ຕາມການລາຍງານຂອງຄະນະອຳນວຍການໂຮງໝໍແຂວງ ບໍ່ແກ້ວ ໃນວັນທີ 8 ມັງກອນ 2021 ທີ່ຜ່ານມາ ທາງຂອງຄະນະສະເພາະກິດຂັ້ນແຂວງ ໄດ້ມີການປຶກສາຫາ ແລະ ເຫັນດີເປັນເອກະພາບ ໃນຕອນເຊົ້າ ຂອງວັນທີ 12 ມັງກອນ 2021 ເພື່ອຄວບຄຸມ, ປ້ອງກັນ ແລະ ແກ້ໄຂການແຜ່ລະບາດຂອງໂຄວິດ-19 ທາງແຂວງຈຶ່ງອອກແຈ້ງການ ໂດຍມີເນື້ອໃນດັ່ງລຸ່ມນີ້
- ເຫັນດີປິດເທດສະບານເມືອງຕົ້ນເຜິ້ງ ແລະ ເຂດເສດຖະກິດພິເສດສາມຫຼ່ຽມຄຳ (ເປັນເວລາ 14 ວັນ) ເລິ່ມແຕ່ວັນທີ 12 ມັງກອນ ເຖິງ 25 ມັງກອນ 2021.
- ມອບໃຫ້ເຈົ້າໜ້າທີ່ ທີ່ກ່ຽວຂ້ອງ ຕັ້ງຈຸດກວດຢູ່ໃກ້ກັບ 3 ແຍກປະຕູໂຂງທາງເຂົ້າເມຶອງຕົ້ນເຜີ້ງ ແລະ 4 ແຍກບ້ານໂພນໂຮມ.
- ໃຫ້ເມືອງຕົ້ນເຜິ້ງ ນຳໃຊ້ກຳລັງທະຫານ, ປກສ ແລະ ແພດໝໍ ປະຈຳຈຸດກວດກາດັ່ງກ່າວ ເພື່ອປະຕິບັດມາດຕະການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດຂອງພະຍາດໂຄວິດ-19 ຢ່າງເຂັ້ມງວດ.
![](https://laopost-com.laocdn.com/2021/01/92526460_3202192443145739_1115265980134588416_n.jpg)
ກ່ອນໜ້ານີ້, ຄະນະສະເພາະກິດອອກຄຳສັ່ງໃຫ້ປິດເມືອງຕົ້ນເຜິ້ງ ແຂວງບໍ່ແກ້ວຊົ່ວຄາວເພື່ອຕອບໂຕ້ການລະບາດຂອງໂຄວິດ-19 ໃນປະເທດໃກ້ຄຽງ ແລະ ສະກັດກັ້ນບໍ່ໃຫ້ມີການເຂົ້າອອກເມືອງເພື່ອປ້ອງກັນການລະບາດຂອງພະຍາດດັ່ງກ່າວເຂົ້າມາໃນແຂວງບໍ່ແກ້ວ ຫຼັງຈາກໄດ້ຮັບແຈ້ງການຈາກປະເທດຈີນວ່າ ພົນລະເມືອງ 2 ຄົນຂອງປະເທດນີ້ໄດ້ເຂົ້າມາຈາກປະເທດມຽນມາ ແລະ ເຂົ້າໄປໃນແຂວງບໍ່ແກ້ວ ແລະ ເຂົ້າເມືອງ ປະເທດຈີນຢ່າງຜິດກົດໝາຍ ບັນດາການວິເຄາະພາຍຫຼັງຂອງຈີນສຳຫຼັບສອງຄົນນີ້ ເປັນຕິດເຊື້ອໄວຣັດ SARS-CoV-2.