spot_img
Homeຂ່າວການສຶກສາໂຮງຮຽນການເງິນດົງຄຳຊ້າງ ສຳເລັດໂຄງການກໍ່ສ້າງ ໄລຍະ 2

ໂຮງຮຽນການເງິນດົງຄຳຊ້າງ ສຳເລັດໂຄງການກໍ່ສ້າງ ໄລຍະ 2

Published on

ປະຕິບັດສັນຍາກ່ຽວກັບ ການຮ່ວມມື ທາງດ້ານເສດຖະກິດ, ວັດທະນະທໍາ, ການສຶກສາ ແລະ ວິທະ
ຍາສາດເຕັກໂນໂລຊີ ລະຫວ່າງ ສອງລັດຖະບານ ລາວ-ຫວຽດນາມ ໄລຍະ 2006-2010. ລັດຖະບານ
ລາວ ໄດ້ກຳນົດແຜນການລວມ ແລະ ໂຄງການກໍ່ສ້າງອາຄານ ໂຮງຮຽນການເງິນດົງຄຳຊ້າງ (ສະຖາ
ບັນ ເສດຖະກິດ-ການເງິນ ດົງຄຳຊ້າງ ໃນປັດຈຸບັນ) ແລະ ແບ່ງການລົງທຶນອອກເປັນ 2 ໄລຍະ.
ໃນນັ້ນ, ໄລຍະທີ 1 ແມ່ນໄດ້ສຳເລັດ ແລະ ມອບ-ຮັບ ໄປແລ້ວ ໃນວັນທີ 19 ພະຈິກ 2008 ປະກອບມີ:
ອາຄານຫ້ອງການ 3 ຊັ້ນ 1 ຫຼັງ ທີ່ສາມາດຮອງຮັບ ຄູ-ອາຈານ ໄດ້ 150 ຄົນ, ອາຄານຫ້ອງຮຽນ 3 ຊັ້ນ
1 ຫຼັງ ທີ່ຮອງຮັບນັກສຶກສາໄດ້ 800 ຄົນ, ອາຄານຫໍພັກນັກສຶກສາ 3 ຊັ້ນ 1 ຫຼັງ ທີ່ຮອງຮັບນັກສຶກສາ
ໄດ້ 480 ຄົນ, ໂຮງອາຫານ 2 ຊັ້ນ 1 ຫຼັງ ບັນຈຸໄດ້ 200 ຄົນ, ສະໂມສອນ ຂະໜາດ 600 ບ່ອນນັ່ງ 1 ຫຼັງ
ແລະ ພື້ນຖານໂຄງລ່າງບໍລິເວນອ້ອມຂ້າງ.​
s26_2
ຈາກໝາກຜົນດັ່ງກ່າວ ແລະ ເພື່ອຮອງຮັບໃຫ້ແກ່ການ ພັດທະນາການສຶກສາ ຂອງສະຖາບັນແຫ່ງນີ້.
ໂຄງການໄລຍະ 2 ຈຶ່ງໄດ້ຮັບການຈັດຕັ້ງປະຕິບັດ ໃນສັນຍາກ່ຽວກັບ ການຮ່ວມມື ທາງດ້ານເສດຖະກິດ,
ວັດທະນະທຳ, ການສຶກສາ ແລະ ວິທະຍາສາດເຕັກໂນໂລຊີ ລະຫວ່າງ ສອງລັດຖະບານ ລາວ-ຫວຽດນາມ
ໄລຍະ 2011-2015 ມູນຄ່າ 47 ກວ່າຕື້ກີບ ໃນນັ້ນ, ເປັນທຶນຊ່ວຍເຫຼືອຈາກລັດຖະບານຫວຽດນາມ 43
ກວ່າຕື້ກີບ ແລະ ສ່ວນທີ່ເຫຼືອແມ່ນທຶນສົມທົບ ຂອງລັດຖະບານລາວ ປະກອບມີ: ການກໍ່ສ້າງອາຄານ
ແຝດ 3 ຊັ້ນ 1 ຫຼັງ ບັນຈຸນັກສຶກສາໄດ້ 1.500 ຄົນ, ອາຄານຮຽນ 3 ຊັ້ນ 1 ຫຼັງ ທີ່ຮອງຮັບນັກສຶກສາໄດ້
800 ຄົນ, ອາຄານຄົ້ນຄວ້າ ແລະ ຮຽນ 2 ຊັ້ນ 2 ຫຼັງ ຮອງຮັບໄດ້ 300 ຄົນ, ອາຄານຫໍພັກສຳລັບພະນັກ
ງານມາຝຶກອົບຮົມ 3 ຊັ້ນ 1 ຫຼັງ ທີ່ຮອງຮັບໄດ້ 100 ຄົນ, ອາຄານຫໍສະໝຸດ 2 ຊັ້ນ 1 ຫຼັງ ຮອງຮັບໄດ້
288 ຄົນ ແລະ ປັບປຸງພື້ນຖານໂຄງລ່າງ ພາຍນອກອາຄານ.  ໂຄງການໄລຍະທີ 2  ດັ່ງກ່າວໄດ້ກໍ່ສ້າງ
ສຳເລັດ ແລະ ຈັດພິທີມອບ – ຮັບ ໃນວັນທີ 26 ມິຖຸນາ 2014 ຜ່ານມານີ້ ໂດຍມີທ່ານ ສົມສະຫວາດ
ເລັ່ງສະຫວັດ, ຮອງນາຍົກລັດຖະມົນຕີ ຜູ້ຊີ້ນຳວຽກງານເສດຖະກິດ ທັງເປັນປະທານຄະນະກຳມາທິ
ການຮ່ວມມື ລາວ-ຫວຽດນາມ, ທ່ານ ດຣ ລຽນ ທິແກ້ວ ລັດຖະມົນຕີວ່າການ ກະຊວງການເງິນແຫ່ງ
ສປປ ລາວ ແລະ ທ່ານ ດິງເຕິນຢຸງ ລັດຖະມົນຕີວ່າການ ກະຊວງການເງິນ ສສ ຫວຽດນາມ ເຂົ້າຮ່ວມ
ເປັນປະທານໃນພິທີ.
ແຫຼ່ງຂ່າວ: ຫ້ອງວ່າການລັດຖະບານ

ບົດຄວາມຫຼ້າສຸດ

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...