spot_img
Homeຂ່າວພາຍ​ໃນເອກອັກຄະລັດຖະທູດ ມົງໂກລີ ປະຈໍາ ລາວ ລົງຢ້ຽມຢາມຟາມລ້ຽງແກະ ຢູ່ພູເກັງ

ເອກອັກຄະລັດຖະທູດ ມົງໂກລີ ປະຈໍາ ລາວ ລົງຢ້ຽມຢາມຟາມລ້ຽງແກະ ຢູ່ພູເກັງ

Published on

ທ່ານ ການບັດຣັກ ລໍດອຍດໍາບາ ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ມົງໂກລີ ປະຈໍາ ລາວ ພ້ອມດ້ວຍຄະນະໄດ້ ລົງຢ້ຽມຢາມຟາມລ້ຽງແກະຢູ່ພູເກັງ, ເມືອງແປກ, ແຂວງຊຽງຂວາງ ໃນວັນທີ 21 ສິງຫາຜ່ານມາ, ຕ້ອນຮັບໂດຍ ທ່ານ ພົນຕີ ຄໍາເພັດ ສີຊານົນ ຫົວໜ້າກົມໃຫຍ່ພະລາທິການກອງທັບ ຕາງໜ້າກະຊວງປ້ອງກັນປະເທດ, ເຂົ້າຮ່ວມມີ ທ່ານ ບຸນຂວາງ ຄໍາບຸນເຮືອງ ຮອງລັດຖະມົນຕີກະຊວງກະສິກໍາ ແລະ ປ່າ ໄມ້, ມີການນໍາແຂວງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ພັນເອກ ບຸນນໍາ ບຸນນະດີ ຮອງຫົວໜ້າກົມຜະລິດກະສິກໍາ ກົມໃຫຍ່ພະລາທິການກອງທັບ ໄດ້ລາຍງານສະພາບການລ້ຽງແກະຢູ່ພູເກັງ ວ່າ: ແນວພັນແກະຈໍານວນ 1.050 ໂຕ ເປັນແນວພັນທີ່ລັດຖະບານມົງໂກລີໄດ້ມອບເປັນຂອງຂວັນໃຫ້ແກ່ລັດຖະບານ ສປປ ລາວ ໃນຄັ້ງວັນທີ 23 ພະຈິກ 2018 ຜ່ານມາ, ໂດຍປະຕິບັດຕາມທິດຊີ້ນໍາຂອງກະຊວງປ້ອງກັນປະເທດ ກໍຄືກົມໃຫຍ່ພະລາທິການກອງທັບ ແລະ ມອບໃຫ້ກົມຜະລິດກະສິກໍາ ກົມໃຫຍ່ພະລາທິການກອງທັບເປັນຜູ້ຄຸ້ມຄອງ, ຮັກສາ ແລະ ລ້ຽງສັດດັ່ງກ່າວ.

ການລ້ຽງແກະແມ່ນໄດ້ປະຕິບັດຖືກຕ້ອງຕາມຫຼັກການ ໂດຍສະເພາະແມ່ນການຈັດການຟາມ, ການສະໜອງພືດອາຫານສັດ, ການສັກວັກຊີນປ້ອງກັນພະຍາດຕິດຕໍ່ປະຈໍາລະດູ ແລະ ອື່ນໆ. ຜ່ານການຈັດຕັ້ງປະຕິບັດ ແມ່ນປະສົບຜົນສໍາເລັດດີສົມຄວນ ສະແດງໃຫ້ເຫັນຜົນຂອງການເກີດແມ່ນເພີ່ມຂຶ້ນຈາກແກະຈໍານວນເດີມ 1.050 ໂຕ ເປັນ 1.245 ໂຕ ໃນປັດຈຸບັນ.

ຂໍ້ມູນຈາກ: Lao National Radio 

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...