spot_img
Homeຂ່າວການພັດທະນາທ່ານເຈົ້າຄອງເຜີຍ ວິໄສທັດ ແລະ ຍຸດທະສາດ ພັດທະນານະຄອນຫລວງວຽງຈັນ ໃນ 10 ປີຕໍ່ໜ້າ!

ທ່ານເຈົ້າຄອງເຜີຍ ວິໄສທັດ ແລະ ຍຸດທະສາດ ພັດທະນານະຄອນຫລວງວຽງຈັນ ໃນ 10 ປີຕໍ່ໜ້າ!

Published on

IMG_7088

ທ່ານ ສິນລາວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ໃຫ້ຮູ້ວ່າ: ນະຄອນຫຼວງວຽງຈັນ ໄດ້ຮ່າງວິໄສທັດ ແລະ ວາງຍຸດທະສາດ ໃນການພັດທະນາເສດຖະກິດ-ສັງຄົມໃນຕໍ່ໜ້າ ເພື່ອຍົກສູງຊີວິດການເປັນຢູ່ຂອງປະຊາຊົນ ໃຫ້ດີຂຶ້ນເປັນລຳດັບ, ຕາມ 6 ວິໄສທັດ ແລະ 6 ຍຸດທະສາດ ໃນການພັດທະນາໃນ 10 ປີຕໍ່ໜ້າ ແລະ 1 ໃນ 6 ວິໄທທັດ ແລະ 4 ໃນ 6 ຍຸດທະສາດ ນັ້ນແມ່ນເລັ່ງໃສ່ການພັດທະນາທາງດ້ານກະສິກຳ ໃຫ້ມີຄວາມຍືນຍົງເພື່ອຄ້ຳປະກັນສະບຽງອາຫານ,ພ້ອມທັງໄດ້ກຳນົດ 6 ໂຄງການບຸກທະລຸ ແລະ 16 ໂຄງການໃຫຍ່ລະດັບຊາດຮອດປີ 2020 ແລະ ສຳລັບຂະແໜງກະສິກຳນະຄອນຫຼວງວາງເປົ້າໃຫ້ມີການຂະຫຍາຍ ຕົວ 7 % ຕໍ່ປີ ແລະ ໃຫ້ເກວມເອົາ 14 % ຂອງ GDP.

ທ່ານເຈົ້າຄອງກ່າວວ່າ: ໃນຕໍ່ໜ້ານີ້ນະຄອນຫຼວງວຽງຈັນ ຈະເລັ່ງໃສ່ຈັດຕັ້ງປະຕິບັດຫຼາຍໂຄງການທີ່ກ່ຽວພັນເຖິງການພັດທະນາກະສິກຳເຊັ່ນ: ໂຄງການປົດປ່ອຍການເຮັດນາ, ດ້ວຍການປັບປຸງນາໄຮ່ນ້ອຍ ເປັນນາໄຮ່ໃຫຍ່ (ນາຫວານ) , ສົ່ງເສີມການນຳໃຊ້ກົນຈັກເຂົ້າໃນການຜະລິດ ແລະ ຫຼຸດ ຜ່ອນການໃຊ້ແຮງງານຄົນເຂົ້າໃນການຜະລິດໃຫ້ໄດ້ 10 % ຕໍ່ປີ ແລະ ຜະລິດເຂົ້າເປືອກໃຫ້ໄດ້ 1,8 ລ້ານໂຕນຕໍ່ປີ, ສະເລ່ຍພົນລະເມືອງຜູ້ໜຶ່ງ ໃຫ້ມີເຂົ້າກຸ້ມກິນ 300 ກິໂລຕໍ່ປີ, ດັ່ງນັ້ນຈະໄດ້ສຸມໃສ່ປະຕິບັດໂຄງການຄ້ຳປະກັນສະບຽງອາຫານ ຮ່ວມກັບລັດຖະບານ ໃນເນື້ອທີ່ 70 ພັນກວ່າເຮັດຕາ,ໂຄງການສົ່ງເສີມການຜະ ລິດ ເຂົ້າອິນຊີເປັນສິນຄ້າ ຊຶ່ງປັດຈຸບັນນະຄອນຫຼວງມີເຖິງ 150 ກຸມ ທີ່ຜະລິດເຂົ້າອິນຊີ,ໂຄງການສົ່ງເສີມການລ້ຽງສັດເປັນສິນຄ້າເຊັ່ນ: ງົວ, ຄວາຍ, ໝູ, ເປັດ, ໄກ່ ແລະ ຕົ້ນຕໍ່ແມ່ນປາ, ດ້ວຍວິທີສົ່ງເສີມເສດຖະກິດຄອບຄົວແບບເປີດກວ້າງ, ແບບເປັນຟາມ, ນຳໃຊ້ເຕັກນິກວິທະຍາສາດເຂົ້າໃນຜະລິດ, ການລ້ຽງ, ເພື່ອຍົກສູງທາງດ້ານປະລິມານ ແລະ ຄຸນນະພາບ, ໂຄງການຜະລິດກະເສດເພື່ອເປັນວັດຖຸດິບປ້ອນໃຫ້ໂຮງງານອຸດສາຫະກຳ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...