ການແຂ່ງຂັນບານໂລກ 2018 ເດີນທາງມາຮອບຮອງຊະນະເລີດແລ້ວ ໂດຍເຫຼືອພຽງ 4 ທີມສຸດທ້າຍເທົ່ານັ້ນ ເປັນການພົບກັນລະຫວ່າງ ຝຣັ່ງ ກັບ ເບລຢຽມ ແລະ ຄູ່ທີສອງລະຫວ່າງ ໂຄຣເອເຊຍ ພົບກັບ ອັງກິດ
ຖືເປັນເລື່ອງເກີດຄາດບໍ່ໜ້ອຍເມື່ອມີ 2 ທີມນ້ອງໃໝ່ຜ່ານເຂົ້າຮອບມາຮອດຮອບ 4 ທີມ ຢ່າງ ເບລຢຽມ ແລະ ໂຄຣເອເຊຍ ເພາະທີມໃຫຍ່ໆທີ່ຫຼາຍຄົນຄາດຫວັງໄວ້ຕ່າງຕົກເຮ່ຍກັບບ້ານກ່ອນໄປຕາມໆກັນ
ສ່ວນຝຣັ່ງ ແລະ ອັງກິດ ທີ່ຮ່າງຈາກການເປັນແຊັ້ມມາເປັນເວລາດົນນານໃນປີນີ້ພວກເຂົາຈະສາມາດຄວ້າແຊັ້ມໄດ້ຫຼືບໍ່ ແມ່ນຕ້ອງມາລຸ້ນກັນ ເຊິ່ງຝຣັ່ງເຄີຍໄດ້ແຊັ້ມບານໂລກຄັ້ງສຸດທ້າຍຄືປີ 1998 ຫຼື 20ປີຜ່ານມາ ສ່ວນອັງກິດແມ່ນໄດ້ແຊັມບານໂລກເມື່ອປີ 1966 ຫຼື 52ປີຜ່ານມາ
ໂປຣແກຣມການແຂ່ງຂັນຮອບຮອງຊະນະເລີດ ບານໂລກ 2018
ວັນທີ 10 ກໍລະກົດ 2018, ເວລາ: 01.00 ໂມງ “ຝຣັ່ງ” ພົບ “ເບລຢຽມ”
ວັນທີ 11 ກໍລະກົດ 2018, ເວລາ: 01:00 ໂມງ “ໂຄຣເອເຊຍ” ພົບ “ອັງກິດ”