Homeຂ່າວພາຍ​ໃນງານລ້ຽງສະເຫຼີມສະຫຼອງການຂຶ້ນຄອງລາດຂອງ ສົມເດັດພະເຈົ້າຈັກກະພັດ ນາຣຸຮິໂຕະ

ງານລ້ຽງສະເຫຼີມສະຫຼອງການຂຶ້ນຄອງລາດຂອງ ສົມເດັດພະເຈົ້າຈັກກະພັດ ນາຣຸຮິໂຕະ

Published on

ງານລ້ຽງໄດ້ຖືກຈັດຂຶ້ນໂດຍ ພະນະທ່ານ ທາເຄຊິ ຮິຄິຮາຣະ, ເອກອັກຄະຣາຊະຍີ່ປຸ່ນ ປະຈໍາ ສປປ ລາວ, ໃນວັນທີ 23 ພຶດສະພາ 2019 ທີ່ບ້ານທູດຍີ່ປຸ່ນ ໃນ ນະຄອນຫຼວງວຽງຈັນ, ເພື່ອສະເຫຼີມສະຫຼອງການຂຶ້ນຄອງລາດຂອງ ສົມເດັດພະເຈົ້າຈັກກະພັດຍີ່ປຸ່ນ ນາຣຸຮິໂຕະ ໃນວັນທີ 1 ພຶດສະພາ 2019.

ເຂົ້າຮ່ວມງານລ້ຽງດັ່ງກ່າວປະກອບມີ ພະນະທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ; ພະນະທ່ານນາງ ແສງເດືອນ ຫຼ້າຈັນທະບູນ, ລັດຖະມົນຕີກະຊວງສຶກສາທິການ ແລະ ກິລາ, ປະທານສະມາຄົມມິດຕະພາບ ລາວ-ຍີ່ປຸ່ນ; ພະນະທ່ານນາງ ເຂັມມະນີ ພົນເສນາ, ລັດຖະມົນຕີກະຊວງອຸດສະຫະກໍາ ແລະ ການຄ້າ; ພະນະທ່ານ ເຄນທອງ ນວນທະສິງ, ຮອງປະທານຄະນະກໍາມາທິການຕ່າງປະເທດ, ປະທານຄະນະມິດຕະພາບລັດຖະສະພາ ລາວ-ຍີ່ປຸ່ນ; ພະນະທ່ານ ປອນເມກ ດາລາລອຍ, ອະດີດປະທານສະມາຄົມມິດຕະພາບ ລາວ-ຍີ່ປຸ່ນ; ແລະ ແຂກຜູ້ມີກຽດຈາກທັງພາກລັດ ແລະ ເອກະຊົນ.

ໃນບົດກ່າວເປີດງານ, ທ່ານທູດ ຮິຄິຮາຣະ ໄດ້ແນະນໍາກ່ຽວກັບຍຸກສະໄໝໃໝ່ທີ່ຊື່ວ່າ ‘Reiwa,’ ເຊິ່ງມີຄວາມໝາຍວ່າ ‘ຄວາມສາມັກຄີອັນສວຍສົດງົດງາມ,’ ແລະ ໄດ້ອະທິບາຍວ່າຊື່ດັ່ງກ່າວແມ່ນໄດ້ມາຈາກບົດກາບກອນໃນປຶ້ມ Manyoshu, ໜັງສືທີ່ລວບລວມກາບກອນທີ່ເກົ່າແກ່ທີ່ສຸດຂອງ ຍີ່ປຸ່ນ ທີ່ມີອາຍຸຫຼາຍກວ່າ 1,200 ປີ.

ຕໍ່ມາ, ທ່ານທູດຍັງໄດ້ກ່າວກ່ຽວກັບປະຫວັດສາດອັນອຸດົມສົມບູນຂອງ ຍີ່ປຸ່ນ​ ແລະ ສາຍພົວພັນສອງຝ່າຍຮ່ວມກັບ ສປປ ລາວ ທີ່ໄດ້ຮັບການເສີມຂະຫຍາຍຢ່າງຕໍ່ເນື່ອງມາຕະຫຼອດໄລຍະເວລາ 30 ປີໃນຍຸກສະໄໝ Heisei, ພາຍໃຕ້ ອະດີດສົມເດັດພະເຈົ້າຈັກກະພັດອົງກ່ອນ. ຍັງມີການເນັ້ນໜັກໃຫ້ເຫັນເຖິງຄວາມສໍາຄັນຂອງການແລກປ່ຽນຢ້ຽມຢາມ ສປປ ລາວ ຫຼາຍຄັ້ງຂອງ ລາດຊະວົງຍີ່ປຸ່ນ, ອັນລວມມີການສະເດັດຢ້ຽມຢາມ ລາວ ໃນປີ 2012 ຂອງ ສົມເດັດພະເຈົ້າຈັກກະພັດ ນາຣຸຮິໂຕະ, ແລະ ອົງມົງກຸດຣາຊະກຸມມານ ອາກິຊິໂນະ ທີ່ຊົງສະເດັດມາຢ້ຽມຢາມ ລາວ ເຖິງ 3 ຄັ້ງນັບຕັ້ງແຕ່ປີ 1999.

ສຸດທ້າຍ, ທ່ານທູດໄດ້ອວຍພອນໃຫ້ສາຍພົວພັນສອງຝ່າຍ ແລະ ຄວາມສາມັກຄີລະຫວ່າງປະຊາຊົນລາວ ແລະ ຍີ່ປຸ່ນ ຈົ່ງແໜ້ນແຟ້ນຍິ່ງຂຶ້ນ ຕາມຄວາມໝາຍທີ່ສື່ບອກໃນຊື່ຂອງຍຸກສະໄໝໃໝ່ ‘Reiwa.’ ທ່ານທູດຍັງໄດ້ຖືໂອກາດຂອບໃຈລັດຖະບານລາວ, ທູຕານຸທູດ, ຄົນຍີ່ປຸ່ນໃນລາວ ແລະ ປະຊາຊົນລາວທຸກຄົນທີ່ຮ່ວມລົງນາມສະແດງຄວາມຍິນດີຕໍ່ວາລະອັນພິເສດນີ້.

 

 

 

 

ແຫຼ່ງຂໍ້ມູນ: ສະຖານທູດ ຍີ່ປຸ່ນ ແຫ່ງ ສປປ ລາວ.

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...