ຫລາຍເທື່ອທີ່ສາວໆມັກທາເລັບ ເພື່ອຄວາມສວຍງາມ ຈົນເບິ່ງຂ້າມໄປວ່າ ເລັບເອງກໍເປັນອະໄວຍະວະໜຶ່ງເຊັ່ນກັນ ສາວໆຮູ້ບໍ່ວ່າ ມີຂໍ້ຫ້າມຄືກັນ ຖ້າເປັນຄົນຮັກເລັບແທ້ໆ 9 ຂໍ້ນີ້ເປັນຂໍ້ຕ້ອງຫ້າມສຳລັບສາວໆເລີຍ ມາເບິ່ງດີກວ່າວ່າ ເຄີຍທໍາຮ້າຍເລັບໂດຍບໍ່ຮູ້ໂຕຫລືບໍ່ ?
- ຢ່າ ທາເລັບຕະຫລອດໂດຍບໍ່ມີມື້ພັກການທາເລັບທຸກມື້ໂດຍບໍ່ຢຸດພັກ ຈະເຮັດໃຫ້ເລັບຂອງສາວໆກາຍເປັນສີເຫລືອງ ເພື່ອຫລີກລ້ຽງເລັບສີເຫລືອງ ໃຫ້ໃຊ້ ໂຊດາ 1 ບ່ວງ ແລະ ໂອລິຟອອຍ ເຄິ່ງບ່ວງ ແລະ ປະສົມນ້ຳໝາກນາວໜ້ອຍໜຶ່ງ ທາໃຫ້ທົ່ວມືແລ້ວຖິ້ມໄວ້ 10 ນາທີ ຄ່ອຍລ້າງອອກ ເລັບຂອງສາວໆຈະເບິ່ງສະອາດຂຶ້ນ
- ຢ່າຕັດ ຫລື ຕັດຫນັງອ້ອມຮອບເລັບອອກໜັງເລັບມັກເກີດຂຶ້ນເພາະຕັດ ຫລື ຕັດຫນັງອ້ອມຮອບຫລາຍເກີນໄປ ຖ້າມີເວລາໄປເຮັດເລັບຢູ່ຮ້ານ ກະລຸນາບອກກົບພະນັກງານວ່າ ຢ່າຕັດມັນຖິ້ມ ໃຫ້ໃຊ້ນ້ຳມັນ ເພີ່ມຄວາມຊຸ່ມຊື່ນໃຫ້ກັບໜັງເລັບດີກວ່າ
- ຢ່າໃຊ້ຢາລ້າງເລັບທີ່ມີສ່ວນປະສົມຂອງ Acetoneເພາະ Acetone ຈະເຮັດໃຫ້ເລັບຂາດນ້ຳມັນທຳມະຊາດມາຫລໍ່ລ້ຽງ ແລະ ເຮັດໃຫ້ຜິວເລັບແຫ້ງ ເປັນໂຕການໃຫ້ເລັບແຕກງ່າຍ ເບິ່ງກາທີ່ຂຽນໄວ້ວ່າ Non-actone
- ຢ່າແກະເກົາເລັບທີ່ກຳລັງລອກເພາະເມື່ອລອກສີເລັບອອກ ບໍ່ແມ່ນແຕ່ສີເລັບທີ່ຫລຸດອອກ ຊັ້ນເລັບຈະຫລຸດຕາມອອກມານໍາ ຖ້າຫາກຮູ້ວ່າ ເລັບລອກແລ້ວ ໃຫ້ລ້າງດ້ວຍນ້ຳຢາລ້າງເລັບແລ້ວທາໃໝ່ ທີ່ສຳຄັນຢ່າລືມທາ ທັບເງົາເພື່ອປ້ອງກັນການຫລຸດລອກ
- ຢ່າລືມທາທັບເງົາກ່ອນທາສີເລັບ ເພາະທັບເງົາຈະຊ່ວຍໃຫ້ເລັບບໍ່ເປັນສັນຄື້ນ ຢ່າລືມຫາແບບທີ່ມີ ແຄຊຽມນໍາ ເພາະຈະເຮັດໃຫ້ເລັບແຂງແຮງຂຶ້ນນໍາອີກ
- ຢ່າລືມເພີ່ມຄວາມຊຸ່ມຊື່ນເລັບຖືກສ້າງຈາກສານໂປຕີນ ຊະນິດໜຶ່ງທີ່ຊື່ວ່າ ເຄົາຕິນ ເຊິ່ງ ເຄົາຕິນ ຕ້ອງການຄວາມຊຸ່ມຊື່ນເພື່ອການຈະເລີນເຕີບໂຕ ທາຄີມໜັກໆ ເຊັ່ນ ບັດເຕີຄີມ ທີ່ມື ແລະ ຕີນກ່ອນນອນ ໃສ່ຖົງຕີນຖົງມືເພື່ອກັກເກັບຄວາມຊຸ່ມຊື່ນເພື່ອປະສິດທິພາບສູງສຸດ
- ຢ່າຄິດວ່າ ຕັດເລັບໄດ້ທຸກເວລາຄວນຕັດເລັບຕອນຫລັງອາບນ້ຳ ຫລື ແຊ່ນ້ຳກ່ອນຕັດເລັບເພື່ອຈະໄດ້ທໍາຮ້າຍເລັບໃຫ້ນ້ອຍທີ່ສຸດ
- ຢ່າເອົາຕະໄບຖູໜ້າເລັບເພາະຈະເຮັດໃຫ້ເລັບບາງ ໃຫ້ໃຊ້ໂຕ Buffer ນຸ່ມໆ ທີ່ໄວ້ຂັດເລັບໃຫ້ເງົາ ແທນ ເອົາ ຕະໄບຖູຂອບໆເລັບໃຫ້ເຂົ້າຮູບເທົ່ານັ້ນພໍ
- ຢ່າໃຊ້ສະບູລ້າງມື ທີ່ມີສ່ວນປະສົມຂອງ ແອວກໍຮໍ ເພາະຈະເຮັດໃຫ້ມືແຫ້ງ ແລະເລັບບາງ ເລືອກໃຊ້ນ້ຳຢາລ້າງມືທີ່ບໍ່ມີສ່ວນປະສົມຂອງ ແອວກໍຮໍ ຫລື ສ່ວນປະສົມຂອງເຄມີຕ່າງໆ