spot_img
Homeຂ່າວທ້ອງຖິ່ນສາທາລະນະສຸກຮຽກຮ້ອງປະຊາຊົນຢ່າແຕກຕື່ນ ແລະ ຍັງບໍ່ທັນໃຊ້ມາດຕະການປິດເມືອງເທື່ອ

ສາທາລະນະສຸກຮຽກຮ້ອງປະຊາຊົນຢ່າແຕກຕື່ນ ແລະ ຍັງບໍ່ທັນໃຊ້ມາດຕະການປິດເມືອງເທື່ອ

Published on

ອີງຕາມການຖະແຫຼງຂອງຄະນະສະເພາະກິດເພື່ອປ້ອງກັນຄວບຄຸມ ແລະ ແກ້ໄຂພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ ໂຄວິດ-19 ເມື່ອວັນທີ 24 ກໍລະກົດ 2020 ທີ່ນະຄອນຫຼວງວຽງຈັນ, ໂດຍທ່ານ ຮສ.ດຣ.ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ ຢືນຢັນວ່າ ປະເທດລາວໄດ້ກວດພົບຜູ້ຕິດເຊື້ອໂຄວິດ-19 ກໍລະນີທີ 20 ຫຼັງຈາກທີ່ ສປປ ລາວ ສາມາດຄວບຄຸມການລະບາດຂອງໄວຣັດໂຄວິດ-19 ໄດ້ເປັນເວລາ 102ວັນ.

ກ່ຽວກັບມາດຕະການຫຼັງຈາກກວດພົບຜູ້ຕິດເຊື້ອໂຄວິດ-19 ກໍລະນີທີ 20 ຄະນະສະເພາະກິດເພື່ອປ້ອງກັນຄວບຄຸມ ແລະ ແກ້ໄຂພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ ໂຄວິດ-19 ໄດ້ປະຕິບັດດັ່ງນີ້:

1. ເອົາຜູ້ປ່ວຍແຍກປ່ຽວໄປປິ່ນປົວຢູ່ໂຮງໝໍ ພ້ອມຈັດຕັ້ງທີມແພດຕິດຕາມປິ່ນປົວຜູ້ຕິດເຊື້ອ.
2. ຂ້າເຊື້ອຢູ່ຫ້ອງພັກໂຮງແຮມ, ລົດຕູ້, ເຮືອບິນ.
3. ຕິດຕາມຜູ້ສຳຜັດໃກ້ຊິດ 17 ຄົນ ແລະ ກວດຫາເຊື້ອໃຫ້ຜົນລົບ ແຕ່ສືບຕໍ່ກັກຕົວ 14 ມື້ເພື່ອຕິດຕາມອາການ ແລະ ຍັງໄດ້ຈໍາກັດບໍລິເວນຂອງຈຸບິນຂອງຖ້ຽວບິນດັ່ງກ່າວ ເຊິ່ງໄດ້ກວດເຊື້ອຂອງຈຸບິນທັງໝົດ ແຕ່ອອກມາເປັນລົບ.

ທ່ານ ພູທອນ ເມືອງປາກ ຢືນຢັນວ່າ ປັດຈຸບັນຍັງຈະບໍ່ໃຊ້ມາດຕະການປິດເມືອງ ພ້ອມຮຽກຮ້ອງບໍ່ໃຫ້ພໍ່ແມ່ປະຊາຊົນແຕກຕື່ນ ເນື່ອງຈາກເຫດການນີ້ບໍ່ແມ່ນຄື້ນທີ່ 2 ຍ້ອນວ່າມັນບໍ່ມີການແຜ່ເຊື້ອເປັນຈຸ້ມຫາຜູ້ອື່ນ ບໍ່ມີການຂະຫຍາຍເປັນວົງກວ້າງ ມີຜູ້ຕິດເຊື້ອຜູ້ດຽວ ແລະ ໄດ້ຈຳກັດແຍກປ່ຽວຜູ້ດຽວ ພ້ອມຮຽກຮ້ອງໃຫ້ປະຊາຊົນປະຕິບັດຕາມມາດຕະການຂອງທາງກະຊວງສາທາລະນະສຸກຕາມປົກກະຕິ, ຢ່າປະໝາດ ພ້ອມທັງໃສ່ຜ້າປິດປາກທຸກຄັ້ງທີ່ອອກນອກສະຖານທີ່, ການເວັ້ນໄລຍະຫ່າງ, ການລ້າງມືດ້ວຍນໍ້າສະອາດ, ການວັດແທກອຸນຫະພູມ ແລະ ໝັ່ນອານາໄມສະຖານທີ່ ວັດຖຸອຸປະກອນເພື່ອໃຫ້ສະອາດປອດເຊື້ອ.

 

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ຜູ້ນຳສະຫະລັດ ບັນລຸຂໍ້ຕົກລົງກັບຫວຽດນາມ ຈະເກັບພາສີສິນຄ້ານຳເຂົ້າຈາກຫວຽດນາມ 20%

ໂດນັລ ທຣຳ ຜູ້ນຳສະຫະລັດເປີດເຜີຍວ່າ ໄດ້ບັນລຸຂໍ້ຕົກລົງກັບຫວຽດນາມແລ້ວ ໂດຍສະຫະລັດຈະເກັບພາສີສິນຄ້ານຳເຂົ້າຈາກຫວຽດນາມ 20% ຂະນະທີ່ສິນຄ້າຈາກປະເທດທີ 3 ສົ່ງຜ່ານຫວຽດນາມຈະຖືກເກັບພາສີ 40% ສຳນັກຂ່າວບີບີຊີລາຍງານໃນວັນທີ 3 ກໍລະກົດ 2025 ນີ້ວ່າ:...

ປະຫວັດ ທ່ານ ສຸຣິຍະ ຈຶງຮຸ່ງເຮືອງກິດ ຮັກສາການນາຍົກລັດຖະມົນຕີ ແຫ່ງຣາຊະອານາຈັກໄທ

ທ່ານ ສຸຣິຍະ ຈຶງຮຸ່ງເຮືອງກິດ ຮັກສາການນາຍົກລັດຖະມົນຕີ ແຫ່ງຣາຊະອານາຈັກໄທ ສຳນັກຂ່າວຕ່າງປະເທດລາຍງານໃນວັນທີ 1 ກໍລະກົດ 2025, ພາຍຫຼັງສານລັດຖະທຳມະນູນຮັບຄຳຮ້ອງ ສະມາຊິກວຸດທິສະພາ ປະເມີນສະຖານະພາບ ທ່ານ ນາງ ແພທອງທານ...

ສານລັດຖະທຳມະນູນ ເຫັນດີຮັບຄຳຮ້ອງ ຢຸດການປະຕິບັດໜ້າທີ່ ຂອງ ທ່ານ ນາງ ແພທອງ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ເລີ່ມແຕ່ມື້ນີ້ເປັນຕົ້ນໄປ

ສານລັດຖະທຳມະນູນ ເຫັນດີຮັບຄຳຮ້ອງຢຸດການປະຕິບັດໜ້າທີ່ຂອງ ທ່ານ ນາງ ແພທອງທານ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ຕັ້ງແຕ່ວັນທີ 1 ກໍລະກົດ 2025 ເປັນຕົ້ນໄປ. ອີງຕາມເວັບໄຊ້ຂ່າວ Channel News...

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...