spot_img
Home​ຂ່າວບັນເທິງ4 ຜ່ານ! ກາຍະສິນລາວສູ່ Thailand's got talent (ມີວີດີໂອ)

4 ຜ່ານ! ກາຍະສິນລາວສູ່ Thailand’s got talent (ມີວີດີໂອ)

Published on

ໃນວັນທີ 27 ສິງຫາ ທີ່ຜ່ານມາ, ທີມ ນັກກາຍະສິນມິດຕະພາບກັນເອງ ຈາກ ສປປ ລາວ ໄດ້ເຂົ້າຮ່ວມການແຂ່ງຂັນໃນເວທີ Thailand’s got talent ທີ່ອອກອາກາດທາງຊ່ອງ Workpoint 23.

ທີມນັກກາຍະສິນດັ່ງກ່າວປະກອບດ້ວຍ: ທ້າວ ບຸນສະແຫວງ ສຸກຈັນທະລາວົງ ອາຍຸ 31 ປີ ແລະ ນາງ ສິດທິສອນ ພອນສະຫວັນ ອາຍຸ 26 ປີ. ການສະແດງດັ່ງກ່າວແມ່ນຖືກເອີ້ນວ່າ “ລີລາເທິງເຊືອກແພ“ ເປັນການສະແດງຟ້ອນລໍາເທິງຜືນຜ້າທີ່ສະແດງເຖິງຄວາມແຂງແຮງຂອງຮ່າງກາຍ ແລະ ອ່ອນຊ້ອຍງົດງາມ ໂດຍມີສຽງດົນຕີບັນເລງປະກອບ ດັ່ງພາບຈິນຕະນາການໃນນິຍາຍ.

ທີມງານລາວໂພສໄດ້ຕິດຕໍ່ຫາ ທ້າວ ບຸນສະແຫວງ ແລະ ຖາມເຖິງແຮງບັນດານໃຈໃນການເຂົ້າຮ່ວມລາຍການ Thailand’s got talent 2018, ລາວໄດ້ກ່າວວ່າ:​ “ເຮົາສະໝັກເຂົ້າຮ່ວມລາຍການຄັ້ງນີ້ ກໍເພື່ອຢາກນໍາສະເໜີໃຫ້ຕ່າງຊາດຮູ້ວ່າ ຄົນລາວເຮົາກໍມີຄວາມສາມາດ ເຊັ່ນກັນ“. ການສະແດງກາຍະສິນຈາກຊາວໜຸ່ມລາວຄັ້ງນີ້ ໄດ້ຮັບສຽງຊື່ນຊົມ ແລະ ຄວາມປະທັບໃຈຈາກຄະນະກຳມະການ, ຜູ້ຮັບຊົມ. ນອກຈາກນັ້ນ, ກໍຍັງມີສຽງຊື່ນຊົມຈາກຄົນລາວ, ຄົນໄທ ແລະ ຊາວຕ່າງຊາດທີ່ມາສະແດງຄວາມຄິດເຫັນກ່ຽວກັບການສະແດງດັ່ງກ່າວໃນເວັບໄຊສ໌ Youtube, ທຸກໆຄອມເມັ້ນຕ່າງເວົ້າເປັນສຽງດຽວກັນວ່າ ຢາກໃຫ້ການສະແດງຄັ້ງນີ້ເຂົ້າສູ່ຮອບຕໍ່ໆໄປ. ມາຮ່ວມເຊຍ ແລະ ເປັນກຳລັງໃຈໃຫ້ທີມມິດຕະພາບລາວເຂົ້າຮອບຕໍ່ໄປນໍາກັນ.

ຄົນລາວເຮົາທີ່ສົນໃຈຢາກຮັບຊົມການສະແດງສົດ ສາມາດໄປຮັບຊົມໄດ້ທີ່ ໂຮງກາຍະສິນລາວ ຕັ້ງຢູ່ ບ້ານສະຫວ່າງ, ເມືອງ ຈັນທະບູລີ, ນະຄອນຫຼວງວຽງຈັນ. ຕິດຕາມຕາຕະລາງການເປີດສະແດງໄດ້ທີ່ ເຟສບຸກຂອງໂຮງກາຍະສິນລາວ.

ຕອນນີ້, ທ້າວ ບຸນສະແຫວງ ແລະ ນັກສະແດງກາຍະສິນຄົນອື່ນໆໃນກອງກາຍະສິນ ກຳລັງຝຶກຊ້ອມ ເພື່ອໄປສະແດງກາຍະສິນທີ່ແຂວງອັດຕະປື ເພື່ອໃຫ້ກຳລັງໃຈແກ່ຜູ້ປະສົບໄພນໍ້າຖ້ວມ ໂດຍຜັດປ່ຽນກັນລົງໄປກັບກອງສະແດງຈາກພາກສ່ວນອື່ນໆເຊັ່ນ: ກອງລະຄອນ, ກອງສະແດງ ຕາມການເຫັນດີຂອງກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ.

ສຸດທ້າຍນີ້, ບຸນສະແຫວງຢາກຂໍຝາກເຖິງຊາວໜຸ່ມລາວ ໃຫ້ມີຄວາມກ້າທີ່ຈະສະແດງອອກເຖິງຄວາມສາມາດ ແລະ ພອນສະຫວັນຂອງຕົນເອງ , ຢາກໃຫ້ຄົນລາວເຮົາຕິດຕາມຜົນງານຂອງສິນລະປິນລາວ ເພາະສິນລະປິນຂອງລາວກໍມີຄວາມສາມາດບໍ່ແພ້ຊາດອື່ນເຊັ່ນກັນ.

ບົດຄວາມຫຼ້າສຸດ

ລາຍຊື່ 23 ນັກເຕະທີມຊາດລາວຊຸດໃຫຍ່ ລຸຍບານເຕະ ຊີງແຊ້ມອາຊີ 2027 ຮອບຄັດເລືອກ (ຮອບສຸດທ້າຍ)

ສຕລ ປະກາດລາຍຊື່ 23 ນັກເຕະທີມຊາດລາວຊຸດໃຫຍ່ ລຸຍບານເຕະ ຊີງແຊ້ມອາຊີ 2027 ຮອບຄັດເລືອກ (ຮອບສຸດທ້າຍ) ທີມຊາດລາວ ຊຸດໃຫຍ່ ພາຍໃຕ້ການຄຸມທີມຂອງ ທ່ານ ຮາ ຮອກ...

ເຂົ້າກັກໂຕທັນທີ! ເຈົ້າໜ້າທີ່ກັກໂຕໜຸ່ມລາວ ໃນຂໍ້ຫາມີພຶດຕິກຳໃຊ້ບັນຊີ ຮັບ-ຖອນເງິນ ໃຫ້ກຸ່ມສະແກມເມີ

ອີງຕາມການລາຍງານຈາກສຳນັກຂ່າວປະເທດໄທ, ເຈົ້າໜ້າທີ່ກວດຄົນເຂົ້າເມືອງໜອງຄາຍ ປະເທດໄທ ໄດ້ເຂົ້າກັກໂຕໜຸ່ມຄົນລາວ ທີ່ມີຊື່ວ່າ ທ ເຈມບອນ ອາຍຸ 31 ປີ ຢູ່ທີ່ດ່ານຊາຍແດນຂົວມິດຕະພາບລາວ-ໄທ ແຫ່ງທີ 1 ໃນວັນທີ...

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...