spot_img
Homeຂ່າວທ້ອງຖິ່ນລາວຄາຍຢວນ ມອບເງິນ 400 ລ້ານກີບ ສ້ອມແປງທາງ 13 ໃຕ້.

ລາວຄາຍຢວນ ມອບເງິນ 400 ລ້ານກີບ ສ້ອມແປງທາງ 13 ໃຕ້.

Published on

ໃນວັນທີ 6 ຕຸລາ 2022 ຜ່ານມາ: ຢູ່ທີພະແນກໂຍທາທິການ ແລະ ຂົນສົ່ງແຂວງຄຳມ່ວນ ບໍລິສັດລາວຄາຍຢວນ ບໍ່ແຮ່ຈຳກັດ ໄດ້ນຳເອົາເງິນສົດຈຳນວນ 400 ລ້ານກີບ ມາມອບໃຫ້ແຂວງຄຳມ່ວນ ເພື່ອປະກອບສ່ວນຊ່ວຍເຫລືອໃນການສ້ອມແປງເສັ້ນທາງເລກທີ 13 ໃຕ້ ຕາມຈຸດທີເປ່ເພໜັກດ້ວຍການປູຢາງຊັ້ນ1, ປະກອບມີ 2 ຊ່ວງຄື : ຊ່ວງທີ 1 : ແຕ່ໄຟແດງຫລັກ 4 ບ້ານໂພນສະອາດ ຫາ ທາງເຂົ້າໂຮງງານເກືອກາລີ ບ້ານນາມະລາດ, ກມ 336 + 000 – 340 + 00, ມີຄວາມຍາວ 10 ກິໂລແມັດ ແລະ ຊ່ວງທີ 2 ແຕ່ຂົວມິດຕະພາບ III ຫາ 4 ແຍກໄຟແດງຫລັກ4, ບ້ານໂພນສະອາດ, ກມ 324 – 336 , ມີຄວາມຍາວ 12 ກິໂລແມັດ ( ໃນມູນຄ່າການສ້ອມແປງທັງໝົດ 2 ຊ່ວງ 1 ຕື້ກວ່າກີບ ).

ໂດຍການກ່າວມອບຂອງ ທ່ານ ຫວາງ ເຕີສວນ ຜູ້ອໍານວຍການບໍລິສັດ ລາວຄາຍຢວນບໍ່ແຮ່ຈຳກັດ, ຮັບໂດຍ ທ່ານ ຂວັນຕາ ດວງລາຕີ ຫົວໜ້າພະແນກໂຍທາທິການ ແລະ ຂົນສົ່ງແຂວງຄຳມ່ວນ, ພ້ອມທັງກ່າວສະແດງຄວາມຂອບໃຈມາຍັງບໍລິສັດທີ່ໃຫ້ການຊ່ວຍເຫລືອໃນຄັ້ງນີ້ ແລະ ອວຍພອນໃຫ້ທາງບໍລິສັດຈົ່ງປະສົບຜົນສຳເລັດ, ມີຄວາມກ້າວໜ້າ, ທຸລະກິດຈະເລີນຮຸ່ງເຮືອງຂື້ນໄປເລື້ອຍໆ. ສຳລັບການສ້ອມແປງດັ່ງກ່າວ ປະຈຸບັນພວມຖົມດິນປັບກວດໜ້າທາງຕາມຈຸດທີ່ເປ່ເພ ຄາດວ່າຈະໃຫ້ສຳເລັດໃນທ້າຍເດືອນ ຕຸລາ 2022 ນີ້.

ທ່ານ ຫວາງ ເຕີສວນ ຍັງໄດ້ກ່າວວ່າທາງບໍລິສັດແມ່ນມີຄວາມຍິນດີທີ່ໄດ້ໃຫ້ການຊ່ວຍເຫລືອ ແລະ ຫວັງວ່າໃນຕໍ່ໜ້າພວກເຮົາຈະໄດ້ເປັນສ່ວນໜຶ່ງໃນການປະກອບສ່ວນສ້າງສາພັດທະນາ ແຂວງ ຄຳມ່ວນ ຕື່ມອີກ, ພາຍຫລັງສໍາເລັດການສ້ອມແປງເສັ້ນທາງດັ່ງກ່າວ ນອກຈາກປະຊາຊົນຈະໄດ້ນຳໃຊ້ເສັ້ນທາງທີ່ສະດວກຂື້ນ ທາງບໍລິສັດຂອງພວກເຮົາກໍ່ຈະໄດ້ມີຄວາມສະດວກໃນການຂົນສົ່ງ ແລະ ນຳໃຊ້ເສັ້ນທາງດັ່ງກ່າວເຊັ່ນດຽວກັນ.

ໃຫ້ກຽດເຂົ້າຮ່ວມເປັນສັກຂີພິຍານໃນພິທີຄັ້ງນີ້ໂດຍ ທ່ານ ພາກອນ ແກ້ວມະນີ ຮອງຫົວໜ້າຫ້ອງວ່າການແຂວງ, ພ້ອມດ້ວຍຄະນະພະແນກ, ຂະແໜງການ ແລະ ພະນັກງານກ່ຽວຂ້ອງທັງສອງຝ່າຍ.

ທີ່ມາ: MediaLAOS

ບົດຄວາມຫຼ້າສຸດ

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...

ໂຄງການ ASEAN SOAR Together ໄດ້ຮ່ວມແບ່ງປັນເລື່ອງລາວຄວາມສໍາເລັດຂອງ MSME ດິຈິຕ້ອນ ທີ່ງານ ABIS 2025

ສະເຫຼີມສະຫຼອງຜົນສໍາເລັດຂອງການຫັນສູ່ດິຈິຕ້ອນຂອງ MSME ໃນທົ່ວອາຊຽນ ຜ່ານໂຄງການ ASEAN SOAR Together ກົວລາ ລໍາເປີ, 31 ຕຸລາ 2025 – ມູນນິທິ ອາຊຽນ...

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...