spot_img
Homeຂ່າວພາຍ​ໃນບຸນອອກພັນສາປີນີ້ ທົ່ວນະຄອນຫຼວງວຽງຈັນ ມີອຸບັດເຫດ ເກີດຂຶ້ນ 12 ກໍລະນີ ແລະ ເສຍຊີວິດ 1 ຄົນ

ບຸນອອກພັນສາປີນີ້ ທົ່ວນະຄອນຫຼວງວຽງຈັນ ມີອຸບັດເຫດ ເກີດຂຶ້ນ 12 ກໍລະນີ ແລະ ເສຍຊີວິດ 1 ຄົນ

Published on

ຂໍ້ມູນຈາກ ພະແນກຕຳຫລວດຈະລາຈອນ ນະຄອນຫລວງວຽງຈັນ(ນວ)ໃຫ້ຮູ້ວ່າ: ໃນໄລຍະບຸນອອກພັນສາ ປະວໍລະນາ ປະຈຳປີ 2022 ນີ້, ນັບແຕ່ວັນທີ 9-11 ຕຸລາ ທົ່ວນະຄອນຫລວງວຽງຈັນ ມີອຸບັດເຫດເກີດຂຶ້ນທັງໝົດ 12 ກໍລະນີ, ມີພາຫະນະເປ່ເພ 25 ຄັນ, ບາດເຈັບ 19 ຄົນ ໃນນັ້ນ, ບາດເຈັບເລັກນ້ອຍ 4 ຄົນ, ເຈັບສົມຄວນ 11, ເຈັບສາຫັດ 4 ຄົນ ແລະ ເສຍຊີວິດ 1 ຄົນ, ຊຶ່ງສາເຫດທີ່ພາໃຫ້ເກີດອຸບັດເຫດແມ່ນມາຈາກການດື່ມສິ່ງມຶນເມົາ, ຜູ້ຂັບຂີ່ບໍ່ປະຕິບັດກົດລະບຽບຈະລາຈອນ ແລະ ອື່ນໆ.

ສໍາລັບ ເມືອງທີ່ເກີດອຸບັດເຫດຫລາຍກວ່າໝູ່ ແມ່ນເມືອງຫາດຊາດຟອງ 5 ກໍລະນີ, ເມືອງສີໂຄດຕະບອງ 3 ກໍລະນີ, ເມືອງຈັນທະບູລີີ ແລະ ເມືອງໄຊທານີ ເມືອງລະ 2 ກໍລະນີ.

ຢ່າງໃດກໍຕາມ, ພະແນກຕຳຫລວດຈະລາຈອນ ນະຄອນຫລວງວຽງຈັນ ຍັງຝາກເຖິງຜູ້ໃຊ້ລົດໃຊ້ຖະໜົນຈົ່ງມີສະຕິ, ລະມັດລະວັງຕົວໃນການຂັບຂີ່, ໃຫ້ກຽດເຊິ່ງກັນ ແລະ ກັນຂອງຜູ້ຂັບຂີ່ ພ້ອມກັນປະຕິບັດກົດລະບຽບຈະລາຈອນໃຫ້ເຂັ້ມງວດ ເພື່ອເປັນການຊ່ວຍຫລຸດຜ່ອນການເກີດອຸບັດເຫດ ໂດຍສະເພາະໃນໄລຍະສະເຫລີມສະຫລອງ ບຸນປະເພນີ ຫລື ເທສະການຕ່າງໆ ຂໍໃຫ້ທຸກໆຄົນໃນທົ່ວສັງຄົມ ຈົ່ງມີສະຕິໃນການໄປ-ການມາ, ເມົາແລ້ວບໍ່ຄວນຂັບຂີ່ລົດ, ທັງນີ້ ກໍເພື່ອຮັບປະກັນບໍ່ ໃຫ້ເກີດອຸບັດເຫດຕາມທ້ອງຖະໜົນ.

ບົດຄວາມຫຼ້າສຸດ

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...