spot_img
Homeຂ່າວທ້ອງຖິ່ນຜູ້ອອກແຮງງານທີ່ຖືກປົດອອກຈາກວຽກໃນຊ່ວງໂຄວິດຫາກບໍ່ໄດ້ຮັບຄ່າຈ້າງໃຫ້ສະເໜີຕໍ່ພະແນກແຮງງານ

ຜູ້ອອກແຮງງານທີ່ຖືກປົດອອກຈາກວຽກໃນຊ່ວງໂຄວິດຫາກບໍ່ໄດ້ຮັບຄ່າຈ້າງໃຫ້ສະເໜີຕໍ່ພະແນກແຮງງານ

Published on

ໜັງສືພິມວຽງຈັນທາມ ລາຍງານ ເມື່ອວັນທີ 26 ພຶດສະພານີ້ວ່າ ຜູ້ປະກອບການ ຫຼື ນາຍຈ້າງມີພັນທະໃນການຈ່າຍຄ່າແຮງງານໃຫ້ລູກຈ້າງຂອງຕົນ ແລະ ບໍ່ສາມາດຕັດສິດຜົນປະໂຫຍດຂອງແຮງງານທາງດ້ານສະຫວັດດີການສັງຄົມ ສໍາລັບແຮງງານຜູ້ທີ່ຖືກໂຈະວຽກໃນລະຫວ່າງການລະບາດຂອງພະຍາດໂຄວິດ-19 ພາຍໃຕ້ນະໂຍບາຍແຮງງານປະຈຸບັນ.

ຜູ້ອອກແຮງງານທີ່ຖືກປົດອອກຈາກວຽກຍ້ອນຜົນຂອງການລະບາດຂອງພະຍາດໂຄວິດ-19 ມີສິດທີ່ຈະໄດ້ຮັບເງິນເດືອນ ແລະ ການຊ່ວຍເຫຼືອດ້ານສະຫວັດດີການສັງຄົມ ພາຍໃຕ້ນະໂຍບາຍດ້ານແຮງງານ ແລະ ກົດໝາຍແຮງງານ.

ທ່ານ ພົງໄຊສັກ ອິນທາຣາດ ຫົວໜ້າກົມຄຸ້ມຄອງແຮງງານ ກະຊວງແຮງງານ ແລະ ສະຫວັດດີການສັງຄົມ ໄດ້ກ່າວຕໍ່ສື່ມວນຊົນເມື່ອບໍ່ດົນມານີ້ວ່າ ພາກສ່ວນກ່ຽວຂ້ອງຈະສືບຕໍ່ຊອກຫາວິທີຕ່າງໆ ເພື່ອຊ່ວຍເຫຼືອແຮງງານທີ່ຖືກປົດອອກຈາກວຽກຍ້ອນຜົນຂອງການລະບາດຂອງພະຍາດໂຄວິດ-19 ແລະ ຈະຕອບສະໜອງຄວາມຕ້ອງການອັນຮີບດ່ວນຂອງຜູ້ອອກແຮງງານ.

ທ່ານ ພົງໄຊສັກ ອິນທາຣາດ ກ່າວຕື່ມວ່າ ຖ້າຜູ້ປະກອບການມີການລະເມີດລະບຽບການ ແລະ ນະໂຍບາຍດ້ານແຮງງານຂອງລັດຖະບານໂດຍສະເພາະ ຜູ້ປະກອບການບໍ່ຈ່າຍເງິນເດືອນ ຫຼື ບໍ່ຈ່າຍຄ່າແຮງງານ, ຜູ້ອອກແຮງງານສາມາດຂໍຄວາມຊ່ວຍເຫຼືອຈາກພະແນກແຮງງານ ແລະ ສະຫວັດດີການສັງຄົມ ຂັ້ນແຂວງ ແລະ ເມືອງ, ພ້ອມທັງສູນກາງສະຫະພັນກຳມະບານລາວ. ພ້ອມດຽວກັນ ສິດທິຂອງຜູ້ອອກແຮງງານສາມາດໄດ້ຮັບການຊ່ວຍເຫຼືອໂດຍການເສີມສ້າງກົນໄກກົດໝາຍແຮງງານທີ່ຄວບຄຸມສະຖານະພາບຂອງເຂົາເຈົ້າ.

ນອກນີ້, ຫົວໜ້າກົມຄຸ້ມຄອງແຮງງານ ຍັງໄດ້ຮຽກຮ້ອງມາຍັງຫົວໜ່ວຍແຮງງານໃນທົ່ວປະເທດ ຢ່າສວາຍໂອກາດໃນໄລຍະທີ່ເກີດການລະບາດຂອງພະຍາດໂຄວິດ-19 ເປັນການຍົກເລີກສັນຍາແຮງງານແບບຖາວອນ ແລະ ບໍ່ຄວນຫຼົບຫຼີກການຈ່າຍຄ່າແຮງງານໃຫ້ຜູ້ອອກແຮງງານ ເພາະເປັນການຜິດຕໍ່ນະໂຍບາຍແຮງງານທີ່ລັດຖະບານວາງອອກ.

 

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ສາຍກິນດິບໃຫ້ລະວັງ! ພະຍາດໃບໄມ້ໃນປອດທີ່ເກີດຈາກການກິນດິບ ໂດຍສະເພາະເມນູກຸ້ງເຕັ້ນ ແລະ ປູດິບຈາກແຫຼ່ງນໍ້າຈືດ

ພະຍາດໃບໄມ້ໃນປອດ ເກີດຈາກການກິນອາຫານດິບ ແລະ ສຸຂະອະນາໄມໃນການປຸງແຕ່ງອາຫານ ສາຍກິນດິບຄວນລະວັງ, ເມື່ອບໍ່ດົນມານີ້,ມີກໍລະນີເດັກນ້ອຍອາຍຸ 14 ປີ ຈາກ ສ.ເກົາຫຼີ ທີ່ມັກກິນກຸ້ງສົດ ແລະ ປູສົດນໍ້າຈືດ ມີອາການຫາຍໃຈລໍາບາກ, ໄອມີເສມຫະ...

ເກີດຂຶ້ນ 1 ໃນ 8 ລ້ານ ຕ້ອງໄດ້ທຳການຜ່າອອກດ່ວນ ຍິງຊາວອິນເດຍພົບໂຕອ່ອນມາຢູ່ໃນຕັບ

ຍິງຊາວອິນເດຍມີອາການເຈັບທ້ອງ ຜົນສະແກນ MRI ພົບວ່າມີໂຕອ່ອນມາຢູ່ໃນຕັບ ເຊິ່ງເກີດຂຶ້ນໄດ້ຍາກມີພຽງ 45 ກໍລະນີ ໃນທົ່ວໂລກ ຈາກກໍລະນີຍິງຊາວອິນເດຍ ອາຍຸ 35 ປີ, ທີ່ກຳລັງຖືພາ 12 ອາທິດ...

ຍອດຜູ້ເສຍຊີວິດທະລຸ 1,400 ຄົນ ຈາກເຫດແຜ່ນດິນໄຫວໃນອັບການິສຖານ

ອັບເດດຍອດຜູ້ເສຍຊີວິດຈາກເຫດການແຜ່ນດິນໄຫວໃນອັບການິສຖານ ຄວາມຮຸນແຮງ 6.0 ຣິກເຕີ ຫຼ້າສຸດມີລາຍງານການເສຍຊີວິດເພີ່ມຂຶ້ນເປັນ 1,400 ຄົນ ແລະ ບາດເຈັບອີກຫຼາຍພັນຄົນ. ອີງຕາມສຳນັກຂ່າວຮອຍເຕີລາຍງານໃນວັນທີ 2 ກັນຍາ 2025, ກ່ຽວກັບເຫດການແຜ່ນດິນໄຫວໃນອັບການິສຖານ ເຮັດໃຫ້ມີຍອດຜູ້ເສຍຊີວິດເພີ່ມຂຶ້ນເປັນ...

ຫວຽດນາມ ຈັດພິທີສະຫລອງ 80 ປີ ການປະຕິວັດເດືອນສິງຫາ ແລະ ວັນຊາດ.

ສະເຫຼີມສະຫຼອງຢ່າງຍິ່ງໃຫຍ່! ປະທານປະເທດແຫ່ງ ສປປ ລາວ ເຂົ້າຮ່ວມ ພິທີສະເຫລີມສະຫລອງ 80 ປີ ການປະຕິວັດເດືອນສິງຫາທີ່ສຳເລັດຜົນ ແລະ ວັນຊາດ ສສ ຫວຽດນາມ. ໃນເຊົ້າວັນທີ 2...