ເວັບໄຊ New York Post ລາຍງານ: ສິງໂຕຂະໜາດໃຫຍ່ 2 ໂຕ ພາກັນອອກມາຍ່າງເລາະຫຼິ້ນບໍລິເວນສະໜາມບິນຊາງງີ ຂອງສິງກະໂປຫຼັງຫຼົບໜີອອກຈາກກົງຂັງ ຂະນະຖືກນຳສົ່ງຕົວຂຶ້ນຍົນ ອັນໄດ້ສ້າງຄວາມຕື່ນຕົກໃຈແກ່ຜູ້ຄົນໃນສະໜາມບິນພໍສົມຄວນ.

ເພື່ອເປັນການລະງັບເຫດການອັນສົນລະວົນ ເຈົ້າໜ້າທີ່ໜ່ວຍງານສັດຕະວະແພດຈຳເປັນຕ້ອງໃຊ້ປືນບັນຈຸຢາກ່ອມປະສາດ ເພື່ອຍິງສິງໂຕຈຳນວນດັ່ງກ່າວ ກ່ອນຈະເຄື່ອນຍ້າຍພວກມັນເຂົ້າໄວ້ໃນຕູ້ຄອນເທນເນີຄືນໃໝ່.

ພະນັກງານສາຍການບິນຄົນໜຶ່ງກ່າວວ່າ: ຂະນະນີສິງໂຕກຸ່ມນັ້ນໄດ້ຮັບການດູແລພາຍໃຕ້ຄວາມປອດໄພ ໂດຍມີຕາຂ່າຍນີລະໄພອ້ອມຮອບຕູ້ຄອນເທນເນີຕະຫຼອດເວລາ ແລະການດຳເນີນງານຂອງສາຍການບິນກໍບໍ່ໄດ້ຢຸດສະຫງັກແຕ່ຢ່າງໃດ.

ຢ່າງໃດກໍຕາມ, ຍັງບໍ່ມີຂໍ້ມູນລະອຽດຊັດເຈນວ່າ ສິງໂຕເຫຼົ່ານັ້ນເດີນທາງມາຈາກໃສ ແລະຈະມຸ່ງໜ້າໄປປະເທດໃດແທ້.