spot_img
Homeຂ່າວທ້ອງຖິ່ນລັດປຶກສາຫາລືກຽມຄວາມພ້ອມສ້າງທາງດ່ວນຫຼວງພະບາງ-ອຸດົມໄຊ

ລັດປຶກສາຫາລືກຽມຄວາມພ້ອມສ້າງທາງດ່ວນຫຼວງພະບາງ-ອຸດົມໄຊ

Published on

ແຂວງຫຼວງພະບາງ ໄດ້ຈັດກອງປະຊຸມປຶກສາຫາລືວຽກງານ ຮ່ວມກັນເພື່ອສຶກສາສໍາຫຼວດຄວາມເປັນໄປໄດ້ຂອງແລວທາງດ່ວນ ໄລຍະທີ III ແຕ່ນະຄອນຫຼວງພະບາງ ແຂວງຫຼວງພະບາງ ຫາ ເມືອງ ໄຊ ແຂວງອຸດົມໄຊ, ເຊິ່ງແລວທາງດ່ວນນີ້ຈະຜ່ານເມືອງງາເຂົ້າຫາເມືອງໄຊແຂວງອຸດົມໄຊ ມີໄລຍະທາງທັງຫມົດ 113,9 ກິໂລແມັດ, ເນື້ອທີ່ນໍາໃຊ້ທັງໝົດປະມານ 1.055 ເຮັກຕາ, ສະເພາະໄລຍະທາງທີ່ຜ່ານແຂວງຫຼວງ ພະບາງມີ 29,8 ກິໂລແມັດ, ຜ່ານແຂວງອຸດົມໄຊໄລຍະທາງ 84,1 ກິໂລແມັດ.

ໃນນັ້ນຈະໄດ້ສ້າງຂົວທັງຫມົດ 96 ແຫ່ງ, ຄວາມຍາວ 19.496 ແມັດ, ອຸໂມງ 8 ແຫ່ງ, ຍາວ 14.940 ແມັດ, ຈຸດຂື້ນລົງ 5 ແຫ່ງ, ດ້ານມາດຕະຖານເຕັກນິກຂອງອຸໂມງແມ່ນໄດ້ສົມທຽບກັບມາດຕະຖານ ເຕັກນິກການອອກແບບຂອງໂຄງການກໍ່ສ້າງທາງດ່ວນໄລຍະທີ I ແຕ່ ນະຄອນຫຼວງວຽງຈັນຫາວັງວຽງປະກອບມີ 4 ຊ່ອງຈະລາຈອນ (2 ຊ່ອງໄປ 2 ຊ່ອງກັບ) ໜ້າທາງກວ້າງ 23 ແມັດ, ເຊິ່ງປະກອບມີຊ່ອງຈະ ລາຈອນ, ດອນກາງ ແລະ ບ່າທາງ, ອຸໂມງມີຄວາມກວ້າງສຸດ 10,25 ແມັດ, ສູງສຸດ 5 ແມັດ, ອາຍຸການນໍາໃຊ້ອອກແບບສໍາລັບອຸໂມງ 100 ປີ.

ຮອງເຈົ້າແຂວງໆ ຫຼວງພະບາງ, ທ່ານ ສຸກັນ ບຸນຍົງ ກ່າວວ່າ: ທາງດ່ວນໄລຍະທີ III ນີ້, ຈາກການສໍາຫຼວດສຶກສາກໍານົດແລວທາງແຕ່ ນະຄອນຫຼວງພະບາງ ແຂວງຫຼວງພະບາງ ຫາເມືອງໄຊ ແຂວງອຸດົມ ໄຊ ໄດ້ມີການປຽບທຽບເປັນ 3 ແລວທາງຄືແລວ K, A ແລະ B ເມື່ອ ພິຈາລະນາແລ້ວບໍລິສັດຮັບເໝົາກໍ່ສ້າງໄດ້ສະເໜີໃຫ້ເລືອກແລວທາງ K ເຊິ່ງເປັນແລວທາງທີ່ສົ່ງຜົນດີຕໍ່ການປົກປັກຮັກສາສິ່ງແວດ ລ້ອມ, ມີຜົນປະໂຫຍດຕໍ່ການພັດທະນາຕົວເມືອງນະຄອນຫຼວງພະບາງ ແລະ ເມືອງງາ, ສະດວກຕໍ່ປະ ຊາຊົນໃນຂອບເຂດຕົວເມືອງຂຶ້ນ-ລົງ, ມີຜົນ ດີຕໍ່ການປົກປັກຮັກສາແຫຼ່ງນໍ້າຂອງແມ່ນໍ້າຂອງ ແລະ ພັດທະນາການ ຂົນສົ່ງຫຼາຍຮູບແບບເຊື່ອມຕໍ່ທາງບົກ ແລະ ທາງລົດໄຟ, ທັງຂະໜາດໂຄງການນ້ອຍ, ຄວາມຫຍຸ້ງຍາກ ແລະ ສິ່ງທ້າທາຍໃນການ ກໍ່ສ້າງໜ້ອຍລວມເຖິງໄລຍະເວລາໃນການກໍ່ສ້າງສັ້ນລົງ, ລວມມູນຄ່າການກໍ່ສ້າງແລວ K ທັງຫມົດ 19,9 ຕື້ຢວນ ຫຼື ປະມານ 2,88 ຕື້ໂດລາສະຫະລັດ ແລະ ສໍາລັບແລວ A ແລະ B ແມ່ນມີມູນຄ່າ ສູງກວ່າແລວ K.

ກອງປະຊຸມເພື່ອປຶກສາຫາລືວຽກງານຄັ້ງນີ້ ຈັດໂດຍ ແຂວງຫຼວງພະບາງ, ໃນວັນທີ 6 ພະຈິກຜ່ານມານີ້, ໂດຍການເປັນປະທານ ຂອງຮອງເຈົ້າແຂວງຫຼວງພະບາງ, ທ່ານ ສຸກັນ ບຸນຍົງ, ມີຫົວຫນ້າພະແນກ ຍທຂ, ທ່ານ ບຣົງ ວ່າງ ຫວ່າງເຈຍຊ່າ, ມີຫົວຫນ້າພະແນກ ການທີ່ກ່ຽວຂ້ອງ,ຜູ້ຕາງຫນ້າຈາກເມືອງ, ບ້ານພ້ອມດ້ວຍວິຊາການ ເຂົ້າຮ່ວມ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ອອກມາແລ້ວ ກົດໝາຍວ່າດ້ວຍລັດຖະກອນສະບັບປັບປຸງໃໝ່ ລົງວັນທີ 7 ພຶດສະພາ 2025

ແຈ້ງການອອກມາແລ້ວ ກົດໝາຍວ່າດ້ວຍພະນັກງານ-ລັດຖະກອນ ສະບັບປັບປຸງ ເລກທີ 046/ປປທ ລົງວັນທີ 07/09/2025 ມີເນື້ອໃນດັ່ງນີ້:

ອັບດັບ 13 ຂອງໂລກ ລາວຕິດອັນດັບເປັນໜຶ່ງໃນປະເທດ ຈຸດໝາຍປາຍທາງການທ່ອງທ່ຽວທີ່ຂະຫຍາຍຕົວສູງສຸດໃນປີ 2024

ອົງການທ່ອງທ່ຽວໂລກ ແຫ່ງສະຫະປະຊາຊາດ ລາຍງານກ່ຽວກັບ ການຈັດອັນດັບປະເທດຈຸດໝາຍປາຍທາງການທ່ອງທ່ຽວ ທີ່ຂະຫຍາຍໂຕສູງທີ່ສຸດ ໃນນັ້ນ ສປປ ລາວ ສາມາດຕິດຢູ່ໃນ ອັນດັບທີ່ 13 ຂອງໂລກ ຈາກການຈັດອັນດັບໃນປີ 2024...

ເຫດການປະທ້ວງຄັ້ງໃຫຍ່ ຄົນລຸ້ນໃໝ່ລວມກຸ່ມປະທ້ວງໃນເນປານ ເນື່ອງຈາກປິດກັ້ນສື່ອອນລາຍ ແລະ ບັນຫາສໍ້ລາດບັງຫຼວງ

ໃນວັນທີ 09 ກັນຍາ 2025ທ່ານ ເຄພີ ຊາມາໂອລີ, ນາຍົກລັດຖະມົນຕີປະເທດເນປານໄດ້ປະກາດລາອອກຈາກຕໍາແໜ່ງ ເນື່ອງຈາກມີການປະທ້ວງຂອງປະຊາຊົນໂດຍສະເພາະກຸ່ມເດັກລຸ້ນໃໝ່ ເຊິ່ງສາເຫດແມ່ນເກີດຈາກ - ການອອກມາດຕະການຫ້າມນໍາໃຊ້ສື່ອອນລາຍ ເຊິ່ງກ່ອນໜ້ານີ້ໄດ້ມີການແຈ້ງການປິດກັນ 26 ແອັບພຣິເຄຊັນເຊັ່ນ: ເຟສບຸກ,...

ໂຣກລິດຊີດວງຖາມຫາ! ເຂົ້າຫ້ອງນໍ້າພ້ອມຫຼິ້ນໂທລະສັບໄປນໍາ ສ່ຽງເປັນໂຣກລິດສີດວງ

ພຶດຕິກຳໃນແຕ່ລະມື້ຶອາດສົ່ງຜົນໃຫ້ເກີດໂຣກຕ່າງໆໄດ້.ເຊິ່ງຫຼາຍຄົນໃນຍຸກປັດຈຸບັນກຳລັງເຮັດຢູ່ຄື ການເຂົ້າຫ້ອງນໍ້າ, ນັ່ງຢູ່ຊັກໂຄກເປັນເວລາດົນ ພ້ອມກັບກັບຫຼິ້ນໂທລະສັບໄປນຳ ໂດຍບໍ່ຄຳນຶກເຖິງຄວາມສ່ຽງທີ່ຈະຕາມມາ. ສໍາລັບໂຣກລິດສີດວງທະວານໜັກ ເກີດຈາກເສັ້ນເລືອດດຳທະວານໜັກ ຫຼື ສ່ວນປາຍສຸດຂອງລໍາໄສ້ໃຫ່ຍເກີດອາການບວມ ຫຼື ຂະຫຍາຍໂຕໃຫ່ຍຂຶ້ນ ມີອາການນູນເປັນຕິ່ງອອກມາຈາກຮູທະວານ ເຮັດໃຫ້ມີອາການເຈັບ ແລະ ຂັບຖ່າຍເປັນເລືອດປະປົນອອກມາ. ນັກວິໄຈພົບວ່າການຫຼິ້ນໂທລະສັບໃນຫ້ອງນໍ້າເປັນປະຈໍາມີຄວາມສ່ຽງເປັນໂຣກລິດສີດວງທະວານ...