spot_img
Homeຂ່າວຕ່າງປະເທດທາງການໝູ່ບ້ານສະເປນຖືກວິຈາກໜັກ ສີດນ້ຳຢາຟອກຂາວເທິງຫາດ ປ້ອງກັນເດັກນ້ອຍຕິດໂຄວິດ-19

ທາງການໝູ່ບ້ານສະເປນຖືກວິຈາກໜັກ ສີດນ້ຳຢາຟອກຂາວເທິງຫາດ ປ້ອງກັນເດັກນ້ອຍຕິດໂຄວິດ-19

Published on

ວັນທີ 29 ເມສາ ສຳນັກຂ່າວ BBC ລາຍງານວ່າ ທາງການໝູ່ບ້ານ ຊາຮາຣາ ເດ ລອສ ອັນຕູເລສ (Zahara de los Atunes) ເມືອງ ກາດິດ (Cadiz) ເມືອງຣີສອດແຄມຝັ່ງທາງໃຕ້ຂອງປະເທດສະເປນ ອອກຄຳຖະແຫຼງຂໍໂທດກໍລະນີໃຊ້ລົດໄຖນາສີດນໍ້າຢາຟອກຂາວເທິງຫາດເປັນໄລຍະທາງຫຼາຍກວ່າ 2 ກິໂລແມັດ ເພື່ອປ້ອງກັນເດັກນ້ອຍຕິດໄວຣັສໂຄວິດ-19 ໜຶ່ງມື້ກ່ອນທີ່ທາງການອະນຸຍາດໃຫ້ເດັກນ້ອຍອອກຈາກບ້ານເປັນເທື່ອທຳອິດ.

ທ່ານ ນາງ ມາເຣຍ ໂຄໂລເຣສ ອິກເລເຊຍ (María Dolores Iglesias) ຫົວໜ້າກຸ່ມອາສາສະໝັກສິ່ງແວດລ້ອມໃນເມືອງ ກາດິດ ໄປຢ້ຽມຢາມໃນໝູ່ບ້ານ ແລ້ວເຫັນສະພາບຄວາມເສຍຫາຍດ້ວຍຕາຕົວເອງ ບອກວ່ານໍ້າຢາຟອກຂາວກຳຈັດທຸກສິ່ງທຸກຢ່າງເທິງພື້ນດິນ ບໍ່ເຫັນຫຍັງເລີຍ ບໍ່ເວັ້ນຮອດໂຕແມງ ທັ້ງທີ່ແຄມຫາດ ແລະ ເນີນຊາຍແຫ່ງນີ້ໄດ້ຮັບການຄຸ້ມຄອງເປັນແຫຼ່ງເພາະພັນ ແລະ ເຮັດຮັງຂອງນົກຈາກຕ່າງຖິ່ນ ນອກຈາກນີ້ຮັງນົກ ໂດຍສະເພາະຮັງທີ່ມີໄຂ່ຖືກລົດໄຖນາທີ່ສີດນໍ້າຢາຂ້າເຊື້ອທຳລາຍດ້ວຍ.

ນາງ ມາເຣຍໄດ້ກ່າວວ່າ ໃນຊ່ວງປິດເມືອງ ສັດປ່າຈະເລີນເຕີບໂຕເທິງແຄມຫາດ ແລະ ແຄມຫາດມີວິທີການທຳຄວາມສະອາດຂອງໂຕເອງຢູ່ແລ້ວ ບໍ່ຈຳເປັນຕ້ອງໄປຂ້າເຊື້ອ ທາງການທ້ອງຖິ່ນບໍ່ຄິດວ່ານີ້ເປັນລະບົບນິເວດສິ່ງທີ່ມີຊີວິດ ແຕ່ຄິດວ່າເປັນພື້ນດິນຂະໜາດໃຫຍ່.

ທ່ານ ອາກຸສຕິນ ໂກເນໂຮ (Agustín Conejo) ເຈົ້າໜ້າທີ່ທ້ອງຖິ່ນຍອມຮັບຄວາມຜິດດັ່ງກ່າວ ແຕ່ຊີ້ແຈງວ່າເຮັດດ້ວຍເຈດຕະນາດີທີ່ສຸດແລ້ວ ເພື່ອປ້ອງກັນເດັກນ້ອຍນ້ອຍທີ່ຈະມີໂອກາດອອກມາທ່ຽວທະເລຫຼັງປິດເມືອງ 6 ອາທິດ ຈັ່ງໃດກໍ່ຕາມ ລັດຖະບານແຄວ້ນອິນດາລູຊີອາ (Andalusian) ເຊິ່ງປົກຄອງເມືອງກາດິດ ກຳລັງພິຈາລະນາລົງໂທດປັບທາງການທ້ອງຖິ່ນທີ່ຂ້າເຊື້ອຫາດຕໍ່ໄປ.

ຮຽບຮຽງໂດຍ: ວະນິດາ

ບົດຄວາມຫຼ້າສຸດ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...