spot_img
Homeສຸຂະພາບ ແລະ ສີ່ງແວດລ້ອມທົ່ວປະເທດມີຜູ້ຕິດເຊື້ອໄຂເລືອດອອກຫຼາຍກວ່າ 1400 ຄົນ ແຕ່ຍັງບໍ່ມີຜູ້ເສຍຊີວິດ

ທົ່ວປະເທດມີຜູ້ຕິດເຊື້ອໄຂເລືອດອອກຫຼາຍກວ່າ 1400 ຄົນ ແຕ່ຍັງບໍ່ມີຜູ້ເສຍຊີວິດ

Published on

 

ຕາມການລາຍງານຂອງໜ່ວຍງານເຝົ້າລະວັງພະຍາດ ກະຊວງສາທາລະນະສຸກ ໃນວັນທີ 1 ຕຸລານີ້ໃຫ້ຮູ້ວ່າ: ມາຮອດ

ປັດຈຸບັນທົ່ວປະເທດມີຜູ້ຕິດເຊື້ອໄຂ້ເລືອດອອກແລ້ວ 1491 ກໍລະນີ, ແຕ່ຍັງບໍ່ມີຜູ້ເສຍຊີວິດ ໂດຍຈຳນວນຜູ້ຕິດເຊື້ອ

ດັ່ງກ່າວ ເປັນຈຳນວນສະສົມນັບແຕ່ທ້າຍເດືອນທັນວາ 2013 ເປັນຕົ້ນມາ, ໃນນີ້ແຂວງທີ່ມີຜູ້ຕິດເຊື້ອຫຼາຍກວ່າໝູ່

ແມ່ນສາລະວັນ 298 ກໍລະນີ, ອັດຕະປື 291 ກໍລະນີ, ເຊກອງ 191 ກໍລະນີ, ວຽງຈັນ 179 ກໍລະນີ, ນະຄອນຫຼວງວຽງຈັນ

136 ກໍລະນີ, ຈຳປາສັກ 99 ກໍລະນີ, ອຸດົມໄຊ 93 ກໍລະນີ, ຄຳມ່ວນ 62 ກໍລະນີ, ບໍລິຄຳໄຊ 50 ກໍລະນີ, ຫຼວງພະບາງ 33

ກໍລະນີ, ໄຊຍະບູລີ 18 ກໍລະນີ, ສະຫວັນນະເຂດ 15 ກໍລະນີ, ສ່ວນແຂວງຫຼວງນ້ຳທາ, ໄຊສົມບຸນ, ຜົ້ງສາລີ ແລະ ແຂວງ

ບໍ່ແກ້ວ ກໍມີກໍລະນີຜູ້ຕິດເຊື້ອເຊັ່ນດຽວກັນ ແລະ ບາງແຂວງຍັງບໍ່ມີລາຍງານກໍລະນີຜູ້ຕິດເຊື້ອ, ແຕ່ເຖິງຢ່າງດເມື່ອ

ທຽບໃສ່ປີຜ່ານມາແລ້ວ ຖືວ່າຍັງບໍ່ມີການລະບາດໃຫຍ່ຂອງເຊື້ອໄຂ້ເລືອດອອດແຕ່ຢາງໃດ, ຊຶ່ງເປັນພຽງຈຳນວນຜູ້

ຕິດເຊື້ອສະສົມມາແຕ່ຕົ້ນປີເທົ່ານັ້ນ, ທັງນີ້ກໍຍ້ອນປະຊາຊົນເອົາໃຈໃສ່ປະຕິບັດຕາມຄຳແນະນຳຂອງສາທາຢ່າງເຂັ້ມ

ງວດ ໂດຍສະເພາະແມ່ນປະຕິບັດຕາມ ຫຼັກ 5 ປ ທີ່ກະຊວງສາທາລະນະສຸກວາງອອກຄື: 1. ປິດຝາພາຊະນະທີ່ມີນ້ຳໃນ

ເຮືອນ ແລະ ນອກເຮືອນ ເພື່ອບໍ່ໃຫ້ຍຸງມາໄຂ່ ໃສ່, 2. ປ່ຽນນ້ຳ ແລະ ຜັດຖູພາຊະນະເຊັ່ນ: ເຕົ້າດອກໄມ້, ນ້ຳຮອງຕີນຕູ້,

ຖ້ານຮອງຈອກນ້ຳ, 3. ປ່ອຍປາຫາງນົກຍຸງ ເພື່ອກິນໜອນນ້ຳຍຸງລາຍ, 4. ປັບປຸງບໍ່ໃຫ້ມີນ້ຳຄ້າງຂັງກະໂປະ, ກະປອງ,

ຮາງລິນ, ຢາງຕີນລົດເກົ່າ, 5. ປະຕິບັດເປັນປະຈຳທຸກອາທິດ ແລະ ຖ້າເປັນໄຂ້ໃຫ້ໄປປິ່ນປົວຢູ່ໂຮງໝໍ ຫຼື ສຸກສາລາໄກ້

ບ້ານ, ດັ່ງນັ້ນອີກ ເທື່ອໜຶ່ງສາທາຈຶ່ງແນະນຳໃຫ້ທຸກຄົນສືບຕໍ່ເຝົ້າລະວັງ ແລະ ປະຕິບັດຫຼັກ 5 ປ ເປັນປະຈຳຈົນກວ່າ

ທຸກແຂວງຈະບໍ່ມີຈຳນວນຜູ້ຕິດເຊື້ອໄຂເລືອດອອກ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...