spot_img
Homeຂ່າວຕ່າງປະເທດຜົນວິໄຈຊີ້ ຄົນຂີ້ລືມບໍ່ແມ່ນຄົນໂງ່!

ຜົນວິໄຈຊີ້ ຄົນຂີ້ລືມບໍ່ແມ່ນຄົນໂງ່!

Published on

ສອງນັກວິໄຈຈາກມະຫາວິທະຍາໄລໂທຣອນໂຕ ປະເທດການາດາ Paul Frankland ແລະ Blake Richards ໄດ້ລະບຸວ່າ ຄົນທີ່ມີນິດໄສຫຼົງໆລືມໆບໍ່ແມ່ນຄົນໂງ່ ແຕ່ຄົນປະເພດນີ້ແມ່ນເປັນຄົນທີ່ສະຫຼາດ ໂດຍທັງສອງໄດ້ສຶກສາຄົ້ນຄວ້າກ່ຽວກັບເລື່ອງກົນໄກການເຮັດວຽກຂອງສະໝອງໃນສ່ວນທີ່ກ່ຽວພັນກັບຄວາມຈື່ຈຳຊຶ່ງພົບວ່າ ອາການຂີ້ລືມບໍ່ໄດ້ເກີດຈາກປະສິດທິພາບໃນການເອີ້ນຄືນຂໍ້ມູນທີ່ຫຼົ້ມແຫຼວ ແຕ່ມັນເປັນຂະບວນການທີ່ຈະຊ່ວຍໃຫ້ສະໝອງສາມາດຕັດສິນໃຈໄດ້ຢ່າງລະອຽດຮອບຄອບ ແລະ ມີປະສິດ ທິພາບກວ່າເກົ່າ.

ທັງນີ້ ເລື່ອງທີ່ສຳຄັນທີ່ສຸດກໍຄື ສະໝອງຂອງມະນຸດຄວນລືມ ຫຼື ຕັດລາຍລະອຽດເລັກໆນ້ອຍໆທີ່ບໍ່ຈຳເປັນອອກໄປຈາກສະໝອງ ແລະ ໃຫ້ຄວາມສົນໃຈ ຫຼື ໃຫ້ຄວາມສຳຄັນກັບເລື່ອງທີ່ຈຳເປັນ ຫຼື ເລື່ອງທີ່ຕ້ອງຕັດສິນໃຈໃນຊ່ວງເວລາຂະນະນັ້ນແທນ ຈາກຜົນການວິໄຈດັ່ງກ່າວສະແດງໃຫ້ເຫັນວ່າ ສະໝອງຂອງເຮົາໆທ່ານໆມີກົນໄກບາງຢ່າງທີ່ສະໜັບສະໜູນໃຫ້ເກີດອາການຫຼົງໆລືມໆ ຊຶ່ງມັນມີຄວາມແຕກຕ່າງຈາກກົນໄກຂອງສະໝອງທີ່ກ່ຽວຂ້ອງກັບການບັນທຶກຂໍ້ມູນຕ່າງໆ ແລະ ປະໂຫຍດຂອງກົນໄກຊະນິດນີ້ກໍຄື ເຮັດໃຫ້ຄົນທີ່ຂີ້ລືມມີຄວາມຄິດທີ່ສະຫຼາດນັ້ນເອງ.

ຢ່າງາໃດກໍຕາມ ສອງນັກວິໄຈໄດ້ກ່າວຕື່ມວ່າ ຜົນງານວິໄຈຂອງເຂົາເຈົ້າແມ່ນໝາຍເຖິງຄົນທີ່ມີນິດໄສຂີ້ລືກເລັກນ້ອຍເທົ່ານັ້ນ ບໍ່ໄດ້ໝາຍເຖິງຄົນທີ່ມີອາການຫຼົງໆລືມໆຢ່າງໜັກ ເພາະອາການດັ່ງກ່າວຖືເປັນອາການປ່ວຍ ຫຼື ເປັນອາການຂອງພະຍາດຄວາມຈຳເສື່ອມຊຶ່ງບໍ່ກ່ຽວຂ້ອງກັບຜົນວິໄຈ ແຕ່ກໍຄວນໄດ້ຮັບການປິ່ນປົວຢ່າງຖືກວິທີກໍຈະຊ່ວຍໃຫ້ອາການຄ່ອຍໆດີຂຶ້ນ.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: postjung

ບົດຄວາມຫຼ້າສຸດ

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄຂຂຶ້ນຢ່າງເປັນທາງການ

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປີດຂຶ້ນໃນວັນທີ 21 -...

ກຳນົດຈັດງານ 5 ວັນ ບຸນນະມັດສະການພຣະທາດຫຼວງວຽງຈັນ ຈະຈັດຂຶ້ນໃນລະຫວ່າງວັນທີ 1-5 ພະຈິກ 2025

ໃນວັນທີ 21 ຕຸລາ 2025 ພິທີຖະແຫຼງຂ່າວ ງານປະເພນີບຸນນະມັດສະການ ພຣະທາດຫຼວງ ແລະ ງານວາງສະແດງສິນຄ້າ ປະຈຳປີ ຄສ 2025 ຈັດຂຶ້ນ ທີ່ເດີ່ນພຣະທາດຫຼວງວຽງຈັນ...

ຍີ່ປຸ່ນ ຊ່ວຍເຫຼືອລ້າໂຄງການເກັບກູ້ລະເບີດບໍ່ທັນແຕກ ຢູ່ແຂວງ ຈຳປາສັກ ສາລະວັນ ແລະ ເຊກອງ ມູນຄ່າ 4,5 ລ້ານໂດລາສະຫະລັດ

ລັດຖະບານຍີ່ປຸ່ນສືບຕໍ່ໃຫ້ການຊ່ວຍເຫຼືອວຽກງານ ລບຕ ຢູ່ພາກໃຕ້ຂອງລາວ ໃນວັນທີ 20 ຕຸລາ 2025 ທີ່ນະຄອນຫຼວງວຽງຈັນ ສປປ ລາວ ກະຊວງການຕ່າງປະເທດ ຮ່ວມກັບ ສະຖານເອກອັກຄະລັດຖະທູດຍີ່ປຸ່ນ ປະຈໍາລາວ ໄດ້ຈັດພິທີລົງນາມເອກະ...