spot_img
Homeຂ່າວທ້ອງຖິ່ນສປປ ລາວ ຈະເລີ່ມໃຫ້ບໍລິການຊ່ອງທາງສີຂຽວໃຫ້ກັບພົນລະເມືອງຈີນ

ສປປ ລາວ ຈະເລີ່ມໃຫ້ບໍລິການຊ່ອງທາງສີຂຽວໃຫ້ກັບພົນລະເມືອງຈີນ

Published on

ໜັງສືພິມວຽງຈັນທາຍ ລາຍງານວ່າ ສປປ ລາວ ຈະເລີ່ມໃຫ້ບໍລິການ ຊ່ອງທາງສີຂຽວ ຫຼື ທີ່ເອີ້ນວ່າ Fast Track ໃຫ້ກັບພົນລະເມືອງຈີນ ໂດຍມີໄລຍະເວລາການຈຳກັດບໍລິເວນທີ່ໜ້ອຍມື້ລົງ, ໂດຍຈະນໍາໃຊ້ຫຼາຍມາດຕະການ ເພື່ອຮັກສາຄວາມປອດໄພຈາກການແຜ່ລະບາດຂອງເຊື້ອ ໂຄວິດ-19 ໃນອາທະດໜ້າ.

ທ່ານ ຮສ.ດຣ ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ ໄດ້ກ່າວເມື່ອວັນພຸດທີ່່ຜ່ານມາວ່າ ຈະນຳໃຊ້ມາດຕະກາດໃໝ່ຫຼາຍຢ່າງເພື່ອອຳນວຍຄວາມສະດວກໃນການເດີນທາງສຳລັບຄົນຈີນ.

ຜູ້ທີ່ເຂົ້າມາ ຈາກ ສປ ຈີນ ຈະໃຊ້ເວລາໜ້ອຍລົງ ໃນກາກກັກໂຕ ແລະ ສາມາດ ໄປກັກໂຕໄດ້ ຢູ່ສະຖານ ທີ່ຢູ່ຂອງຕົນເອງ ແທນການໄປກັກໂຕ 14 ມື້ ຕາມສະຖານທີ່ກັກໂຕ ແລະ ໂຮງແຮມ ທີ່ກໍາໜົດໄວ້ ຂອງລັດຖະບານລາວ. ປະຈຸບັນກໍາລັງຢູ່ໃນໄລຍະປຶກສາຫາລືວ່າ ຈະໃຫ້ກັກໂຕຈັກມື້, ພ້ອມຈະມີການພິຈາລະນາ ນໍາໃຊ້ລະບົບ ອີເລັດໂຕຮນິກ ຕິດຕາມຕະຫຼອດ 24 ຊົ່ວໂມງ ວ່າຜູ້ເຂົ້າມາ ສປປ ລາວ ຈະພັກຢູ່ບ່ອນໃດ, ແຕ່ທຸກໆຄົນທີ່ເຂົ້າມາ ຕ້ອງໄດ້ກວດວັດອຸນຫະພູມຮ່າງກາຍ ຂອງຕົນເອງ ທຸກເຊົ້າ ແລະ ແລງ. ນອກຈາກນີ້ ກ່ອນມາເຖິງ ສປປ ລາວ, ຜູ້ເຂົ້າມາທຸກຄົນ ຈາກ ສປ ຈີນ ຕ້ອງມີໃບຢັ້ງຢືນການກວດສອບໂຄວິດ ເປັນລົບ ພາຍໃນລຍະເວລາ 72 ຊົ່ວໂມງກ່ອນເດີນທາງ.

ເຈົ້າໜ້າທີ່ກຳລັງສຶກສາຄວາມເປັນໄປໄດ້ຂອງໄລຍະເວລາການກັກຕົວທີ່ສັ້ນກວ່າປົກກະຕິໂດຍອີງຕາມຄຳແນະນຳຂອງ WHO ບາງປະເທດ ແມ່ນໄດ້ເລີ່ມນໍາໃຊ້ ລະບົບຊ່ອງທາງຂຽວ ແລະ ຫຼຸດເວລາກັກໂຕລົງ ຈາກ 14 ມື້ ເປັນ 10 ມື້ ແລະ ມີບາງປະເທດພຽງ 7 ມື້ເທົ່ານັ້ນ.

ຄະນະປະຕິບັດງານຈະໄດ້ມີການປະຊຸມກັນໃນອີກບໍ່ພໍເທົ່າໃດມື້ຕໍ່ໜ້າ ເພື່ອທົບທວນ ແລະ ແກ້ໄຂມາດຕະການປ້ອງກັນໄວຣັສໃນປັດຸບັນກ່ອນຈະເຮັດການປ່ຽນແປງໃດໆໃນເດືອນພະຈິກ ເຊິ່ງລະຖະບານຈະປັບປຸງມາດຕະການດັ່ງກ່າວໃນແຕ່ລະເດືອນໂດຍອີງຕາມສະຖານະການທີ່ກ່ຽວຂ້ອງກັບໂຣກລະບາດ.

ທ່ານ ຮສ.ດຣ ພູທອນ ເມືອງປາກ ໄດ້ກ່າວຕື່ມອີກວ່າ ຄວາມຕັ້ງໃຈຂອງລັດຖະບານແມ່ນການເປີດປະເທດຄືນເພື່ອຜ່ອນຄາຍຜົນກະທົບຕໍ່ເສດຖະກິດ, ໃນຂະນະທີ່ຮັບປະກັນວ່າເຊື້ອໄວຣັສຈະຖືກຄວບ ຄຸມໄດ້.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...