາງການຄັ້ງທີ 15 ກ່າວວ່າ: ການມອບລາງວັນຕົວເມືອງ

ອາຊຽນທີ່ມີຄວາມຍືນຍົງດ້ານສິ່ງແວດລ້ອມຄັ້ງນີ້, ແມ່ນເພື່ອເປັນການໂຄສະນາ ແລະ ເປັນການເພີ່ມທະວີການ

ຮ່ວມມືຂອງອາຊຽນເພື່ອຮັກສາສິ່ງແວດລ້ອມໃຫ້ຍືນຍົງ, ໂດຍສະເພາະການສ້າງຕົວເມືອງໃຫ້ມີສະພາບແວດລ້ອມ

ທີ່ດີ ແລະ ມີຄວາມສວຍງາມ, ສີຂຽວສະອາດເພື່ອເຮັດ ໃຫ້ປະຊາຄົມອາຊຽນມີຄວາມພົ້ນເດັ່ນດ້ານສິ່ງແວດລ້ອມ.

 

ກອງເລຂາອາຊຽນໃຫ້ຮູ້ວ່າ: ນອກຈາກເມືອງຫລວງພະບາງແລ້ວ ເມືອງທີ່ໄດ້ຮັບລາງວັນດ້ານສິ່ງແວດລ້ອມທີ່ຍືນ

ຍົງນີ້ ຍັງມີເມືອງສີລີເບກາວັນຂອງບຣູໄນ, ບັນທຳບັງຂອງກຳປູເຈຍ, ບາລິປາປັງຂອງອິນໂດເນເຊຍ, ມາລາກາຂອງ

ມາເລເຊຍ, ຢາງກຸ້ງຂອງມຽນມ້າ, ຊັງກາລອດຊີຕີ ຂອງຟີລິບປິນ, ເມືອງພາກຕາເວັນຕົກສຽງເໜືອຂອງສິງກະໂປ

ແລະ ຊຽງໃໝ່ຂອງໄທ. ນອກຈາກນີ້ ຍັງມີການມອບໃບກຽດຕິຄຸນໃຫ້ບັນດາຕົວເມືອງໃນອາຊຽນເຊັ່ນ: ປະເພດຕົວ

ເມືອງທີ່ສະອາດ, ປະເພດຕົວເມືອງທີ່ມີນ້ຳສະອາດ ແລະ ອື່ນໆ ເປັນກຽດເຂົ້າຮ່ວມໂດຍທ່ານ ຫນູລິນ ສິນບັນດິດ

ລັດຖະມົນຕີວ່າການກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ແລະ ທ່ານ ໄຊ ສາມານ ລັດຖະມົນຕີ

ສິ່ງແວດລ້ອມປະເທດກຳປູເຈຍ, ສຳລັບຕົວແທນຂອງລາວທີ່ຂຶ້ນຮັບລາງວັນໂດຍທ່ານ ພູມີ ອໍເພັດສານ ຮອງເຈົ້າ

ເມືອງຫລວງພະບາງ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...