ສຳນັກຂ່າວຕ່າງປະເທດລາຍງານວ່າ ລັດຖະມົນຕີວ່າການກະຊວງການຕ່າງປະເທດຟີລິບປິນ ອະລັນ ປີເຕີ ກາເຢຕາໂນ ອອກມາໂຕ້ແຍ້ງຂໍ້ກ່າວຫາທີ່ວ່າ ລັດຖະບານຂອງ ໂຣດຣິໂກ ດູເຕີເຕ ມີນະໂຍບາຍອ່ອນຂໍ້ໃຫ້ຈີນໂດຍປ່ອຍໃຫ້ເສີມຂະຫຍາຍກຳລັງທະຫານໃນທະເລຈີນໃຕ້ ລະບຸວ່າ ປະທານາທິບໍດີຂີດເສັ້ນແດງໄວ້ແລ້ວວ່າຈະເກີດສົງຄາມ ຫາກຈີນຂຸດຊັບພະຍາກອນທຳມະຊາດໃນທະເລດັ່ງກ່າວແຕ່ພຽງຝ່າຍດຽວ ‘ຈີນເວົ້າເຖີງເສັ້ນແດງ ເຮົາກໍເວົ້າເຖີງເສັ້ນແດງ’ ປະທານາທິບໍດີກ່າວໄວ້, ຫາກໃຜກໍຕາມໄດ້ຊັບພະຍາກອນທຳມະຊາດໃນທະເລຟີລິບປິນ ຫລື ທະເລຈີນໃຕ້ ເຂົາຈະກໍ່ສົງຄາມກັບປະເທດນັ້ນໆທັນທີ.
ອະລັນ ປີເຕີ ກາເຢຕາໂນ ກ່າວໃນພິທີດືງທຸງຂື້ນສູ່ຍອດເສົາທີ່ຕຶກກະຊວງການຕ່າງປະເທດ ເມື່ອວັນຈັນທີ 28 ພຶດສະພາ ທີ່ຜ່ານມາວ່າ ລັດຖະບານຟີລິບປິນໃນລະບອບດູເຕີເຕ ທີ່ຮັບຕຳແຫນ່ງປະທານາທິບໍດີໃນປີ 2016 ແມ່ນໄດ້ຫລຸດຜ່ອນການນຳໃຊ້ການໂຈມຕີຈີນເລື່ອງຂໍ້ພິພາກໃນທະເລຈີນໃຕ້ລົງ ດູເຕີເຕເຖີງຂັ້ນປະກາດເມື່ອເດືອນເມສາ ວ່າ ເຂົາຮັກປະທານາທິບໍດີ ສີ ຈີ້ນ ຜິງ ຈົນຖືກຫລາຍຄົນກ່າວຫາວ່າອອ່ນຂໍ້ໃຫ້ຈີນຫລາຍເກີນໄປ ຢ່າງໃດກໍຕາມຄວາມຕືງຄຽດເລື່ອງຂໍ້ພິພາກທະເລຈິນໃຕ້ແມ່ນເພີ່ມສູງຂື້ນເລື້ອຍໆໃນອາທິດທີ່ຜ່ານມາ ຫລັງກອງທັບຈີນສົ່ງເຮືອບິນຖີ້ມລະເບີດໄປລົງຈອດເທີງເກາະທຽມທີ່ພວກເຂົາຖົມໄວ້ໃນທະເລຈີນໃຕ້ເປັນຄັ້ງທຳອິດ.
ແຫລ່ງຂ່າວຕ່າງປະເທດ: TRN