ບັນຫາທີ່ພົບໄດ້ໃນເດັກນ້ອຍທົ່ວໄປ ແລະ ພົບຢູ່ເລື້ອຍໃນເດັກອາຍຸ 1-3ປີ ມີພຶດຕິກຳການກິນທີ່ແຕກຕ່າງກັນບໍ່ວ່າຈະເປັນ: ກິນແຕ່ຂະໝົມ, ອົມເຂົ້າ, ເລືອກກິນ, ເຂຍອາຫານ, ກິນນ້ອຍ ກິນຊ້າ ພໍ່ແມ່ຕ້ອງເພີ່ມຄວາມໃສ່ໃຈໃນທ່າທີເຫລົ່ານີ້ເປັນພິເສດ ແນະນຳໃຫ້ປັບປ່ຽນພຶດຕິກຳການກິນຂອງລູກ ແລ ຄວນໃຫ້ການເບິ່ງແຍງເລື່ອງ ໂພດນາການຂອງລູກເປັນພິເສດ ເພື່ອປ້ອງກັນການເກີດບັນຫາພາວະໂພສະນາການບໍ່ສົມດຸນ ຊຶ່ງຈະສົ່ງຜົນກະທົບຕໍ່ພັດທະນາການ 3 ດ້ານ ອັນໄດ້ແກ່ ຄວາມສະຫລາດ, ພູມຄຸ້ມກັນ ແລະ ການເຕີບໂຕຂອງລູກ ເຄັດລັບວິທີຮັບມືພຶດຕິກຳກິນຍາກຂອງລູກ ຕ້ອງເລີ່ມຕົ້ນທີ່ການຝຶກພຶດຕິກຳການກິນຂອງລູກໃຫ້ຖືກຕ້ອງ ຊຶ່ງພໍ່ແມ່ສາມາດນຳ6 ເທັກນິກວິທີການແກ້ໄຂພຶດຕິກຳການກິນ
1. ພໍ່ແມ່ຕ້ອງເປັນແບບຢ່າງທີ່ດີ ເພາະລູກໆມັກມີພຶດຕິກຳລຽນແບບຜູ້ໃຫຍ່ ການນັ່ງຮັບປະທານອາຫານພ້ອມລູກນ້ອຍ ແລະ ການເປັນຕົ້ນແບບຂອງພຶດຕິກຳການກິນທີ່ດີ ຢ່າງເຊັ່ນ ການກິນອາຫານທີ່ຫລາກຫລາຍຈະຊ່ວຍກະຕຸ້ນໃຫ້ລູກຢາກເຮັດຕາມ
2. ຢ່າເອົາຂອງຫລິ້ນ ຫລື ສິ່ງທີ່ເດັກສົນໃຈມາຢູ່ໃກ້ເວລາຮັບປະທານອາຫານ ເປັນທຳມະຊາດຂອງເດັກທີ່ຈະສົນໃຈສິ່ງຮອບຂ້າງ ດັ່ງນັ້ນຄວນນຳຂອງຫລິ້ນອອກໄປຈາກເດັກນ້ອຍເວລາຮັບປະທານອາຫານ ເພື່ອສ້າງບັນຢາກາດໃຫ້ເດັກນ້ອຍສົນໃຈອາຫານທີ່ຢູ່ຕໍ່ໜ້າຫລາຍຂຶ້ນ
3. ສິນລະປະ ແລະ ຈິນຕະນາການຂອງແມ່ເປັນສິ່ງສຳຄັນ ການຕົກແຕ່ງອາຫານເທິງຈານໃຫ້ເບິ່ງສວຍງາມ ໜ້າຮັກເພື່ອດຶງດູດຄວາມສົນໃຈ ຫລື ມີສີສັນຫລາກຫລາຍມັດໃຈລູກນ້ອຍ ເປັນການກະຕຸ້ນໃຫ້ເດັກສົນໃຈ ແລະ ເພີ່ມຄວາມຢາກອາຫານ
4. ຢ່າໃຫ້ກິນຂອງຈຸກຈິກ ເພາະການກິນອາຫານຈຸກຈິກ ຈະເຮັດໃຫ້ລູກກິນອາຫານທີ່ມີປະໂຫຍດໃນມື້ຫລັກໄດ້ນ້ອຍລົງ ແມ່ຕ້ອງໃຈແຂງ ສ້າງວິໄນໃຫ້ລູກນ້ອຍກິນເປັນມື້
5ເຊື່ອງອາຫານທີ່ມີປະໂຫຍດ ທີ່ລູກບໍ່ມັກກິນ ດ້ວຍການບົດລະອຽດ ແລະ ໃຊ້ເປັນສ່ວນປະສົມໃນເມນູອາຫານທີ່ລູກມັກກິນ
6. ຢ່າບັງຄັບ ຝືນໃຈ ແລະໃຫ້ຂອງລາງວັນລໍ້ໃຈກັບລູກນ້ອຍ ການຮ້າຍ ແລະ ບັງຄັບຈະເຮັດໃຫ້ເກີດບັນຢາກາດກົດດັນ ສົ່ງຜົນໃຫ້ເດັກເກີດຄວາມຮູ້ສຶກໃນແງ່ລົບຕໍ່ອາຫານ ທີ່ຖືກຕ້ອງຄືພໍ່ແມ່ຄວນເວົ້າໃນເຊີງບວກ ເຊັ່ນ ຊື່ນຊົມເມື່ອລູກກິນອາຫານໄດ້