Homeຂ່າວພາຍ​ໃນສະຫະລັດມອບທຶນ 129.000 ໂດລາ ອະນຸຮັກທົ່ງໄຫຫີນຊຽງຂວາງ

ສະຫະລັດມອບທຶນ 129.000 ໂດລາ ອະນຸຮັກທົ່ງໄຫຫີນຊຽງຂວາງ

Published on

ເອກອັກຄະລັດຖະທູດ ສະຫະລັດອາເມລິກາ ປະຈໍາ ລາວ ໄດ້ມອບທຶນຊ່ວຍເຫຼືອຈຳນວນ 129.000 ໂດລາສະຫະລັດ ເພື່ອນໍາໃຊ້ເຂົ້າໃນການອະນຸຮັກ ແລະ ປະຕິສັງຂອນໄຫຫີນບູຮານທີ່ເກົ່າແກ່ ທັງເປັນມໍລະດົກໂລກ ທີ່ຕັ້ງຢູ່ແຂວງຊຽງຂວາງ ເຊີ່ງເປັນສ່ວນຫນຶ່ງຂອງກອງທຶນທ່ານທູດເພື່ອການອະນຸຮັກວັດທະນະທໍາ ຫຼື AFCP.

ທາງຄະນະຮັບຜິດຊອບທົ່ງໄຫຫີນ ຊຽງຂວາງ ຈະນໍາໃຊ້ກອງທຶນດັ່ງກ່າວເຂົ້າໃນການສ້າງຖານຂໍ້ມູນໄຫຫີນ ແລະ ລະບົບ GIS ເພື່ອຮັກສາບັນຊີລາຍຊື່ໄຫຫີນ ແລະແຫຼ່ງໄຫຫີນ, ການອະນູຮັກຮັກສາ ແລະບູລະນະຄຸ້ມຄອງໄຫຫີນທີ່ມີຄວາມເສຍຫາຍລວມທັງຝາປິດ. ນອກຈາກນີ້, ຍັງຈະໄດ້ສ້າງຄວາມເຂັ້ມແຂງໃຫ້ແກ່ພະນັກງານ ແລະ ເຈົ້າໜ້າທີ່ຫ້ອງການມໍລະດົກໂລກທີ່ຮັບຜິດຊອບໃນເຂດມໍລະດົກແຫ່ງນີ້ຕື່ມອີກ.

ພິທີລົງນາມສັນຍາໂຄງການອະນຸຮັກ ແລະ ປະຕິສັງຂອນໄຫຫີນບູຮານກົ່າແກ່ ໄດ້ຈັດຂຶ້ນໃນວັນທີ 28 ສິງຫາ 2021 ທີ່ທົ່ງໄຫຫີນ, ແຂວງຊຽງຂວາງ ໂດຍມີ ທ່ານ ສິວິໄລ ແສງຈະເລີນ, ຮອງເຈົ້າແຂວງຊຽງຂວາງ, ທ່ານ ອຸ່ນທວງ ຂາວພັນ, ຮອງລັດຖະມົນຕີກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ, ທ່ານ ປີເຕີ ເຮມ໋ອນ, ເອກອັກຄະລັດຖະທູດ ສະຫະລັດອາເມລິກາ ປະຈຳລາວ ພ້ອມດ້ວຍຜູ້ຕາງໜ້າຈາກກະຊວງການຕ່າງປະເທດ ແລະ ພາກສ່ວນກ່ຽວຂ້ອງຂອງທັງສອງຝ່າຍເຂົ້າຮ່ວມ.

ທ່ານ ປີເຕີ ເຮມ໋ອນ ກ່າວວ່າ: ໃນໄລຍະຜ່ານມາ ສະຫະລັດອາເມລິກາ ໄດ້ມອບທຶນຊ່ວຍບູລະນະຮັກສາວັດທະນະທໍາຢູ່ຫຼາຍແຂວງໃນລາວ ເປັນຕົ້ນແມ່ນ ຫຼວງພະບາງ, ຈຳປາສັກ ແລະ ຫຼວງນໍ້າທາ ຂະນະທີ່ສະຫະລັດ ອາເມລິກາ ມີຄວາມມຸ່ງໝັ້ນ ທີ່ຈະເຮັດວຽກຮ່ວມກັບປະຊາຊົນ ແລະ ລັດຖະບານລາວ ໃນການປົກປັກຮັກສາວັດທະນະທໍາ ກໍຄືການພັດທະນາເສດຖະກິດ-ສັງຄົມຂອງລາວ.

ຂໍ້ມູນຈາກ: Lao National Radio 

 

ບົດຄວາມຫຼ້າສຸດ

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...