spot_img
Homeຂ່າວທ້ອງຖິ່ນບົດຂ່າວຈາກຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດ COVID-19 ປະຈໍາວັນທີ 24 ມີນາ 2020

ບົດຂ່າວຈາກຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດ COVID-19 ປະຈໍາວັນທີ 24 ມີນາ 2020

Published on

ບົດອອກຂ່າວຂອງຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດ​ອັກ​ເສບ​ປອດ​ທີ່​ເກີດ​ຈາກ​ເຊື້ອຈຸລະ​ໂລກ​ສາຍ​ພັນໃໝ່ COVID-19 ປະຈໍາວັນທີ 24 ມີນາ ປີ2020

ໂດຍ: ຮສ ດຣ. ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ, ຜູ້ປະຈໍາການຄະນະສະເພາະກິດ, ດຣ. ຣັດຕະນະໄຊ ເພັດສຸວັນ, ຫົວໜ້າກົມຄວບຄຸມພະຍາດຕິດຕໍ່, ດຣ. ພອນປະດິດ ສັງໄຊຍະລາດ, ຫົວໜ້າສູນວິເຄາະ ແລະ ລະບາດວິທະຍາ

  1. ສະພາບການ COVID-19 ໃນທົ່ວໂລກ

ມາຮອດເວລາ 24:00 ໂມງເຊົ້າ ຂອງວັນທີ 23 ມີນາ 2020, ທົ່ວໂລກມີລາຍງານກໍລະນີທັງໝົດ 194 ປະເທດ, ກໍລະນີຢັ້ງຢືນຜູ້ຕິດເຊື້ອພະຍາດ COVID-19 ແລ້ວ 377,896 ກໍລະນີ (ເພີ່ມຂື້ນ 42,230 ກໍລະນີ ເກືອບທັງໝົດກໍລະນີໃໝ່ ແມ່ນຢູ່ນອກ ສປ ຈີນ), ເສຍຊິວິດ 16,492 (ເພີ່ມຂື້ນ 1,871 ກໍລະນີ) ແລະ ປີ່ນປົວຫາຍດີ 102,064 (ເພີ່ມຂື້ນ 4,428).  

  1. ສະພາບການເຝົ້າລະວັງ COVID-19 ໃນ ສປປ ລາວ
  2. ມາດຕະການຕໍ່ແຮງລາວ ທີ່ກັບມາຈາກປະເທດໄທ
  • ວັນທີ 23 ມີນາ 2020, ມີແຮງງານລາວ ທີ່ເດີນທາງຜ່ານຊາຍແດນຕິດຈອດກັບ ປະເທດໄທ ແຕ່ເໜືອຮອດໃຕ້ ເປັນຈຳນວນຫຼາຍເຊິ່ງລວມມີ ຜູ້ເດີນທາງເຂົ້າມາທັງໝົດ 26,326 ຄົນ (ລວມມີ ຄົນລາວ, ໄທ, ຫວຽດນາມ), ແຕ່ລະດ່ານໄດ້ມີການເຂັ້ມງວດ ໃນການກັ່ນກອງຊອກຫາຜູ້ມີອາການໄຂ້, ເຊິ່ງພົບວ່າໃນດ່ານຊ່ອງເມັກ ມີຈຳນວນ 07 ຄົນ ທີ່ມີອາການໄຂ້ ແລະ ໄດ້ສົ່ງໄປແຍກປ່ຽວຢູ່ໂຮງໝໍ ເພື່ອຕິດຕາມອາການ ພ້ອມທັງໄດ້ເກັບຕົວຢ່າງ ສົ່ງມາກວດຢູ່ຫ້ອງວິເຄາະ ທັງໝົດແມ່ນບໍ່ພົບເຊື້ອ.
  • ສຳລັບຜູ້ທີ່ບໍ່ມີອາການໄຂ້ ແມ່ນໄດ້ແນະນຳ ວິທີປ້ອງກັນ ແລະ ວິທີຈຳກັດບໍລິເວນຂອງຕົນເອງ ຢູ່ເຮືອນ ພ້ອມທັງ ແຈກຢາຍຄູ່ມືປະຕິບັດຕົນເອງ ແລະ ຜ້າອັດປາກດັງ ກ່ອນຈະອອກເດີນທາງກັບທ້ອງຖິ່ນຂອງຕົນ.
  • ໄດ້ແຈ້ງໃຫ້ອຳນາດການປົກຄອງ ຂອງຜູ້ທີ່ເດີນທາງມາຈາກປະເທດໄທ ໃຫ້ຕິດຕາມ, ກວດກາ, ອຳນວຍຄວາມສະດວກ ໃນການຈັດຕັ້ງປະຕິບັດ ການຈຳກັດບໍລິເວນຕົນເອງ ຈົນຄົບ 14 ວັນ.
  1. ມາດຕະການຕໍ່ຜູ້ທີ່ມີອາການໄຂ້ ສົງໄສຕິດເຊື້ອ COVID-19

ມາຮອດປະຈຸບັນ ມີກໍລະນີສົງໄສຕິດເຊື້ອສະສົມ ທີ່ໄດ້ເກັບຕົວຢ່າງມາກວດທັງໝົດ 131 ກໍລະນີ, ສໍາລັບ ວັນທີ 23 ມີນາ 2020 ມີຈໍານວນ 14 ກໍລະນີ ແລະ ໃຫ້ຜົນກວດພົບວ່າ ຕິດເຊື້ອພະຍາດ COVID-19 ຈຳນວນ 02 ກໍລະນີ.

ກໍລະນີທີ 01: ເພດຍິງ, ອາຍຸ 36 ປີ, ສັນຊາດ: ລາວ, ອາຊີບ: ເປັນຜູ້ນໍາທ່ຽວ ເຊິ່ງຕິດຈາກນັກທ່ອງທ່ຽວຊາວຕ່າງປະເທດ.

ກໍລະນີທີ 02: ເພດຊາຍ, ອາຍຸ 28 ປີ, ສັນຊາດ: ລາວ, ອາຊີບ: ພະນັກງານໂຮງແຮມຄຣາວພລາຊ່າ ເຊິ່ງມີປະຫວັດການເດີນທາງໄປປະຊຸມ ທີ່ບາງກອກ, ປະເທດໄທ.

ປະຈຸບັນທັງ 02 ກໍລະນີ ໄດ້ເຂົ້າຮັບການແຍກປ່ຽວ ແລະ ປິ່ນປົວຢູ່ໂຮງໝໍມິິດຕະພາບ, ອາການທົ່ວໄປຂອງພວກກ່ຽວຢູ່ໃນສະພາບດີ ແລະ ໄດ້ຮັບການເອົາໃຈໃສ່ຕິດຕາມຢ່າງໃກ້ຊິດ ຈາກພະນັກງານແພດ, ພະຍາບານ ແລະ ຜູ້ຮັບຜິດຊອບອຳນວຍຄວາມສະດວກດ້ານຕ່າງໆ.

  • ທີມງານເຝົ້າລະວັງຍັງສືບຕໍ່ຄົ້ນຫາ ຜູ້ສຳຜັດໃກ້ຊິດຂອງທັງ 02 ກໍລະນີ ເພື່ອປະຕິບັດມາດຕະການຈໍາກັດບໍລິເວນ ແລະ ເຝົ້າລະວັງອາການຂອງພະຍາດ.
  • ໄດ້ສົ່ງທີມງານລົງປະຕິບັດ ຫຼັກການອະນາໄມຂ້າເຊື້ອຢູ່ໂຮງແຮມ, ສະຖານທີ່ພັກເຊົາຂອງພວກກ່ຽວ.
  1. ຮຽກຮ້ອງໃຫ້ພາກສ່ວນກ່ຽວຂ້ອງໃຫ້ຄວາມຮ່ວມມື ເພື່ອເກັບກຳຂໍ້ມູນລະອຽດ ແລະ ສືບຕໍ່ປະຕິບັດມາດຕະການຕ່າງໆ

ບົດຄວາມຫຼ້າສຸດ

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...