spot_img
Homeຂ່າວພາຍ​ໃນຄະນະຜູ້ຈັດລະຄອນພື້ນເມືອງ ຊ່ອງ 7 ຂອງໄທ ເຂົ້າພົບທູດລາວ ປະຈຳບາງກອກ ເພື່ອຂໍອະໄພລະຄອນ “ມົນນາຄະລາດ” ແຕະຕ້ອງຈິດໃຈຄົນລາວ

ຄະນະຜູ້ຈັດລະຄອນພື້ນເມືອງ ຊ່ອງ 7 ຂອງໄທ ເຂົ້າພົບທູດລາວ ປະຈຳບາງກອກ ເພື່ອຂໍອະໄພລະຄອນ “ມົນນາຄະລາດ” ແຕະຕ້ອງຈິດໃຈຄົນລາວ

Published on

ຕອນເຊົ້າວັນທີ 27 ພຶດສະພານີ້, ຢູ່ສະຖານເອກອັກຄະລັດຖະທູດແຫ່ງ ສປປ ລາວ ປະຈໍາຣາຊະອານາຈັກໄທ ທີ່ບາງກອກ; ທ່ານ ສະຍົມ ສັງວະຣິບຸດ ກໍາ ມະການຜູ້ຈັດການບໍລິສັດ ສາມສຽນ ຈໍາກັດ, ຜູ້ຈັດລະຄອນ ພື້ນເມືອງໂທລະພາ ບຊ່ອງ 7 ຂອງໄທ ພ້ອມຄະນະ ໄດ້ເຂົ້າພົບ ທ່ານ ຫລີ ບຸນຄໍ້າ ເອກອັກຄະລັດ ຖະ ທູດລາວເພື່ອມອບຊໍ່ດອກໄມ້ ຂໍອະໄພ ແລະ ສະແດງຄວາມຮັບຜິດຊອບໃນກໍລະ ນີທີ່ລາຍການລະຄອນພື້ນເມືອງ “ມົນນາຄະລາດ” ຂອງຊ່ອງ 7 ທີ່ໄດ້ອອກອາ ກາດໃນຕອນເຊົ້າວັນທີ 25 ພຶດສະພາຜ່ານມາທີ່ເອົາຮູບປະຕູໄຊເປັນຮູບສົມທຽບຫໍຄໍາພີຕາມລະຄອນຖືກໄຟໄໝ້ເຊິ່ງໄດ້ກະ ທົບຄວາມຮູ້ສຶກຂອງປະຊາຊົນລາວ.

ທ່ານ ສະຍົມ ສັງວະຣິບຸດ ໄດ້ ກ່າວຂໍອະໄພ ແລະ ພ້ອມຮັບເອົາ ຄໍາຕໍານິຕິຊົມ, ຮັບຜິດຊອບຕໍ່ຄວາມຜິດພາດເຊິ່ງບໍ່ໄດ້ມີ ເຈດ ຕະນາລົບລູ່ດູຫມິ່ນໂດຍເຈດຕະ ນາ ໃນເລື່ອງເປັນຮູບພາບສະຖານທີ່ທີ່ນໍາປະກອບໃຊ້ໃນລະຄອນເປັນສະຖານທີ່ສັກ ສິດ, ແຕ່ມີເຫດການຄົນຮ້າຍຕັ້ງໃຈຈະທໍາລາຍ ແລະ ພະຍານາກໄດ້ເຂົ້າມາຊ່ວຍມອດໄຟ (ເນື້ອໃນລະຄອນ).

ໂອກາດດັ່ງກ່າວ ທ່ານເອກ ອັກຄະລັດຖະທູດ ຫລີ ບຸນຄໍ້າ ໄດ້ ຮຽກຮ້ອງອີກເທື່ອໜຶ່ງເຖິງຄະນະຜູ້ບໍລິຫານໂທລະພາບ ຊ່ອງ 7 ຈົ່ງມີສະຕິລະມັດລະວັງຕື່ມອີກ ໃນການອອກຂ່າວ, ລະຄອນ ຫລື ການສະແດງຄວາມຄິດເຫັນ ຕ່າງໆເພື່ອສົ່ງເສີມ ການພົວພັນອັນດີງາມລະຫວ່າງລາວ-ໄທ, ບໍ່ໃຫ້ເກີດເຫດການແບບນີ້ຂຶ້ນອີກ. ຜ່ານມາສື່ຂອງລາວກໍບໍ່ເຄີຍກະທໍາການອັນໃດ ທີ່ເປັນ ການແຕະຕ້ອງການພົວພັນອັນດີລະຫວ່າງສອງປະເທດ.

ເມື່ອວັນທີ 23 ມັງກອນ ຜ່ານມານີ້, ໂທລະພາບຊ່ອງ 7 ກໍໄດ້ອອກຄໍາສັບພາສາລາວຜິດພາດ ແລະ ຜູ້ບໍລິຫານງານ ຂອງໂທລະພາບດັ່ງກ່າວກໍໄດ້ເຂົ້າສະແດງຄວາມຮັບຜິດຊອບ ແລະ ຂໍອະໄພກັບທ່ານເອກອັກຄະລັດຖະທູດ ຫລີ ບຸນຄໍ້າ ຕໍ່ເຫດການ ທີ່ເກີດຂຶ້ນ, ພ້ອມຈະລະມັດລະ ວັງບໍ່ໃຫ້ມີບັນຫາຜິດພາດດັ່ງ ກ່າວອີກ.

ທີ່ມາ http://laophatthananews.blogspot.com/2014/05/7.html

ບົດຄວາມຫຼ້າສຸດ

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...