spot_img
Homeຂ່າວການພັດທະນາ 6 ແຂວງພາກກາງ ມີນັກທ່ອງທ່ຽວເຂົ້າຊົມຫຼາຍອັນດັບ 1 ຂອງປະເທດ

 6 ແຂວງພາກກາງ ມີນັກທ່ອງທ່ຽວເຂົ້າຊົມຫຼາຍອັນດັບ 1 ຂອງປະເທດ

Published on

ຕາມສະຖິຕິປີ 2015 ໃນ 6 ແຂວງພາກກາງເຊິ່ງປະກອບມີ: ນະຄອນຫຼວງວຽງຈັນ, ແຂວງວຽງຈັນ, ບໍລິຄໍາໄຊ, ຄໍາມ່ວນ, ສະຫວັນນະເຂດ ແລະແຂວງໄຊສົມບູນ, ແມ່ນມີນັກທ່ອງທ່ຽວທັງພາຍໃນ ແລະຕ່າງປະເທດເດີນທາງມາທ່ຽວຊົມທັງໝົດ 4,2 ລ້ານເທື່ອຄົນ, ທຽບໃສ່ບັນດາພາກອື່ນໆແມ່ນຫຼາຍເປັນອັນດັບໜຶ່ງຂອງປະເທດ.

ທ່ານ ບຸນສອນ ເພັດລາວັນ ຮອງເຈົ້າແຂວງໆວຽງຈັນກ່າວໃຫ້ຮູ້ວ່າ: ຫວ່າງບໍ່ດົນມານີ້ວ່າ: ໃນ 6 ແຂວງພາກກາງປະກອບດ້ວຍ: ນະຄອນຫຼວງວຽງຈັນ, ແຂວງວຽງຈັນ, ບໍລິຄໍາໄຊ, ຄໍາມ່ວນ, ສະຫວັນນະເຂດ ແລະແຂວງໄຊສົມບູນຕາມສະຖິຕິປີ 2015 ແມ່ນເຫັນວ່າມີນັກທ່ອງທ່ຽວເຂົ້າມາ ຢ້ຽມຢາມ 4.221.048 ເທື່ອຄົນ, ເປັນອັນດັບທີ 1 ຂອງປະເທດ, ທັງນີ້ກໍຍ້ອນມີແຫຼ່ງທ່ອງທ່ຽວທີ່ມີຊື່ສຽງໂດ່ງດັງຢ່າງຫຼວງຫຼາຍເຊັ່ນ: ຢູ່ນະຄອນຫຼວງວຽງຈັນກໍມີພະທາດຫຼວງ, ປະຕູໄຊ, ຫໍພະແກ້ວ, ວັດສີເມືອງ, ວັດສີສະເກດ, ວັດອົງຕື້, ຕະຫຼາດກາງຄືນແຄມຂອງ, ຕາດຫີນຄັນນາ ແລະອື່ນໆ, ຢູ່ແຂວງໄຊສົມບູນກໍມີພູເບ້ຍ, ຖໍ້າເຈົ້າອະນຸວົງ, ອ່າງນໍ້າງື່ມສອງ, ຕາດຫ້ວຍນົກ, ສັນພູໝອກ ແລະອື່ນໆ, ຢູ່ແຂວງບໍ ລິຄໍາໄຊກໍມີວັດພະບາດ, ວັດໂພນສັນ, ວັດດານສູງ, ຕາດຊາຍ, ຕາດເລິກ, ຖໍ້າມັງກອນ ແລະອື່ນໆ.

ສໍາລັບຢູ່ແຂວງຄໍາມ່ວນກໍມີພະທາດສີໂຄດຕະບອງ, ຖໍ້າກອງລໍ, ນາຕານ, ຖໍ້າກອງແລງ, ຖໍ້າພະ, ໜອງປາຝາ, ຖໍ້ານາງແອ່ນ, ຖໍ້ານໍ້າລອດ, ເຊບັ້ງໄຟ ແລະອື່ນໆ, ຢູ່ແຂວງສະ ຫວັນນະເຂດກໍມີພະທາດອີງຮັງ, ວັດໃຫຍ່ໄຊຍະພູມ, ຫໍພິພິທະພັນກະດູກໄດໂນເສົາ, ຫໍພິພິທະພັນມູນເຊື້ອ, ຕະຫຼາດສະຫວັນໄຊ, ອ່າງນໍ້າສຸຍ, ປ່າສະຫງວນດົງນາຕາດ ແລະ ອື່ນໆສ່ວນຢູ່ແຂວງວຽງຈັນກໍມີທໍາ ມະຊາດເມືອງວັງວຽງ, ຖໍ້າຂຸນລາງ, ຜາທໍ່ໜໍ່ຄໍາ, ວັດພະທາດດອນແກ້ວ, ແດນສະຫວັນນໍ້າງື່ມຣີສອດ, ອ່າງນໍ້າງື່ມທະເລສາບເມືອງລາວ, ສວນສັດບ້ານເກີນ ແລະອື່ນໆລວມທັງໝົດແລ້ວມີປະມານ 602 ແຫ່ງ, ນອກຈາກນີ້ໃນ 6 ແຂວງພາກກາງ ຍັງມີສະຖານທີ່ພັກແຮມປະເພດຕ່າງໆທັງໝົດ 1.115 ແຫ່ງຮອງຮັບນັກທ່ອງທ່ຽວໄດ້ຢ່າງພຽງພໍ.

ຈາກໜັງສືພິມເສດຖະກິດບສັງຄົມ

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...