spot_img
Homeຂ່າວຕ່າງປະເທດເກົາຫຼີເໜືອຈະບໍ່ລົມກັບສະຫະລັດ ຖ້າຖືກກົດດັນພຽງຝ່າຍດຽວ

ເກົາຫຼີເໜືອຈະບໍ່ລົມກັບສະຫະລັດ ຖ້າຖືກກົດດັນພຽງຝ່າຍດຽວ

Published on

ສຳນັກຂ່າວຕ່າງປະເທດລາຍງານຈາກນະຄອນຫຼວງໂຊລ ປະເທດເກົາຫຼີໃຕ້ ເມື່ອວັນທີ 16 ພຶດສະພາ 2018ວ່າ ຂ່າວກາງເກົາຫຼີ (ເຄຊີເອັນເອ) ລາຍງານໂດຍອ້າງຄຳກ່າວຂອງທ່ານ ຄິມ ຄະເຍ-ກວານ ລັດຖະມົນຕີກະຊວງການຕ່າງປະເທດເກົາຫຼີເໜືອຄົນທີ 1 ວ່າ ການທີ່ລັດຖະບານປຽງຢາງຍົກເລີກການເຈລະຈາລະດັບສູງຮ່ວມກັບເຈົ້າໜ້າທີ່ຂອງລັດຖະບານໂຊລ ເຊິ່ງຕາມກຳນົດຕ້ອງມີຂຶ້ນໃນວັນພຸດທີ 16 ພຶດສະພານີ້ ຖືເປັນ “ສັນຍານເຕືອນທຳອິດ” ວ່າຄວາມສຳພັນລະຫວ່າງສອງເກົາຫຼີ “ເລີ່ມມີບັນຫາ”

ຂະນະດຽວກັນຫາກສະຫະລັດຍັງຄົງພະຍາຍາມກົດດັນໃຫ້ເກົາຫຼີເໜືອ “ຈົນມຸມ” ດ້ວຍການໃຫ້ລັດຖະບານປຽງຢາງເປັນຝ່າຍດຽວທີ່ຕ້ອງປົດອາວຸດນິວເຄຣຍ ກົນລະຍຸດນີ້ອາດເປັນການເຮັດໃຫ້ເກົາຫຼີເໜືອ “ໝົດຄວາມສົນໃຈ” ໃນການເຈລະຈາກັບລັດຖະບານວໍຊິງຕັນຈົນເຖິງຂັ້ນຕ້ອງທົບທວນການຕັດສິນໃຈຂອງຕົວເອງວ່າຄວນເຂົ້າຮ່ວມການພົບປະຫາລືໃນຄັ້ງນີ້ຫຼືບໍ່ ທັງນີ້ປະທານາທິບໍດີ ໂດນັລ ທຣັມ ປະກາດເມື່ອອາທິດທີ່ຜ່ານມາວ່າການປະຊຸມລະຫວ່າງເຂົາກັບຄິມ ຈອງ ອຶນ ຈະມີຂຶ້ນໃນວັນທີ 12 ມິຖຸນານີ້ ທີ່ສິງກະໂປ ປະມານ 45 ວັນຫຼັງຈາກທີ່ທ່ານ ຄິມ ຈອງ ອຶນ ພົບປະຫາລືກັບປະທານາທິບໍດີ ມຸນ ແຈ ອິນ ທີ່ໝູ່ບ້ານປັນມຸນຈອມ ເມື່ອວັນທີ 27 ເມສາ ທີ່ຜ່ານມາ

ທັງນີ້ ທ່ານ ຄິມ ຄະເຍ-ກວານ ຢືນຢັນວ່າເກົາຫຼີເໜືອມີຄວາມມຸ່ງໝັ້ນຢ່າງຊັດເຈນໃນການປົອາວຸດນິວເຄຣຍ ແຕ່ຢ້ຳຫຼາຍເທື່ອເຊັ່ນກັນວ່າ ເງື່ອນໄຂສຳຄັນຄືການທີ່ສະຫະລັດຕ້ອງຢຸດຕິນະໂຍບາຍທີ່ເປັນປໍລະປັກຕໍ່ລັດຖະບານປຽງຢາງ ທີ່ຮ່ວມເຖິງການຂົ່ມຂູ່ຄຸກຄາມນະໂຍບາຍນິວເຄຣຍ ນອກຈາກນີ້ເຈົ້າໜ້າທີ່ລະດັບສູງດ້ານນະໂຍບາຍຕ່າງປະເທດຂອງເກົາຫຼີເໜືອຍັງກ່າວອີກວ່າ ລັດຖະ ບານປຽງຢາງບໍ່ຮັບ “ເງື່ອນໄຂທາງເສດຖະກິດ” ຂອງສະຫະລັດເພື່ອແລກກັບການປົດອາວຸດນິວເຄຣຍ

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...