spot_img
Homeຂ່າວພາຍ​ໃນສອງສາວລາວຂົນຍາບ້າ ມູນຄ່າ 120 ລ້ານບາດ ຖືກຈັບໄດ້ທີ່ດ່ານໜອງຄາຍ ວັນທີ 13/5/2014

ສອງສາວລາວຂົນຍາບ້າ ມູນຄ່າ 120 ລ້ານບາດ ຖືກຈັບໄດ້ທີ່ດ່ານໜອງຄາຍ ວັນທີ 13/5/2014

Published on

10341434_771191292912545_8250558705149196005_n
ສອງສາວລາວຂົນຍາບ້າ ມູນຄ່າ 120 ລ້ານບາດ

ລາຍງານຜ່ານບ໋ອກຂອງ ຂ່າວອ່ອນລາຍໜອງຄາຍ ໃຫ້ຮູ້ຕອນເວລາ 13:00 ວັນທີ 13 ພຶດສະພາ 2014 ເຈົ້າໜ້າທີ່ ພາສີຂອງດ່ານໜອງຄາຍ ໄດ້ກວດລົດເກັງ KIA ກຳແພງນະຄອນ 6066 ພົບຢາບ້າ ຈຳນວນ 380,000 ເມັດ ລວມມູນຄ່າກວ່າ 120 ລ້ານບາດ.

ການຈັບກຸມແມ່ນຕອນເວລາ ປະມານ 07:00 ຂອງວັນທີ 13 ພຶດສະພາ ໂດຍຜູ້ຂັບຂີ່ລົດຊື່ ນາງ ທອມມາ ອາຍຸ 30 ປີ ແລະ ຄົນທີ່ຂີ່ມານຳ ຊື່ນາງ ທິພາພອນ ສອນດາລາ. ເຈົ້າໜ້າທີ່ໄດ້ກວດລົດຄັນດັ່ງກ່າວ ແລະ ພົບເຫັນ ກະໂປງທ້າຍລົດມີການດັດແປງ. ເບື້ອງຕົນ ນາງທອມມາ ບອກວ່າເປັນລະບົບເຄື່ອງສຽງ ເຈົ້າໜ້າທີ່ໄດ້ ຂໍກວດລະອຽດ ຈິ່ງພົບ ຖົງດຳຫ້າຖົງ ເຊື່ອງໄວ້ທາງໃນ ເມືອກວດສອບ ຈິ່ງພົບ ຢາບ້າຈຳນວນ 30 ຫໍ່ໃຫຍ່ ແລະ 11 ຫໍ່ນ້ອຍ ລວມທັງໝົດ 380,000 ເມັດ ແລະ ຢາໄອອີກ 1 ມັດ ນ້ຳໜັກ 1 ກິໂລກະລາມ ຕົກເປັນມູນຄ່າກວ່າ 120 ລ້ານບາດ.

ຈາກການສອບສວນ, ທັງສອງບອກວ່າໄດ້ຮັບວ່າຈ້າງຈາກ ທ້າວຕ້າ ຄົນລາວ ເປັນເງິນ 10,000 ບາດ ໃຫ້ຂັບລົດຄັນດັ່ງກ່າວພ້ອມ ກະເປົາ 5 ໜ່ວຍ ໄປຝັ່ງໄທ ຖ້າວ່າໄປຮອດ ແລ້ວຈະໂທຫາທັງສອງຄົນ ໄປສົ່ງທີ່ຈຸດນັດໝາຍອີກຕໍ່ໄປ. ທັງສອງກໍ່ບໍ່ຮູ້ວ່າຈະນັດພົບຢູ່ໃສ ແຕ່ຖືກຈັບກຸ່ມໄດ້ກ່ອນ.

ໃນຊ່ວງປີ 2013 ທີ່ຜ່ານມາ ດ່ານພາສີໜອງຄາຍ ມີຜົນງານາການຈັບກຸມຢາເສບຕິດຈຳນວນ 20 ຄະດີ ເປັນຢາບ້າ ຈຳນວນ 426,132 ເມັດ, ຢາໄອ 9,351,50 ກາມ, ຝິ່ນ 350 ກາມ ລວມມູນຄ່າທັງໝົດ 160 ລ້ານບາດ.

ຂໍ້ມູນຈາກ: http://nongkhainewsonline.blogspot.com/2014/05/380000-1-120.html

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...