ການປະກາດຂອງ ເຈຟ ເບຊອສ ຊຶ່ງເປັນບຸກຄົນທີ່ຮັ່ງມີທີ່ສຸດໃນໂລກທີ່ໄດ້ປະກາດກ່ຽວກັບໂຄງການໄຄເປີ (Project Kuiper) ຊຶ່ງກໍຄືໂຄງການທີ່ຈະນຳເອົາດາວທຽມຈຳນວນ 3.236 ດວງຂຶ້ນສູ່ວົງໂຄຈອນເພື່ອໃຫ້ບໍລິການອິນເຕີເນັດຜ່ານດາວທຽມທີ່ມີຄວາມໄວທີ່ສູງທີ່ສຸດ ແລະ ຈະຖືກສົ່ງໄປທົ່ວໂລກ ທັງນີ້ ການປະກາດດັ່ງກ່າວນອກຈາກຈະສ້າງກະແສຮືຮາກ່ຽວກັບຄວາມທັນສະ ໄໝ ແລະ ກ້າວກະໂດດໃນດ້ານເຕັກໂນໂລຊີແລ້ວ ມັນຍັງກາຍເປັນເລື່ອງທີ່ທຸກຄົນຄວນໃຫ້ຄວາມສຳຄັນ ແລະ ວິຕົກກັງວັນດ້ານອຸດສາຫະກຳອະວະກາດອີກດ້ວຍ.
ຂະນະທີ່ ເບຊອສ ກໍໄດ້ກຽມພ້ອມປະຕິບັດໂຄງການດ່ັ່ງກ່າວ ແຕ່ກໍມີຄູ່ແຂ່ງອີກຫຼາຍບໍລິສັດ ບໍ່ວ່າຈະເປັນບໍລິສັດ ວັນເວຟ (OneWeb) ທີ່ມີແຜນຈະສ້າງດາວທຽມ 2 ດວງໃນຊ່ວງລະດູຮ້ອນນີ້ຢູ່ທີ່ລັດຟໍຣລິດາ ສະຫະລັດອາເມຮິກາ ນອກນີ້ ກໍມີບໍລິສັດ ສະເປຊເອັກສ ຂອງມະຫາເສດຖີຄື ອີລອນ ມັສ ທີ່ໄດ້ຮັບອະນຸຍາດໃຫ້ສົ່ງດາວທຽມ 12.000 ດວງເຂົ້າສູ່ວົງໂຄຈອນທີ່ລະດັບຄວາມສູງຫຼາຍລະດັບເມື່ອບໍ່ດົນມານີ້ໃນຊື່ເຄືອຂ່າຍອິນເຕີເນັດຜ່ານດາວທຽມ ສະຕາຣລິງ ຄອນສເທລເລເຊິນ (Starlink Constellation).
ຂະນະດຽວກັນ ກໍມີການຄາດຄະເນຈາກບັນດານັກວິເຄາະຊື່ດັງຫຼາຍທ່ານວ່າ ສັນຍານອິນເຕີເນັດທີ່ສົ່ງມາຈາກອະວະກາດຈະມີຄວາມສຳຄັນສຳລັບໂຊນແຍກຫຼາຍກວ່າການໃຊ້ງານໃນເຂດຕົວເມືອງ ຊຶ່ງຜູ້ໃຊ້ບໍລິການອິນເຕີເນັດຈະມີການເຊື່ອມຕໍ່ດ້ວຍສາຍໃຍແກ້ວ ນຳແສງ ຫຼື ສາຍເຄເບິລ ແລະ ນີ້ກໍຖືເປັນການແຂ່ງຂັນທີ່ດຸເດືອດ ແລະ ໜ້າຕິດຕາມ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: ໄທຣັດ