spot_img
Homeຂ່າວທ້ອງຖິ່ນການເອີ້ນນາມ ຈົວ ແລະ ພຣະ?

ການເອີ້ນນາມ ຈົວ ແລະ ພຣະ?

Published on

ພຣະພຸດທະສາສະໜາເປັນສາສະໜາທີ່ຄົນລາວສ່ວນຫຼາຍໃຫ້ການນັບຖື ແລະ ໄດ້ມີການກຳນົດລະດັບຊັ້ນ ຂັ້ນຂອງຜູ້ທີ່ມີຖານະເປັນຜູ້ສືບທອດພຣະພຸດທະສາສາະໜາ ແລະ ຜູ້ຊົງສິນທີ່ສາມາດເທດສະໜາສັ່ງສອນປະຊາຊົນໃຫ້ປະພຶດຕົນຢູ່ໃນທາງທີ່ຊອບ ຊຶ່ງລຳດັບຊັ້ນນັ້ນແມ່ນອີງໃສ່ພັນສາທີ່ເຂົ້າບວດ ຜູ້ທີ່ບວດຫຼາຍພັນສາກໍຈະເປັນຜູ້ທີ່ມີຂັ້ນໃຫຍ່ ບໍ່ວ່າຈະເປັນ ຈົວ ຫຼື ພຣະ ກໍຕາມ ສັງເກດງ່າຍໆກໍຄືໃນເວລາບິນທະບາດ ພຣະທີ່ຍ່າງນຳໜ້າຂະບວນຄືພຣະທີ່ມີພັນສາ ຫຼື ພຣະທີ່ມີຍົດສູງກວ່າພຣະອົງອື່ນໆ.

ຕາມການໃຫ້ຂໍ້ມູນຂອງພໍ່ຕູ້ຈັນນັນ ມັກກະທາຍົກປະຈຳວັດຫາດຊາຍຂາວ ແລະ ວັດສຸທາວາດ (ບ້ານສົມຫວັງເໜືອ) ໄດ້ໃຫ້ຂໍ້ມູນກ່ຽວກັບເລື່ອງນີ້ວ່າ ການບວດຈົວຕາມຫຼັກການແລ້ວຜູ້ທີ່ຈະບວດແມ່ນຕ້ອງມີອາຍຸແຕ່ 10 ປີຂຶ້ນໄປ (ແຕ່ອີງໃສ່ສະພາບຕົວຈິງ ແລະ ຄວາມສະໝັກໃຈຂອງເດັກ ແລະ ຜູ້ປົກຄອງ ຊຶ່ງອາຍຸຕໍ່າກວ່າ 10 ປີກໍສາມາດບວດຈົວໄດ້) ການບວດພຣະແມ່ນຕ້ອງມີອາຍຸ 20 ປີຂຶ້ນໄປ.

  • ການບວດຈົວສາມາດບວດໄດ້ໂດຍພຣະໃນວັດ ແລະ ຍາດພີ່ນ້ອງ.
  • ການບວດພຣະແມ່ນຕ້ອງນິມົນພຣະຕາມວັດຕ່າງໆທີ່ຢູ່ໃນເຂດນັ້ນມາຮ່ວມ ແລະ ຈຳນວນພຣະທີ່ນິມົນມາກໍອີງໃສ່ກຳລັງ ແລະ ສັດທາຂອງຕົນ.

ພຣະທີ່ບວດແລ້ວກ່ອນຈະປ່ຽນສະຖານະກາຍເປັນສົມເດັດ ຍາຊາ ຍາຄູ ຫຼື ພຣະລູກແກ້ວ ຕ້ອງມີຄຸນງາມຄວາມດີ ໂດຍພໍ່ອອກແມ່ອອກເຫັນຄຸນງາມຄວາມດີເປັນຝ່າຍບວດຫົດໃຫ້ ພຣະອົງນັ້ນຈຶ່ງໄດ້ຮັບການເລື່ອນຂັ້ນສູງຂຶ້ນຕາມລຳດັບ.

ພຣະປະກອບມີ 4 ຂັ້ນຫາກຜ່ານການບວດຫົດແລ້ວ
ບວດຫົດເທື່ອທີ 1: ເອີ້ນວ່າ ສົມເດັດ
ບວດຫົດເທື່ອທີ 2: ເອີ້ນວ່າ ຍາຊາ
ບວດຫົດເທື່ອທີ 3: ເອີ້ນວ່າ ຍາຄູ
ບວດຫົດເທື່ອທີ 4: ເອີ້ນວ່າ ພຣະລູກແກ້ວ

ການຖືສິນຂອງພຣະ ແລະ ຜູ້ຮັກສາສາສິນມີດັ່ງນີ້:

  • ແມ່ຂາວຖືສິນ 8
  • ຈົວຖືສິນ 10
  • ພຣະຖືສິນ 227

ບົດໂດຍ: ບຸດສະດີ ສາຍນໍ້າມັດ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...